សេដ្ឋកិច្ច

ពាណិជ្ជកម្មចិននៅក្នុងខែសីហាធ្លាក់ចុះខុសពីការរំពឹងទុកពីសំណាក់អ្នកវិភាគ

បានផុស

២ years មុន

នៅ

ថ្ងៃព្រហស្បតិ៍ ៧ កញ្ញា ២០២៣

ដោយ

ទិន្នន័យគយចិនបង្ហាញថា ពាណិជ្ជកម្មនាំចេញទំនិញរបស់ប្រទេសចិននៅក្នុងខែសីហាបានធ្លាក់ចុះ ៨.៨ ភាគរយ ចំណែកការនាំចូលបានធ្លាក់ចុះ ៧.៣ ភាគរយ ហើយវានឹងកាន់តែបង្កើនសម្ពាធលើវិស័យផលិតកម្មដ៏ធំរបស់ប្រទេសនេះ ខណៈដែលតម្រូវការក្នុងប្រទេស និងក្រៅប្រទេសក៏ធ្លាក់ចុះដូចគ្នា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យការធ្លាក់ចុះនេះ គឺខុសពីការព្យាករណ៍ទុកពីសំណាក់អ្នកសេដ្ឋកិច្ច ដែលបានព្យាករណ៍ថា ការនាំចេញនឹងធ្លាក់ចុះ ៩.២ ភាគរយ ហើយការនាំចូលធ្លាក់ចុះ ៩ ភាគរយ ។

ប្រទេសដែលមានសេដ្ឋកិច្ចធំទីពីររបស់ពិភពលោកមួយនេះប្រឈមនឹងការបាត់គោលដៅកំណើនប្រចាំឆ្នាំប្រហែល ៥ ភាគរយ ខណៈរដ្ឋាភិបាលទីក្រុងប៉េកាំងកំពង់តែស្វែងរកដំណោះស្រាយការធ្លាក់ចុះនៃវិស័យអចលនទ្រព្យកាន់តែអាក្រក់ និងការចំណាយរបស់ប្រជាពលរដ្ឋទាប ក៏ដូចជាការធ្លាក់ចុះនៃកំណើនឥណទានជាដើម ដែលនាំឲ្យអ្នកវិភាគទម្លាក់ចំណាត់ថ្នាក់ការព្យាករណ៍កំណើនសម្រាប់ឆ្នាំនេះ ។

សម្រាប់ដំណោះស្រាយ ក្រុងប៉េកាំងចាត់វិធានការបន្ធូរបន្ថយច្បាប់កម្ចីប្រាក់មួយចំនួនកាលពីសប្តាហ៍មុន ។ ប៉ុន្តែអ្នកវិភាគព្រមានថា ជំហាននេះអាចមានផលប៉ះពាល់ទៅនឹងការស្ទុះងើបឡើងវិញនៃទីផ្សារការងារយឺត ជាពិសេសប្រាក់ចំណូលអាចនឹងមានភាពមិនប្រាកដប្រជាឡើយ ។

ជាមួយគ្នានេះ សកម្មភាពរោងចក្ររបស់ចិន បានធ្លាក់ចុះក្នុងរយៈពេល ៥ ជាប់គ្នាក្នុងខែសីហា ដោយសារតែកង្វះនៃការបញ្ជាទិញនាំចេញថ្មី និងផ្នែកនាំចូលជាដើម ។ ទោះយ៉ាងណាក៏ដោយ ម្ចាស់រោងចក្របានចង្អុលបង្ហាញថា តម្លៃអ្នកផលិតមានភាពប្រសើរឡើងជាលើកដំបូងក្នុងរយៈពេល ៧ ខែចំពោះការកែលម្អតម្រូវការក្នុងស្រុក ។

ដោយឡែក ចិនបានប្រកាសពីអតិរេកពាណិជ្ជកម្មចំនួន ៦៨.៣៦ ពាន់លានដុល្លារនៅក្នុងខែសីហា ធៀបនឹងការព្យាករណ៍ចំនួន ៧៣.៨០ ពាន់លានដុល្លារ និងតួលេខខែកក្កដាចំនួន ៨០.៦ ពាន់លានដុល្លារ ៕