ព័ត៌មានជាតិ

ឧត្តមសេនីយ៍ឯក លឹម តុងហួត ៖ ឆ្នាំ២០២៣ ខេត្តព្រះវិហារបង្ក្រាបបទល្មើសគ្រឿងញៀនបាន ៦៣លើកនិងផ្សព្វផ្សាយ៥២៣លើក និងមានអ្នកចូលរួមជាង៦ម៉ឺននាក់

បានផុស

២ years មុន

នៅ

ថ្ងៃពុធ ២៧ ធ្នូ ២០២៣

ដោយ

ព្រះវិហារ ៖ ឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយ អប់រំ និងទំនាក់ទំនងសាធារណៈនៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀនជម្រាបជូនបែបនេះក្រោយពីលោកចូលរួមសន្និបាតបូកសរុបលទ្ធផលការងារប្រចាំឆ្នាំ២០២៣ និងទិសដៅការងារឆ្នាំ២០២៤ របស់រដ្ឋបាល ខេត្តព្រះវិហារដែលបានប្រព្រឹត្តទៅក្រោមអធិបតី លោក នាយឧត្តមសេនីយ៍ ម៉ៅ សុផាន់ អគ្គមេបញ្ជាការរងកងយោធពលខេមរភូមិន្ទ មេបញ្ជាការកងទ័ពជើងគោក ប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះវិហារ ដោយមានការអញ្ជើញចូលរួមពីតំណាងក្រសួង ស្ថាប័ន ថ្នាក់ជាតិ និងអង្គភាពថ្នាក់ក្រោមជាតិនៃខេត្តព្រះវិហារនាល្ងាចថ្ងៃទី២៧ ខែធ្នូ ឆ្នាំ២០២៣ ដែលមានអ្នកចូលរួមជាង៤០០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងការអបអរសាទរ លោកនាយឧត្តមសេនីយ៍ ម៉ៅ សុផាន់ បានចាត់ទុកសន្និបាតនេះថាជាព្រឹត្តិការណ៍មួយដែលគ្រប់តួអង្គពាក់ព័ន្ធទាំងអស់បានមកជួបជុំគ្នា និងរួមគ្នាធ្វើការពិនិត្យ និងវាយតម្លៃអំពីសមិទ្ធផលលើគ្រប់វិស័យនៅខេត្តព្រះវិហារសម្រេចបានក្នុងឆ្នាំ២០២៣កន្លងទៅ បញ្ហាប្រឈម ដំណោះស្រាយ និងកាលានុវត្តភាព ទិសដៅការងារសម្រាប់ឆ្នាំ២០២៤ គ្រប់ជ្រុងជ្រោយ និងមានប្រសិទ្ធភាព ដើម្បីចូលរួមចំណែកអនុវត្តនូវគោលនយោបាយយុទ្ធសាស្ត្របញ្ចកោណ ដំណាក់កាលទី១របស់រាជរដ្ឋាភិបាលនីតិកាលទី៧ នៃរដ្ឋសភា។

ថ្លែងនាមសម្តេចមហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ថ្នាក់ដឹកនាំនៃរដ្ឋបាលគ្រប់លំដាប់ថ្នាក់ និងក្រុមការងាររាជរដ្ឋាភិបាលចុះមូលដ្ឋាន មន្ត្រីរាជការ កងកម្លាំងមានសមត្ថកិច្ចទាំងអស់ដែលបានរួមគ្នាយ៉ាងល្អបំពេញតួនាទី ភារកិច្ច ការទទួលខុសត្រូវ រហូតសម្រេចបាននូវសមិទ្ធផលនានាជាច្រើនជូនប្រជាពលរដ្ឋក្នុងទូទាំងខេត្តនិងត្រូវខិតខំបន្តបម្រើរាស្ត្រដោយគុណភាព តម្លាភាព ទំនុកចិត្ត និងស្នាមញញឹម ព្រោះមន្ត្រី “ជាអ្នកបម្រើរាស្ត្រ មិនមែនធ្វើជាចៅហ្វាយរាស្ត្រនោះទេត្រូវដោះស្រាយបញ្ហាជូនប្រជាពលរដ្ឋ មិនមែនចុះទៅបង្កើតបញ្ហាឲ្យប្រជាពលរដ្ឋនោះទេ “។

ជាមួយនឹងការងារសន្តិសុខមូលដ្ឋានឆ្នាំ២០២៣លោក នាយឧត្តមសេនីយ៍ ម៉ៅ សុផាន់បានណែនាំឱ្យគ្រប់សមាសភាពទាំងអស់ត្រូវពង្រឹងយន្តការតាមដាន ត្រួតពិនិត្យ ការអនុវត្តផែនការប្រយុទ្ធប្រឆាំងបទល្មើសនានា នៅតាមភូមិឃុំ សង្កាត់ លើកកម្ពស់សមត្ថភាពដឹកនាំតម្រង់ទិស គាំទ្រទាំងស្មារតី និងសម្ភារដល់មន្ត្រីនគរបាលយុត្តិធម៌ មន្ត្រីនគរបាល បច្ចេកទេសវិទ្យាសាស្ត្រ ប៉ុស្តិ៍នគរបាលរដ្ឋបាល ប្រជាការពារ ដើម្បីចូលរួមក្នុងការរក្សាសន្តិសុខ សណ្តាប់ធ្នាប់នៅមូលដ្ឋាន និងជំរុញការផ្សព្វផ្សាយអប់រំនៅតាមសហគមន៍ពីផលប៉ះពាល់នៃការប្រើប្រាស់គ្រឿងញៀន និងបង្ការ ទប់ស្កាត់ បង្ក្រាបការលួចនាំសារធាតុញៀនខុសច្បាប់គ្រប់ប្រភេទ តាមច្រកព្រំដែន ច្រករបៀង នៃប្រទេសជិតខាងចូលមកកម្ពុជា និងបំផុសចលនាឱ្យប្រជាពលរដ្ឋចូលរួមអនុវត្តគោលនយោបាយ “ភូមិ-ឃុំ-សង្កាត់មានសុវត្ថិភាព”។

បញ្ជាក់ថា ឆ្នាំ២០២៣ ខេត្តព្រះវិហារបង្ក្រាបបទល្មើសគ្រឿងញៀនបាន៦៣លើក និងផ្សព្វផ្សាយអប់រំបាន៥២៣លើកដែលមានអ្នកចូលរួមចំនួន ៦០,១៨១នាក់ ស្រីចំនួន ៣៦,៦៨៤នាក់និងបានធ្វើការត្រួតពិនិត្យ និងវាយតម្លៃភូមិ ឃុំ សាលារៀន ក្លឹប កំសាន្ត ផ្ទះសំណាក់ សណ្ឋាគារ៕

Related Topics:គ្រឿងញៀន ខេត្តព្រះវិហារ

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា