ជីវិតកម្សាន្ដ

នី មុន្នីនាថ ឃើញចំណុចល្អរបស់ សួគ៌លី សរសើថានឹងក្លាយជាទំពាំងស្នងឫស្សីសម្រាប់ប្រទេសជាតិ

បានផុស

២ years មុន

នៅ

ថ្ងៃសុក្រ ៥ មករា ២០២៤

ដោយ

តារាសម្ដែងពូកែខាងសម្រក់ទឹកភ្នែកកញ្ញា នី មុន្នីនាថ សុខៗស្រាប់តែបានចេញមកទម្លាយនូវអត្តចរិតរបស់កញ្ញា ពេជ្រ សួគ៌លី ជាមួយនឹងការលើកសរសើរពីទង្វើល្អរបស់នាងទៀតផងដោយ នី មុន្នីនាថ សរសើរថានាពេលអនាគត សួគ៌លី នឹងក្លាយជាទំពាំងស្នងឫស្សីសម្រាប់ប្រទេសជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា នី មុន្នីនាថ កន្លងមកត្រូវបានគេស្គាល់ថាជា តារាសម្ដែងពូកែទឹកភ្នែកដែលក្តោបក្តាប់ បានឱកាសសម្តែងតួឯកស្ទើរគ្រប់រឿងនៅក្នុងវិស័យភាពយន្តរបស់ខ្មែរ។មិនតែប៉ុណ្ណោះនាងក៏ត្រូវបានទស្សនិកជនសរសើរតាមរយៈសកម្មភាពការងារសង្គម និងជាប្រធានមូលនិធិផ្តល់ឈាមផងដែរ។

ដោយឡែកចាប់អារម្មណ៍រឿងដែលធ្វើឲ្យ នី មុន្នីនាថ លើកឡើងពីចំណុចល្អរបស់ ពេជ្រ សួគ៌លី ត្រូវបាននាងបញ្ជាក់ថា សួគ៌លី គឺជាក្មេងស្រីដែលក្បាលខូចនៅក្នុងគ្រួសារតែគាត់គឺជាក្មេងស្រីម្នាក់ដែលល្អទាំងចិត្ត ល្អទាំងកាយ គាត់គឺជាក្មេងស្រីម្នាក់ដែលធ្វើឲ្យមួយជុំវិញខ្លួនគាត់មានភាពសប្បាយរីករាយ យកចិត្តទុកដាក់ចំពោះមនុស្សជុំវិញខ្លួន និងលើកទឹកចិត្តគេ។

នី មុន្នីនាថ បានបន្តថា ក្មេងស្រីម្នាក់នេះចូលរួមរាល់គ្រប់សកម្មភាពមនុស្សធម៌ដែលមិនខ្លាចនឿយហត់លះបង់ទាំងកម្លាំងកាយ និងកម្លាំងចិត្តគាត់គឺជាទំពាំងស្នងឫស្សីដ៏ល្អសម្រាប់ប្រទេសជាតិហើយក៏មានចំណុចល្អជាច្រើនទៀតចង់ប្រាប់ថា សម្រាប់ខ្ញុំគឺពិតជាសំណាងមែនទែនដែលបានជួបគាត់ហើយមានគាត់ចូលមកកាន់ជីវិតរបស់ខ្ញុំ។

តាមការកត់សម្គាល់តារាសម្ដែងទឹកភ្នែក នី មុន្នីនាថ ជាបន្តបន្ទាប់គេតែងតែឃើញនាងបង្ហាញសារចូលរួមបំផុសស្មារតីដល់ប្រជាពលរដ្ឋខ្មែរ និងសិល្បករ-សិល្បការិនីក្នុងកិច្ចការងារសង្គមដូចជា,ការចូលរួមបរិច្ចាគឈាមជួយសង្គ្រោះអាយុជីវិតអ្នកដែលត្រូវការឈាមបន្ទាន់,ផ្សព្វផ្សាយការអប់រំផ្សេងៗជាដើម៕

អត្ថបទ៖ ចាន់រ៉ា