កីឡា

ចំបាប់ជាកីឡាមានសក្តានុពល និងជាក្តីរំពឹងថានឹងឈ្នះមេដាយនៅ SEAGAMESឆ្នាំ២០២៣

បានផុស

៥ years មុន

នៅ

ថ្ងៃអង្គារ ២ កុម្ភៈ ២០២១

ដោយ

លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា បានលើកឡើងថា ចំបាប់ជាប្រភេទកីឡាដែលមានសក្តានុពល និងជាក្តីរំពឹងថានឹងឈ្នះមេដាយផងដែរនៅ SEA GAMES លើកទី៣២ឆ្នាំ២០២៣ ដែលកម្ពុជាទទួលរៀបចំធ្វើម្ចាស់ផ្ទះនោះ ។

តាមរយៈការរំលេចនូវកីឡាករ កីឡាការិនីឆ្នើមៗ នៅក្នុងការប្រកួតជើងឯកថ្នាក់ជាតិឆ្នាំ២០២០ដែលទើបបញ្ចប់កាលពីចុងសប្តាហ៍កន្លងទៅនេះ អនុប្រធានសហព័ន្ធកីឡាចំបាប់កម្ពុជា បានបង្ហាញនូវជំនឿទុកចិត្តខ្ពស់ ចំពោះលទ្ធផលដ៏ល្អនេះ។ ទន្ទឹមនឹងលទ្ធផលនេះ វាជាការបង្ហាញសញ្ញានៃការចាប់ផ្តើមឆ្ពោះទៅទទួលធ្វើម្ចាស់ផ្ទះSEA GAMES លើកទី៣២ ឆ្នាំ២០២៣ ជាមួយនឹងក្តីរំពឹងថានឹងឈ្នះមេដាយផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអនុប្រធានបន្តថា ដូច្នេះហើយយើងត្រូវត្រៀមខ្លួនបន្តការហ្វឹកហាត់ ដើម្បីនាំយកនូវមោទនភាពជាតិពីការប្រកួតនេះ ក៏ដូចជាឲ្យអន្តរជាតិបានស្គាល់ចំបាប់កម្ពុជាដូចគ្នាផងដែរ។

តែយ៉ាងណាលោកក៏មិនភ្លេចពីការចូលរួមថែរក្សាវប្បធម៌ខ្មែរយើងផងដែរ ដោយសារប្រភេទកីឡាចំបាប់កម្ពុជាគឺមានវិញ្ញាសាចំបាប់អន្តរជាតិ (សម័យទំនើប) និងវិញ្ញាសាចំបាប់បុរាណ ជាវប្បធម៌ខ្មែរដោយនៅលើប្រាសាទបុរាណរបស់ខ្មែរក៏បានចម្លាក់នូវចំបាប់បុរាណនេះដែរ។

ជាមួយនឹងគោលការណ៍បាញ់ឆ្ពោះ SEA GAMES ឆ្នាំ២០២៣ នៅកម្ពុជា អនុប្រធានសហព័ន្ធកីឡាចំបាប់កម្ពុជារូបនេះ ក៏បានលើកឡើងទាក់ទងនឹងការត្រៀមចូលរួមប្រកួតប្រជែងមេដាយនៅក្នុងព្រឹត្តិការណ៍ SEA GAMES លើកទី៣១ នាខែវិច្ឆិកា ឆ្នាំ២០២១នេះ នៅប្រទេសវៀតណាមដែរ ដោយសហព័ន្ធនឹងរៀបចំខ្លួនឲ្យកាន់តែល្អប្រសើរ តាមរយៈការស្វែងរកបន្ថែមនូវគ្រូបង្វឹកអន្តរជាតិនិងគម្រោងបញ្ជូនកីឡាករ-កីឡាការិនីជម្រើសជាតិ ទៅហ្វឹកហាត់បន្ថែមនៅសាធារណរដ្ឋប្រជាមានិតចិន ដើម្បីបង្កើនគុណភាព បទពិសោធន៍ ក្នុងការហ្វឹកហាត់នៅក្រៅប្រទេសផង និងនាំយកគ្រូបង្វឹកអន្តរជាតិមកបង្ហាត់បង្រៀន កីឡាករ-កីឡាការិនី នៅក្នុងស្រុកផង។

លោកអនុប្រធានចំបាប់បញ្ជាក់ថា សម្រាប់បេក្ខភាព SEA GAMES នៅប្រទេសវៀតណាមគឺការជ្រើសរើសកីឡាករ-កីឡាការិនី ចេញពីការប្រកួតជើងឯកថ្នាក់ជាតិនេះ ហើយគោលការណ៍សំខាន់និងក្រមសីលធម៌ គឺថាអ្នកណាដែលមានជំនាញខ្ពស់ជាងគេ មានសក្តានុពលខ្ពស់ជាងគេនឹងត្រូវជ្រើសរើសចូលរួមប្រកួតប្រជែងមេដាយនៅSEA GAMES ឆ្នាំ២០២១នេះ៕

អត្ថបទ ៖ វិសិទ្ធ

Related Topics:កីឡាចំបាប់

ព័ត៌មានអន្ដរជាតិ១៥ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា