ព័ត៌មានអន្ដរជាតិ
ត្រាំ ថា Microsoft កំពុងចរចាទិញ TikTok
ប្រធានាធិបតីសហរដ្ឋអាមេរិក លោក ដូណាល់ ត្រាំ បានប្រាប់អ្នកយកព័ត៌មានកាលពីថ្ងៃចន្ទថា ក្រុមហ៊ុនបច្ចេកវិទ្យាយក្សអាមេរិក Microsoft កំពុងចរចាដើម្បីទិញប្រតិបត្តិការ TikTok នៅអាមេរិក ហើយថា លោកចង់ឃើញសង្រ្គាមដេញថ្លៃគ្នាលើវេទិកាបណ្ដាញសង្គមមួយនេះ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ក្រុមហ៊ុន Microsoft ឬ TikTok ក៏ដូចជាក្រុមហ៊ុនមេ ByteDance មិនទាន់បកស្រាយយ៉ាងណាជុំវិញបញ្ហានេះ។
ការអះអាងរបស់លោក ត្រាំ បែបនេះ បន្ទាប់ពី TikTok របស់ខ្លួនរយៈពេលប៉ុន្មានម៉ោងកាលពីថ្ងៃអាទិត្យ ទី ១៩ មករា ក្រោយច្បាប់ហាមឃាត់សហព័ន្ធចូលជាធរមាន។ ច្បាប់នោះកំណត់មិនឱ្យក្រុមហ៊ុនលក់កម្មវិធីទូរស័ព្ទ លក់កម្មវិធី TikTok ក្នុងបណ្ដាញរបស់ខ្លួន ជុំវិញកង្វល់សន្តិសុខជាតិ ហើយបើចង់បញ្រ្ចាសច្បាប់នេះ លុះត្រាតែ ByteDance លក់ប្រតិបត្តិការ TikTok ក្នុងស្រុករបស់ខ្លួនទៅឱ្យក្រុមហ៊ុន ឬបុគ្គលអាមេរិក។
យ៉ាងណាមិញ TikTok ដែលមានអ្នកប្រើប្រាស់នៅអាមេរិកជាង ១៧០ លាននាក់ បានបើកដំណើរការរបស់ខ្លួនវិញ មុនពេល លោក ត្រាំ ឡើងកាន់អំណាចនៅថ្ងៃបន្ទាប់ ដោយលោកបានចុះអធិបញ្ជាផ្អាកការហាមឃាត់ជាបណ្ដោះអាសន្នរយៈពេល ៧៥ ថ្ងៃ។
ជុំវិញបញ្ហានេះផងដែរ លោក ត្រាំ បាននិយាយកាលពីសប្តាហ៍មុនថា លោកកំពុងចារចាជាមួយមនុស្សជាច្រើនលើការទិញ TikTok ហើយទំនងជានឹងមានការសម្រេចចិត្តលើអនាគតរបស់កម្មវិធីដ៏ពេញនិយមនេះ ក្នុងរយៈពេល ៣០ ថ្ងៃ។
លោកធ្លាប់និយាយផងដែរថា លោកបើកចំហឱ្យមហាសេដ្ឋី លោក អេឡុន ម៉ាស់ក៍ ទិញ TikTok ប្រសិនបើនាយកប្រតិបត្តិក្រុមហ៊ុន Tesla រូបនេះ ចង់ធ្វើដូច្នេះ។ ទោះជាយ៉ាងណា លោក ម៉ាស់ក៍ មិនបានធ្វើអត្ថាធិប្បាយជាសាធារណៈលើសំណើរបស់ ត្រាំ យ៉ាងណានោះទេ៕
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ