អ្នកកាសែត ៣១នាក់ ស្លាប់ពេលយកព័ត៌មាន សង្គ្រាមអ៊ីស្រាអែល-ហាម៉ាស់

អ្នកកាសែតចំនួន៣១នាក់ត្រូវបានសម្លាប់ ខណៈពេលពួកគេយកព័ត៌មានអំពីជម្លោះរវាងអ៊ីស្រាអែលនិងក្រុមហាម៉ាស។ នេះបើយោងតាមតួលេខចុងក្រោយពីគណៈកម្មាធិការការពារអ្នកកាសែត (CPJ)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​ចំណោម​អ្នក​ស្លាប់​ទាំង​នោះ មាន​ជនជាតិ​ប៉ាឡេស្ទីន២៦​នាក់, អ៊ីស្រាអែល៤​នាក់ និង​លីបង់ម្នាក់។ CPJ និយាយថា អ្នកកាសែតចំនួន ៨នាក់ទៀត ក៏ត្រូវបានរាយការណ៍ថា រងរបួសផងដែរ ខណៈ៩នាក់ បាត់ខ្លួន។

អង្គការនេះនិយាយក្នុងសេចក្តីថ្លែងការណ៍មួយកាលពីថ្ងៃចន្ទទី៣០ខែតុលាថា “អ្នកសារព័ត៌មាននៅតំបន់ហ្គាហ្សា ប្រឈមនឹងហានិភ័យខ្ពស់នៅពេលពួកគេព្យាយាមផ្សាយអំពីជម្លោះ ចំពេលអ៊ីស្រាអែលបើកការវាយលុកជើងគោក វាយប្រហារតាមអាកាសក៏ដូចជាការកាត់ផ្តាច់ខ្សែទំនាក់ទំនង និងចរន្តអគ្គិសនី”។

ក្នុងចំណោមអ្នកកាសែតស្លាប់ រួមមានលោក Roshdi Sarraj ដែលជាផលិតករភាពយន្តជនជាតិប៉ាឡេស្ទីនដ៏ល្បីឈ្មោះម្នាក់ និង Issam Abdallah អ្នកថតវីដេអូប្រចាំទីក្រុង បេរូត របស់ Reuters ដែលត្រូវបានសម្លាប់នៅជិតព្រំដែនលីបង់ ដោយការបាញ់ផ្លោងចេញពីអ៊ីស្រាអែល។

ទាក់ទិននឹងការស្លាប់របស់ Issam Abdallah, កងកម្លាំងការពារជាតិអ៊ីស្រាអែល (IDF) ថា ខ្លួនកំពុងស៊ើបអង្កេតលើករណីនេះ។ IDF ក៏ប្រាប់ Reuters និងទីភ្នាក់ងារសារព័ត៌មានបារាំង AFP ផងដែរថា ខ្លួនមិនអាចធានាសុវត្ថិភាពអ្នកកាសែតរបស់ពួកគេ ដែលកំពុងធ្វើការនៅតំបន់ហ្គាហ្សាស្ទ្រីបបានឡើយ៕

ប្រែសម្រួល៖ Vann Vann

ប្រភព៖ BBC

ចុចអាន៖ អ្នកកាសែតប៉ាឡេស្ទីន​ ១២នាក់ ត្រូវបានសម្លាប់ដោយសារការវាយប្រហាររបស់អ៊ីស្រាអែល