ករណីចាប់ខ្លួនអភិបាលក្រុងកែប និងនាយករដ្ឋបាលសាលាក្រុងជាការភាន់ច្រឡំ

នាថ្ងៃទី២ ខែមករា ឆ្នាំ២០២៤ លោក ប៊ុន យោង អភិបាលរងខេត្តកែប និងជាអ្នកនាំពាក្យរដ្ឋបាលខេត្តកែប បានបញ្ជាក់ប្រាប់ឱ្យដឹងថា ករណីអង្គភាពប្រឆាំងអំពើពុករលួយ(ACU)ចាប់ឃាត់ខ្លួនលោក ខេង យ័ន អភិបាលក្រុងកែប និងនាយករដ្ឋបាលក្រុង គឺជាការភាន់ច្រឡំ។

ប៉ុន្តែករណីចុះផ្សាយថា លោកអភិបាលក្រុង និងនាយករដ្ឋបាលក្រុងកែបម្នាក់ត្រូវបានអង្គភាពប្រឆាំងអំពើពុករលួយចាប់ខ្លួននេះហើយ អភិបាលខេត្តកែបបានច្រានចោលក្នុងការចុះផ្សាយមិនពិតនោះទេ នេះគ្រាន់តែជាការភាន់ច្រឡំមួយតែប៉ុណ្ណោះ ខណៈមន្រ្ដីទាំង២រូបត្រូវបានវិលត្រឡប់ មកវិញហេីយ។

កាលពីវេលាម៉ោងប្រមាណ១១និង៣០នាទីព្រឹកនាថ្ងៃទី២ ខែមករា ឆ្នាំ២០២៤ អង្គភាពប្រឆាំងអំពើពុករលួយ(ACU) បានទៅឃាតខ្លួនលោក ខេង យ័ន អភិបាលក្រុងកែប និងនាយករដ្ឋបាលសាលាក្រុងកែបម្នាក់ទៀត បន្ទាប់ពីលោក ខេង យ័ន អភិបាលក្រុងកែប បានបញ្ចប់កិច្ចប្រជុំមួយនៅសាលាក្រុងកែប៕

អត្ថបទ៖ សឹង រ៉ាត់