ព័ត៌មានអន្ដរជាតិ

Microsoft គ្រោងចែកឧបករណ៍បំពាក់ប្រព័ន្ធ IOS របស់ Apple ឱ្យបុគ្គលិកនៅចិនប្រើប្រាស់

បានផុស

២ years មុន

នៅ

ថ្ងៃអង្គារ ៩ កក្កដា ២០២៤

ដោយ

ក្រុមហ៊ុនបច្ចេកវិទ្យាយក្ស Microsoft មានបំណងផ្ដល់ឧបករណ៍ ដែលបំពាក់ប្រព័ន្ធប្រតិបត្តិការ iOS របស់ក្រុមហ៊ុនបច្ចេកវិទ្យាគូប្រជែង Apple ទៅឱ្យបុគ្គលិករបស់ខ្លួននៅក្នុងប្រទេសចិនប្រើប្រាស់ ដើម្បីឱ្យពួកគេអាចចូលប្រើប្រាស់កម្មវិធីផ្ទៀងផ្ទាត់អត្តសញ្ញាណ (Authentication Apps) មួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារសារព័ត៌មានរ៉យទ័រ បានរាយការណ៍ដោយស្រង់សម្ដីអ្នកនាំពាក្យរបស់ Microsoft ដែលនិយាយថា ការផ្ដល់នេះធ្វើឡើង ដោយសារតែកង្វះសេវាកម្មប្រព័ន្ធប្រតិបត្តិការអេនដ្រយ (Android) របស់ក្រុមហ៊ុនបច្ចេកវិទ្យា Google នៅក្នុងប្រទេសចិន។

បើតាមសេចក្ដីរាយការណ៍របស់សារព័ត៌មាន Bloomberg វិញ ក្រុមហ៊ុន Microsoft បានណែនាំបុគ្គលិករបស់ខ្លួននៅក្នុងប្រទេសចិន ឱ្យប្រើឧបករណ៍ក្រុមហ៊ុន Apple នៅកន្លែងធ្វើការ ចាប់ពីខែកញ្ញាខាងមុខតទៅ។

Bloomberg បានផ្សាយបន្ថែមថា ក្រោមផ្នែកមួយនៃ «គំនិតផ្តួចផ្តើមអនាគតប្រកបដោយសុវត្ថិភាព» (Secure Future Initiative) ជាសកល របស់ក្រុមហ៊ុន Microsoft ការផ្លាស់ប្តូរទៅប្រើប្រាស់ឧបករណ៍បំពាក់ប្រព័ន្ធ iOS កើតឡើងដោយសារកង្វះខាតនៃកម្មវិធីទិញកម្មវិធី Play Store របស់ Google នៅក្នុងប្រទេសចិន ដែលការណ៍នេះ ធ្វើឱ្យបុគ្គលិករបស់ខ្លួនពិបាកចូលប្រើកម្មវិធីសុវត្ថិភាពដូចជា Microsoft Authenticator និង Identity Pass ជាដើម។

ក្រុមហ៊ុននឹងផ្តល់ម៉ូដែល iPhone 15 ដល់បុគ្គលិក ដែលបច្ចុប្បន្នកំពុងប្រើប្រាស់ទូរស័ព្ទអេនដ្រយ នៅទូទាំងប្រទេសចិន រួមទាំងទីក្រុងហុងកុងផងដែរ។

គួរបញ្ជាក់ថា ក្រុមហ៊ុន Microsoft ស្ថិតក្នុងចំណោមក្រុមហ៊ុនអាមេរិកទាំងអស់ ដែលមានវត្តមានដ៏មហិមានៅចិន។ ក្រុមហ៊ុននេះបានចូលទីផ្សារប្រទេសនេះក្នុងឆ្នាំ ១៩៩២ ហើយក៏ដំណើរការមជ្ឈមណ្ឌលស្រាវជ្រាវ និងអភិវឌ្ឍន៍ដ៏ធំមួយនៅទីនោះផងដែរ។

បច្ចុប្បន្ន ក្រុមហ៊ុន Microsoft កំពុងស្ថិតនៅក្រោមការត្រួតពិនិត្យកាន់តែខ្លាំងឡើងៗ ក្រោយមានការរំលោភលើសុវត្ថិភាពជាបន្តបន្ទាប់។ ចុងក្រោយបំផុតគឺ ក្រុមហែកឃឺររុស្ស៊ី បានធ្វើចារកម្ម និងចូលប្រើអ៊ីមែលរបស់បុគ្គលិក និងអតិថិជនរបស់ក្រុមហ៊ុន កាលពីដើមឆ្នាំនេះ៕

Related Topics:ក្រុមហ៊ុន Microsoft

ព័ត៌មានអន្ដរជាតិ១៦ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា