ដោយសារអ៊ុយក្រែន, អាមេរិក ត្រូវសម្រុកផលិតគ្រាប់កាំភ្លើងធំឲ្យបាន ១០ម៉ឺនគ្រាប់ក្នុងមួយខែ ត្រឹមឆ្នាំ២០២៥

ប្រធានផ្នែកទិញសព្វាវុធរបស់មន្ទីរបញ្ចកោណ លោក William LaPlante បាននិយាយកាលពីថ្ងៃសុក្រទី១៥ខែកញ្ញាថា សហរដ្ឋអាមេរិក កំពុងស្ថិតនៅលើផ្លូវ ឈានទៅរកការផលិតគ្រាប់កាំភ្លើងធំ១៥៥មិល្លីម៉ែត្រចំនួន ១០ម៉ឺនគ្រាប់រៀងរាល់ខែនៅឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងកិច្ចពិភាក្សា ដែលរៀបចំដោយមជ្ឈមណ្ឌលសន្តិសុខអាមេរិកថ្មី លោក LaPlante និយាយថា “កាលពី៦ទៅ៨ខែមុន សហរដ្ឋអាមេរិក បានផលិតគ្រាប់ចំនួន១៤០០០គ្រាប់ជារៀងរាល់ខែ ប៉ុន្តែឥឡូវកំពុងផលិតបាន២៨០០០គ្រាប់ក្នុងមួយខែ។

លោក​ LaPlante សង្កត់ធ្ងន់ថា នៅឆ្នាំក្រោយ សហរដ្ឋអាមេរិកគួរតែផលិតគ្រាប់កាំភ្លើងធំ១៥៥មិល្លីម៉ែត្របានរហូតដល់ ៦៥០០០គ្រាប់ក្នុងមួយខែ។

សហរដ្ឋអាមេរិក បានបង្កើនការផលិតគ្រាប់កាំភ្លើងធំ១៥៥មិល្លីម៉ែត្រ បន្ទាប់ពីស្តុកចាប់ផ្តើមធ្លាក់ចុះ ខណៈគ្រាប់ទាំងនេះត្រូវយកចេញពីឃ្លាំងរបស់អាមេរិក ដើម្បីបញ្ជូនទៅឲ្យអ៊ុយក្រែន។

យោងតាមក្រសួងការពារជាតិអាមេរិក សហរដ្ឋអាមេរិកបានផ្តល់ឲ្យអ៊ុយក្រែន នូវគ្រាប់កាំភ្លើងធំជាង ២លានគ្រាប់៕

ប្រែសម្រួល៖ Vann Vann

ប្រភព៖ Sputnik

ចុចអាន៖ សេចក្តីរាយការណ៍៖ អាមេរិក ជិតបញ្ជូន មីស៊ីលរយៈចម្ងាយឆ្ងាយ បំពាក់គ្រាប់បែកចង្កោមទៅឲ្យ អ៊ុយក្រែនហើយ