សេដ្ឋកិច្ច

មន្ត្រីធនាគារមកពី ១២ ប្រទេស ចូលរួមវគ្គបណ្ដុះបណ្ដាលស្ដីពី“គោលនយោបាយអត្រាប្ដូរប្រាក់” នៅកម្ពុជា

បានផុស

៣ years មុន

នៅ

ថ្ងៃអង្គារ ២២ សីហា ២០២៣

ដោយ

ធនាគារជាតិ នៃកម្ពុជា សហការជាមួយមជ្ឈមណ្ឌលស៊ាសិន (SEACEN) និងធនាគារកណ្ដាល នៃប្រទេសជប៉ុន បានបើកវគ្គបណ្ដុះបណ្ដាល ស្ដីពី “គោលនយោបាយអត្រាប្ដូរប្រាក់” នៅសណ្ឋាគារសុខាអង្គរ ខេត្តសៀមរាប ដោយមានការចូលរួមពីតំណាងធនាគារកណ្ដាល និងអាជ្ញាធររូបិយវត្ថុ មកពី ១២ ប្រទេស ក្នុងតំបន់អាស៊ីប៉ាស៊ីហ្វិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ុំ សន្និសិទ្ធ ទេសាភិបាលរង ជាតំណាងដ៏ខ្ពង់ខ្ពស់របស់លោកស្រីបណ្ឌិត ជា សិរី ទេសាភិបាលធនាគារជាតិ នៃកម្ពុជា បានមានប្រសាសន៍ថា វគ្គបណ្ដុះបណ្ដាលនេះមានរយៈពេល ៥ ថ្ងៃ គឺ ចាប់ពីថ្ងៃទី ២១ ដល់ថ្ងៃទី ២៥ ខែសីហា ឆ្នាំ ២០២៣ ដោយទទួលបទឧទ្ទេសនាមពីសំណាក់វាគ្មិនចំនួន ៧ រូប មកពីស្ថាប័ន និងគ្រឹះស្ថានឧត្ដមសិក្សាអន្តរជាតិ។

លោកបានបន្តថា វគ្គបណ្ដុះបណ្ដាលនេះធ្វើឡើងក្នុងគោលបំណងផ្ដល់ចំណេះដឹង និងបទពិសោធន៍ជាក់ស្ដែងដល់សិក្ខាកាមអំពីចំណាត់ថ្នាក់ នៃរបបអត្រាប្ដូរប្រាក់ ការជះឥទ្ធិពល នៃរបបអត្រាប្ដូរប្រាក់ទៅលើស្ថិរភាពថ្លៃកំណើនសេដ្ឋកិច្ច និងកត្តាក្នុងស្រុកសំខាន់ៗ ការវាយតម្លៃសមតាអត្រាប្ដូរប្រាក់ និងគម្លាតអត្រាប្ដូរប្រាក់ពិតពីចំណុចសមតា និងបញ្ហាមូលដ្ឋានសំខាន់ៗ នៃទុនបម្រុងអន្តរជាតិ និងការអន្តរាគមន៍លើទីផ្សារអត្រាប្ដូរប្រាក់៕

អត្ថបទ ៖ សំអឿន

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា