ជីវិតកម្សាន្ដ
តួ សាន់ ឆាយ ដាក់ពាក្យបណ្ដឹងអតីតស្វាមី និងម្ដាយក្មេក
តារាសម្ដែង និងពិធីការិនីតៃវ៉ាន់ បាប៊ី ស៊ូ (Barbie Hsu) កំពុងដាក់ពាក្យបណ្ដឹងអតីតស្វាមី ដែលជាអ្នកជំនួញចិនលោក Wang Xiaofei និងម្តាយក្មេកអ្នកស្រី Zhang Lan ពីបទបរិហារកេរ្តិ៍លើរូបនាង កាលពីចុងឆ្នាំមុន។
នៅក្នុងសេចក្តីថ្លែងការណ៍ផ្លូវច្បាប់ដែលត្រូវបានបង្ហោះឡើងវិញនៅលើបណ្ដាញ Weibo ដោយក្រុមអ្នកគ្រប់គ្រងរបស់អតីតតួ សាន់ ឆាយ នារសៀលថ្ងៃទី៨ ខែសីហា បានបង្ហាញថា តារាស្រីរូបនេះកំពុងបន្តចាត់ការតាមផ្លូវច្បាប់ប្រឆាំងនឹងលោក Xiaofei ពីបទប្រមាថ និងបង្ខូចកេរ្តិ៍ឈ្មោះនាងនៅលើវេទិកាអនឡាញដូចជា Weibo និង Douyin ចាប់តាំងពីថ្ងៃទី២១ ខែវិច្ឆិកា ឆ្នាំ២០២២ មកម្ល៉េះ។
មិនតែប៉ុណ្ណោះ តារាស្រីវ័យ ៤៦ឆ្នាំរូបនេះក៏កំពុងប្តឹងផ្ដល់អតីតម្តាយក្មេក គឺអ្នកស្រី Zhang Lan ពីបទប្រមាថ និងបង្ខូចកេរ្តិ៍ឈ្មោះនាងនៅលើការផ្សាយផ្ទាល់របស់ Douyin ចាប់តាំងពីថ្ងៃទី២១ ខែវិច្ឆិកា ឆ្នាំ២០២២ ផងដែរ។
គួររំលឹកថា បាប៊ី និង Xiaofei បានលែងលះគ្នាកាលពីខែវិច្ឆិកា ឆ្នាំ២០២១ បន្ទាប់ពីរៀបការរយៈពេល ១០ឆ្នាំ និងមានកូនពីរនាក់ជាមួយគ្នា។ ក្រោយលែងលះ អតីតស្វាមីរបស់នាងត្រូវបង់ថ្លៃអាហារកិច្ចលើកូនៗ ប៉ុន្តែតាមរបាយការណ៍មួយរបស់ Mirror Media កាលពីខែវិច្ឆិកា ឆ្នាំមុន បានសរសេរថា បាប៊ី មិនបានទទួលប្រាក់ឧបត្ថម្ភពី Xiaofei ចាប់តាំងពីខែមីនា ឆ្នាំ២០២២មក ហើយចំនួនសរុបដែលលោកជំពាក់នាងបានឡើងដល់ទៅ ១៦ម៉ឺនដុល្លារអាមេរិក ។ ដូច្នេះហើយ នាងបានទៅប្តឹងតុលាការក្រុងតៃប៉ិ ដើម្បីចាត់វិធានការ ហើយតុលាការបានសម្រេចរឹបអូសទ្រព្យសម្បត្តិរបស់ Xiaofei នៅតៃវ៉ាន់យកទាំងអស់។
ឆ្លើយតបនឹងបញ្ហានេះលោក Xiaofei បានធ្វើការបង្ហោះលើ Weibo ដោយបញ្ជាក់ថា គាត់ពិតជាមិនមានបំណងបង់ប្រាក់ឱ្យអតីតភរិយាប្រាកដមែន ប៉ុន្តែវាកើតឡើងដោយសារ បាប៊ី បានរៀបការជាមួយតារាចម្រៀងកូរ៉េខាងត្បូងលោក Koo Jun-yup កាលពីខែកុម្ភៈ ឆ្នាំ២០២២ កន្លងមក ដូច្នេះទើបលោកបោះបង់ទំនួលខុសត្រូវ៕
ប្រែសម្រួល៖ សន្យា
ចុចអាន៖ ធ្លាប់រងពាក្យរិះគន់ស្ពឹកមុខ ពេលនេះបវរកញ្ញាចក្រវាល ២០២១ ស្រកទម្ងន់ សឹងមិនគួរឱ្យជឿ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន