ព័ត៌មានអន្ដរជាតិ
ហាម៉ាស កំពុងរង់ចាំការឆ្លើយតបពីអ៊ីស្រាអែល ពាក់ព័ន្ធបទឈប់បាញ់នៅហ្គាហ្សា
ប្រភពពីក្រុមសកម្មប្រយុទ្ធឥស្លាម បានឲ្យដឹងថា ក្រុមហាម៉ាស កំពុងរង់ចាំការឆ្លើយតបពីអ៊ីស្រាអែលលើសំណើបទឈប់បាញ់ បន្ទាប់ពីខ្លួនបានទទួលយកចំណុចសំខាន់នៃផែនការរបស់សហរដ្ឋអាមេរិក ដែលមានបំណងបញ្ចប់សង្រ្គាមរយៈពេល៩ខែនៅតំបន់ហ្គាហ្សា។
យោធាម្នាក់របស់ក្រុមហាម៉ាស បានបង្ហើបប្រាប់ទីភ្នាក់ងារព័ត៌មាន Reuters កាលពីថ្ងៃអាទិត្យទី៧ ខែកក្កដា ឆ្នាំ២០២៤ ថា “យើងបានផ្ដល់ការឆ្លើយតបរបស់យើងជាមួយអ្នកសម្របសម្រួល ហើយកំពុងរង់ចាំស្តាប់ការឆ្លើយតបរបស់អ្នកទទួល”។ ប្រភពមួយទៀតពីហាម៉ាស បានប្រាប់បន្ថែមទៀតថា បច្ចុប្បន្ន អ៊ីស្រាអែលកំពុងពិភាក្សាសំណើនេះជាមួយប្រទេសកាតា ហើយនឹងផ្ដល់ជាចម្លើយនាប៉ុន្មានថ្ងៃបន្ទាប់ទៀត។ ទន្ទឹមនោះ លោក William Burns នាយកទីភ្នាក់ងារស៊ើបការណ៍អាមេរិក ក៏កំពុងធ្វើដំណើរទៅប្រទេសកាតាដើម្បីចរចាអំពីគម្រោងនេះដែរ។
សហរដ្ឋអាមេរិក បានដាក់ចេញនូវផែនការបទឈប់បាញ់៣ដំណាក់កាល កាលពីចុងខែឧសភាកន្លងទៅ ដែលផ្ដួចផ្ដើមគំនិតដោយលោកប្រធានាធិបតី ចូ បៃដិន និងមានការចូលរួមសម្របសម្រួលដោយប្រទេសកាតា និងប្រទេសអេហ្ស៊ីប។ ផែនការនេះ មានគោលបំណងបញ្ចប់សង្គ្រាមរវាងអ៊ីស្រាអែល និងក្រុមហាម៉ាស ក៏ដូចជាការដោះលែងចំណាប់ខ្មាំងដែលនៅសេសសល់ប្រមាណ ១២០នាក់ទៀតនៅតំបន់ហ្គាហ្សា។
ពាក់ព័ន្ធនឹងរឿងនេះ លោក Benjamin Netanyahu នាយករដ្ឋមន្ត្រីអ៊ីស្រាអែល ធ្លាប់បាននិយាយកាលពីពេលថ្មីៗថា ការចរចានឹងបន្តធ្វើនៅក្នុងសប្ដាហ៍នេះថែមទៀត ប៉ុន្តែលោកមិនបានបញ្ជាក់ពីពេលវេលាលម្អិតនោះទេ។
សូមបញ្ជាក់ថា កាលពីចុងសប្ដាហ៍មុន ក្រុមហាម៉ាស បានប្រកាសទទួលយកការចរចាសម្រេចឲ្យបាននូវដំណាក់កាលដំបូងនៃផែនការ៣ដំណាក់កាលរបស់អាមេរិក ដែលដំណាក់កាលទី១នេះមានរយៈពេល៦សប្ដាហ៍ ទាមទារឲ្យមានការឈប់បាញ់ទាំងស្រុង និងពេញលេញ ហើយក៏មានការដកកងកម្លាំងអ៊ីស្រាអែលចេញពីតំបន់ហ្គាហ្សា ព្រមទាំងដោះលែងចំណាប់ខ្មាំងមួយចំនួន ដូចជា ស្ត្រី មនុស្សចាស់ និងអ្នករងរបួស។
ប្រភពពីយោធាក្រុមហាម៉ាស បានឲ្យដឹងថា សំណើទទួលយកដំណាក់កាលដំបូងនេះ អាចនាំទៅរកកិច្ចព្រមព្រៀងក្របខណ្ឌ ប្រសិនបើភាគីអ៊ីស្រាអែលយល់ព្រមទទួលយក ហើយវានឹងបើកផ្លូវឲ្យមានការបញ្ចប់សង្គ្រាមទាំងស្រុង៕
ដោយ៖ ឈាង
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ