សង្ស័យឆ្លងចរន្តអគ្គិសនីឆាបឆេះផ្ទះឈើប្រក់ស័ង្កសី អស់ចំនួន១២ខ្នង ទាំងព្រឹកនៅក្បែរគល់ស្ពានអាកាសមរតកតេជោ

ឆាបឆេះផ្ទះឈើប្រក់ស័ង្កសីចំនួន ១២ខ្នង អស់ទាំងស្រុង ផ្អើលពលរដ្ឋ នឹង សមត្ថកិច្ចមូលដ្ឋាន ទាក់ទងសមត្ថកិច្ចរថយន្តពន្លត់អគ្គីភ័យចេញអន្តរាគមន៍ជាច្រើនគ្រឿង ។

អគ្គិភ័យនេះដែរបានកើតឡើងកាលពីវេលាម៉ោង ០៨ព្រឹកថ្ងៃទី ១៥ ខែវិច្ឆិកា ឆ្នាំ២០២៥ នៅចំណុចគល់ស្ពានអាកាសមរតកតេជោ ស្ថិតក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។

បើតាមប្រភពព័ត៍មានពីពលរដ្ឋរស់នៅផ្នែកខាងក្រោយបានអោយដឹងថា មុនកើតហេតុ គេបានធុំក្លិនឈ្ងៀមផ្សែង ភ្លាមៗក៏នាំគ្នាស្ទុះរត់ចេញមកមើល បានប្រទះឃើញផ្សែងខ្មៅលាយលំអណ្តាតភ្លើងឆេះផ្ទះបាត់ទៅហើយ ។ ខណៈពេលនោះប្រជាពលរដ្ឋបាននាំគ្នា ជួយយកទឹកពន្លត់ដែរ ប៉ុន្តែមិនអាចគ្រប់គ្រងបាន នឹងមានការរាដាលយ៉ាងឆាប់រហ័សព្រោះមានខ្យល់មកខ្លាំងស្របពេលភ្លើងឆេះ ទើបពលរដ្ឋប្រញាប់ប្រញាល់រាយការណ៍ជូនសមត្ថកិច្ច ដើម្បីអន្តរាគម៍ទីតាំងឆាបឆេះ ។

អគ្គិភ័យខាងលើនេះដែរបានឆាបឆេះផ្ទះប្រក់ស័ង្កសីចំនួន ១២ខ្នងអស់ទាំងស្រុង នឹងបានប្រើប្រាស់រថយន្តពន្លត់អគ្គិភ័យ ចំនួន ១២គ្រឿង ក្នុងនោះមានរថយន្តរបស់ការិយាល័យបង្ការពន្លត់អគ្គិភ័យ នឹងរថយន្តជំនួយទីក្រុងនរា បាញ់អោយរលត់ជាស្ថាពរ ។ ចំពោះមូលហេតុសមត្ថកិច្ចសន្និដ្ឋានជំហានដំបូង សង្ស័យឆ្លងចរន្តអគ្គិសនី ៕ អត្ថបទ  ៖ រដ្ឋា