ឆេះទីស្នាក់ការប៉ូលិសនៅអេហ្ស៊ីប មនុស្ស ៣៨នាក់ រងរបួស

ក្រសួង​សុខាភិបាល​អេហ្ស៊ីប​និយាយ​ថា មនុស្សយ៉ាងហោច ​៣៨​នាក់​បាន​រង​របួស​ក្នុង​ហេតុការណ៍អគ្គីភ័យ​យ៉ាង​សន្ធោសន្ធៅ​នៅ​អគារ​ប៉ូលិស ​ក្នុង​ក្រុង Ismailia។ បច្ចុប្បន្នមនុស្ស ២៤នាក់បានរងរបួសធ្ងន់ ហើយកំពុងសម្រាកព្យាបាលនៅក្នុងមន្ទីរពេទ្យដោយសារស្រូបផ្សែងច្រើនពេក។

ក្រោយកើតហេតុ រដ្ឋមន្ត្រីក្រសួងមហាផ្ទៃបានបញ្ជាឱ្យមានការស៊ើបអង្កេតលើអគ្គិភ័យនេះ រួមជាមួយនឹងការត្រួតពិនិត្យសុវត្ថិភាពរចនាសម្ព័ន្ធនៃអគារ។

ពេលនេះមិន​ទាន់​មាន​របាយការណ៍​ពី​អ្នក​ស្លាប់ ​ឬ​​អ្នក​ជាប់​នៅ​ក្នុង​ភ្លើង​នោះ​ទេ។ ជាមួយគ្នានោះ រថយន្តសង្គ្រោះចំនួន ៥០គ្រឿង ត្រូវបានបញ្ជូនទៅកាន់ទីស្នាក់ការកណ្តាលនៃនាយកដ្ឋានសន្តិសុខ រួមជាមួយនឹងយន្តហោះយោធាពីរគ្រឿង។ អ្នក​របួស ​១២​នាក់​មិន​ត្រូវ​បាន​គេ​បញ្ជូន​ទៅ​មន្ទីរ​ពេទ្យ​ទេ ហើយ​កំពុង​ព្យាបាល​នៅ​កន្លែង​កើត​ហេតុ។

សាក្សីពីរនាក់បានប្រាប់ទីភ្នាក់ងារសារព័ត៌មាន Reuters ថា ពេលកើតហេតុភ្លាមៗក្រុមអ្នកពន្លត់អគ្គីភ័យបានព្យាយាមដើម្បីគ្រប់គ្រងភ្លើង ហើយជាងបីម៉ោងក្រោយមក ពួកគេអាចគ្រប់គ្រងវាបាន៕

ប្រែសម្រួល៖ សន្យា

ប្រភព៖ BBC

ចុចអាន៖ រកឃើញសាកសព ៦ នាក់ទៀត ក្នុងព្រឹត្តិការណ៍ឆេះក្លឹបរាត្រីនៅ អេស្ប៉ាញ

ចុចអាន៖ បាក់ដំបូលព្រះវិហារម៉ិកស៊ិក សង្កត់ស្លាប់មនុស្ស ៩នាក់