ព័ត៌មានអន្ដរជាតិ
ម៉ិកស៊ិក វាយឆ្មក់បង្ក្រាបកន្លែងផលិតគ្រឿងញៀនធំបំផុត រឹបអូសថ្នាំមេតំហ្វេតាមីនជាង ៤០ តោន
កងកម្លាំងប្រដាប់អាវុធម៉ិកស៊ិកបានបើកការវាយឆ្មក់លើកន្លែងផលិតគ្រឿងញៀនដ៏ធំបំផុតមួយនៅភាគខាងជើងនៃរដ្ឋ Sonora ដោយរឹបអូសបានថ្នាំញៀនមេតំហ្វេតាមីនជាង ៤០ តោន ។ នេះបើយោងតាមការចេញផ្សាយរបស់សារពត៌មាន Reuters កាលពីថ្ងៃទី១២ ខែកុម្ភៈកន្លងទៅ ។
កងកម្លាំងប្រដាប់អាវុធម៉ិកស៊ិកបាននិយាយកាលពីថ្ងៃចន្ទថា មន្ទីរពិសោធន៍នេះមានទីតាំងនៅតំបន់ Quiriego ដែលជាតំបន់ដាច់ស្រយាលភាគខាងជើងនៃរដ្ឋ Sonora ខណៈការវាយឆ្មក់នេះរកឃើញសារធាតុគីមីមេទីល ២៨,០០០ គ្រាប់ស្មើនឹង ១២,៧០៥ គីឡូក្រាម និងថ្នាំញៀនទម្ងន់ ៤១,៣១០ គីឡូក្រាម ដែលស្មើនឹងប្រហែលពាក់កណ្តាលនៃថ្នាំញៀនដែលម៉ិកស៊ិករឹបអូសបានពេញមួយឆ្នាំមកនេះ ។
កន្លែងផលិតនេះមានឡចំនួន ៧២ មានសមត្ថភាពផលិតថ្នាំបានច្រើនជាង ៥ ដងលើកន្លែងផលិតធំបំផុតទីពីរក្នុងរដ្ឋ Sinaloa ដែលមានឡចំនួន ១៣ ដែលត្រូវបានរកឃើញ ក្នុងអំឡុងពេលលោក Andres Manuel Lopez Obrador កាន់ការជាប្រធានាធិបតី ។
គួរបញ្ជាក់ថា សហរដ្ឋអាមេរិកបាននឹងកំពុងជំរុញម៉ិកស៊ិកឲ្យបង្ក្រាបការជួញដូរគ្រឿងញៀន ជាពិសេសថ្នាំហ្វេតានីល ទោះបីជាឯកសារលេចធ្លាយបង្ហាញថា កងទ័ពម៉ិកស៊ិកបានអះអាងបង្កើនចំនួននៃការឆ្មក់ចូលមន្ទីរពិសោធន៍គ្រឿងញៀន ក្រោមការបញ្ជារបស់ប្រធានាធិបតី Andres Manuel Lopez Obrador កាលពីពេលថ្មីៗនេះក៏ដោយ ៕
អត្ថបទ៖ ប៊ុន សុភាព
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ