កីឡា

កីឡាករ ហេង វុទ្ធី៖ គេធ្វើបានហេតុអ្វីយើងធ្វើមិនបាន ជាអ្វីដែលខ្ញុំគិត និងតស៊ូរហូតមកដល់ពេលនេះ

បានផុស

៤ ខែ មុន

នៅ

ថ្ងៃចន្ទ ៣០ មីនា ២០២៦

ដោយ

កីឡាករ ហេង វុទ្ធី ដោយសារតែគិតថា «គេធ្វើបានហេតុអ្វីយើងធ្វើមិនបាន» នេះហើយទើបជំរុញឲ្យខ្លួនតស៊ូហ្វឹកហាត់ជម្នះរាល់ការលំបាកផ្សេងៗរហូតអាចឈរជើង និងក្លាយជាកីឡាករមានស្នាដៃជូនជាតិរួមទាំងមេដាយមាសស៊ីហ្គេមនាពេលកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ហេង វុទ្ធី

កីឡាករ ហេង វុទ្ធី បានឲ្យដឹងថា រូបគេចូលហ្វឹកហាត់ចំបាប់នេះបន្ទាប់ពីវិលត្រឡប់មកពីស្រុកថៃវិញអំឡុងឆ្នាំ២០១៣-២០១៤ រហូតមកដល់សព្វថ្ងៃនេះតែម្ដង។ មុនឈានដល់ការទទួលបានជោគជ័យ និងឈរជើងបានដល់សព្វថ្ងៃគឺរូបគេឆ្លងកាត់ការលំបាកច្រើន។

កីឡាករ ហេង វុទ្ធី

ម្ចាស់មេដាយមាសស៊ីហ្គេម ឆ្នាំ២០២៣ រូបនេះបន្ថែមទៀតថា កីឡាចំបាប់នេះជាកីឡាដែលតម្រូវឲ្យមានការហ្វឹកហាត់ខ្លាំងរហូតមានកីឡាករ ឬរៀមច្បងនៅក្នុងស្រុកភូមិមិនអាចទ្រាំរួច។ លើសពីនេះមានអ្នកប្រាប់ថាកីឡាមួយនេះពិបាកណាស់ដោយត្រូវហ្វឹកហាត់ខ្លាំងនៅក្រុមជម្រើសជាតិ។ ដោយសារតែរូបគេបានគិតថា «គេធ្វើបានហេតុអ្វីខ្លួនធ្វើមិនបាន» ចំណុចនេះហើយបានធ្វើឲ្យរូបគេតស៊ូជម្នះការលំបាកលើការហ្វឹកហាត់នេះបាន។ មួយវិញទៀតការលំបាកប៉ុណ្ណេះមិនស្មើខ្លួនធ្វើជាពលករនៅស្រុកថៃផង ដូច្នេះហើយមានការតាំងចិត្តតស៊ូរហូតក្លាយជាកីឡាករឆ្នើមប្រចាំកីឡាចំបាប់នេះ។

កីឡាករ ហេង វុទ្ធី

បញ្ជាក់ដែរថា កីឡាករ ហេង វុទ្ធី ជាជើងខ្លាំងប្រចាំកីឡាចំបាប់នៅកម្ពុជា និងធ្លាប់ឈ្នះមេដាយសំរឹទ្ធ ស៊ីហ្គេមនៅវៀតណាម ឆ្នាំ២០២២ ឈ្នះមេដាយមាស ស៊ីហ្គេមនៅកម្ពុជា ឆ្នាំ២០២៣ ឈ្នះមេដាយ World Police ជាច្រើនដង និងមេដាយអន្តរជាតិជាច្រើនទៀត។ បច្ចុប្បន្នរូបគេជាកីឡាករជម្រើសជាតិកីឡាចំបាប់ផងដែរ និងកំពុងសម្រុកហ្វឹកហាត់ត្រៀមការប្រកួតឆាប់ៗនេះ៕