ជីវិតកម្សាន្ដ

Prang លើកដៃអង្វរឈប់ចោទនាងជាជនទី៣ ក្នុងរឿងបែកបាក់រវាង Jes និង Vill

បានផុស

៨ ខែ មុន

នៅ

ថ្ងៃព្រហស្បតិ៍ ៥ តុលា ២០២៣

ដោយ

តារាស្រី Prang Kannarun នៅតែត្រូវបានទស្សនិកជនចំនួនចោទប្រកាន់ថា នាងជាជនទី៣ ក្នុងរឿងបែកបាក់ស្នេហារវាង Jes Jespipat និង Vill Wannarot។ ដោយទ្រាំនឹងការចោទប្រកាន់លែងបាន ពេលនេះនាងបានចេញមុខផ្ដល់បទសម្ភាសន៍ស្នើសុំបញ្ឈប់កាចោទទៅលើនាងតទៅទៀត ត្បិតនាងមិនពាក់ព័ន្ធនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាកន្លងមក Jes និង Vill ធ្លាប់ចេញមុខបដិសេធថាមិនមានពាក់ព័ន្ធនឹង Prang ប៉ុន្តែទស្សនិកជននៅតែមន្ទិលសង្ស័យ ហើយផ្លែផ្កាទៅកាន់ Prang រហូតធ្វើឱ្យនាងចេញមកសំពះអង្វរឱ្យឈប់ចោទប្រកាន់។

នៅក្នុងឱកាសចូលរួមកម្មវិធីបង្ហាញម៉ូដសម្លៀកបំពាក់មួយ Prang និយាយថា រឿងកើតឡើងទាំងប៉ុន្មាន ជារឿងទំនាក់ទំនងរបស់មនុស្សពីរនាក់ ហើយទំនាក់ទំនងមានភាពផុយស្រួយឈានដល់ការបែកបាក់ អ្នកក្រៅមិនពាក់ព័ន្ធទេ។

តារាសម្ដែងរូបនេះ បន្ថែមថា ខ្លួន និង Jess គ្រាន់តែជាមិត្តរួមការងារដ៏ល្អប៉ុណ្ណោះ។ ចំណែកព័ត៌មានចោទនាងជាភាគីទីបី គឺជារឿងយល់ច្រឡំទាំងស្រុង។ ដោយឡែករូបភាពស្និទ្ធស្នាលរវាងនាង និង Jes គ្រាន់តែផ្សព្វផ្សាយភាពយន្តថ្មី ពុំទាក់ទងរឿងបេះដូងឡើយ។ Prang សង្ឃឹមថាពីពេលនាងបកស្រាយនេះតទៅ នឹងមិនមានពាក្យចចាមអារ៉ាមចោទនាងជាថាជនទី៣ទៀតនោះទេ៕

ប្រែសម្រួល៖ សន្យា

ចុចអាន៖ អតីតសិល្បករផលិតកម្ម YG បាត់ខ្លួនជាង ១០ឆ្នាំ មិនទាន់រកឃើញ