ព័ត៌មានអន្ដរជាតិ
អាមេរិក ចង់ឃើញ អ៊ីស្រាអែល-ហាម៉ាស ចាប់ដៃគ្នាបញ្ចប់ភ្លើងសង្គ្រាម
“សហរដ្ឋអាមេរិកចង់ឃើញអ៊ីស្រាអែល និងក្រុមប្រដាប់អាវុធប៉ាឡេស្ទីនហាម៉ាសចាប់ដៃគ្នាបញ្ចប់ភ្លើងសង្គ្រាមឲ្យបានឆាប់តាមដែលអាចធ្វើទៅបាន” ។ នេះគឺជាការលើកឡើងរបស់រដ្ឋមន្ត្រីការបរទេសអាមេរិកលោក Antony Blinken ក្នុងដំណើរទៅកាន់ទីក្រុង Tel Aviv និងចុះផ្សាយដោយសារព័ត៌មាន Al Jazeera ។

ក្នុងដំណើរបេសកកម្មលើកទី ៤ ទៅកាន់មជ្ឈិមបូព៌ានេះដែរ លោក Blinken បាននិយាយថា “ខ្ញុំបានខ្សឹបប្រាប់លោកនាយករដ្ឋមន្រ្តីអ៊ីស្រាអែល Benjamin Netanyahu រួចហើយថា មេដឹកនាំប្រទេសអារ៉ាប់ទាំងអស់ដែលខ្ញុំបានអង្គុយជជែកក្នុងដំណើរលើកនេះ សុទ្ធតែត្រៀមខ្លួនរួចជាស្រេចដើម្បីគាំទ្ររកយុទ្ធវិធីយូរអង្វែងក្នុងការបញ្ចប់ភ្លើងសង្គ្រាម ក៏ដូចជាធានាសន្តិសុខដល់អ៊ីស្រាអែលផងដែរ” ។
លោករដ្ឋមន្រ្តីការបរទេសរូបនេះបានបញ្ជាក់ទៀតថា មន្ត្រីអាមេរិកមិនចង់ឃើញការផ្ទុះភ្លើងសង្គ្រាមណាមួយជាមួយក្រុមហាម៉ាស ក៏ដូចជាការភ្ជង់អាវុធដាក់គ្នាបន្ថែមទៀតជាមួយសកម្មប្រយុទ្ធមកពីក្រុមហេសបូឡាតាមព្រំដែន អ៊ីស្រាអែល-លីបង់ នោះទេ ដូច្នេះហើយមានតែផ្លូវការទូតប៉ុណ្ណោះដែលជាមធ្យោបាយដ៏ល្អបំផុតក្នុងការសម្រេចបានសុខសន្តិភាព ។

ស្របពេលជាមួយគ្នានេះដែរ លោក Blinken ក៏បានជំរុញឲ្យអ៊ីស្រាអែលដាក់ចេញ “លក្ខខណ្ឌពិបាកៗ” បន្ថែមទៀតផងដែរ ដើម្បីរក្សាចំណងទំនាក់ទំនងការទូតដូចដើមជាមួយប្រទេសជិតខាងរបស់ខ្លួន ហើយក៏ជាការអំពាវនាវថ្មីមួយទៀតដើម្បីស្វែងរកផ្លូវឆ្ពោះទៅកាន់ការបង្កើតរដ្ឋប៉ាឡេស្ទីន ។
គួរបញ្ជាក់ថា អ៊ីស្រាអែលបានបើកការវាយប្រហារយ៉ាងមិនប្រណីដៃទាំងតាមផ្លូវអាកាស និងដីគោកលើតំបន់ហ្គាហ្សាស្ទ្រីប ដោយបានសម្លាប់ជនជាតិប៉ាឡេស្ទីនជាង ២៣,២០០ នាក់ ដែលភាគច្រើនជាកុមារ និងស្ត្រី ហើយជាង ៥៩,០០០ នាក់ផ្សេងទៀតរងរបួស ដើម្បីជាការសងសឹកចំពោះការវាយឆ្មក់របស់ក្រុមហាម៉ាសក្នុងព្រឹត្តិការណ៍ ៧ តុលា ។ ចំណែកខាងអ៊ីស្រាអែលវិញមានមនុស្សជិត ១,២០០ បានបាត់បង់ជិវិត ខណៈចំណាប់ខ្មាំងជាង ១៣០ នាក់នៅតែស្ថិតក្នុងកណ្ដាប់ដៃក្រុមហាម៉ាសដដែល ៕

ប្រែសម្រួលដោយ ៖ ជីវ័ន្ត
ចុចអាន ៖ រដ្ឋមន្ត្រីការពារជាតិអាមេរិក Lloyd Austin កើតជំងឺមហារីក

-
ព័ត៌មានអន្ដរជាតិ៤ ថ្ងៃ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ២ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៥ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៣ ថ្ងៃ ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ ថ្ងៃ ago
ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ២ ថ្ងៃ ago
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
-
បច្ចេកវិទ្យា៤ ថ្ងៃ ago
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានអន្ដរជាតិ៦ ម៉ោង ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ