អ្នកចាំទី អ៊ុំ វិចិត្រ ជាប់ជម្រើសជាតិវិញ ខណៈ សៀង ចន្ធា មិនមានឈ្មោះ

សហព័ន្ធ​កីឡា​បាល់ទាត់​កម្ពុជាបាន​ចេញ​បញ្ជីឈ្មោះកីឡាករទាំង២៤រូប ដើម្បធ្វើការប្រមូលផ្ដុំក្នុងការហ្វឹកហាត់ត្រៀម​ប្រកួតសាកល្បងសមត្ថភាពអន្តរជាតិ (Closed Door Training Match) ជាមួយក្រុមជម្រើសជាតិកាតារ​នៅថ្ងៃទី៣១ ខែធ្នូ ឆ្នាំ២០២៣ នៅរដ្ឋធានីដូហា ប្រទេសកាតា។

ក្នុងបញ្ជីកីឡាករទាំង២៤រូប តៀមប្រមូលផ្ដុំក្នុងការហ្វឹកហាត់ការប្រកួតសាកល្បងសមត្ថភាពអន្តរជាតិមានការផ្លាស់ប្ដូរច្រើន ក្រោមការជ្រើសរើសរបស់លោក Felix Damas គ្រូបង្វឹកក្រុមជម្រើសជាតិកម្ពុជា។

អ្នកចាំទីឆ្នើមរបស់ភ្នំពេញក្រោន អ៊ុំ វិចិត្រ បាន​វិលត្រឡប់មកចូលរួមជាមួយក្រុមជម្រើសជាតិកម្ពុជាវិញ ខណៈកីឡាករ ញណ សុស៊ីដាន, ផាន សុផេន, ម៉ាត់ នួរុណ និង កែម វ៉ាន់ដា សុទ្ធតែទទួលបាន​ឱកាស​ចូលរួមជាក្រុមជម្រើស​លើក​នេះ។ ចំណែកខ្សែប្រយុទ្ធ សៀង ចន្ធា និងខ្សែបម្រើ អ៊ន ចាន់ប៉ូលីន មិន​មាន​ឈ្មោះ​ទេ ហើយ​ ប្រាក់ មុន្នីឧត្តម ដែលបង​ប្អូន​មួយ​ចំនួន​ចង់​ឃើញ​ជាប់​ជម្រើស​ជាតិ​វិញ ក៏​នៅ​តែ​គ្មាន​ឈ្មោះ​ដដែរ៕

អត្ថបទ៖ ផា រតនា