គ្រូតៃជីដ៏ល្បី សុខៗក៏ក្លាយជាតួសម្ដែងក្នុងក្លឹបរាត្រី ផ្អើលបណ្ដាញសង្គម ចិន

សារព័ត៌មាន nextapple.com បានបង្ហាញពីនិន្នាការនៃវីដេអូរបស់ Ma Baoguo ជាមេដឹកនាំនៃនិកាយ Hunyuan Xingyi Tai Chi របស់ប្រទេសចិន ថ្មីៗនេះស្រាប់តែលេចមុខសម្តែងនៅក្លឹបរាត្រីមួយក្នុងសកម្មភាព​បង្ហាញ​ក្បាច់​គុណអ​មដោយបទចម្រៀងជាច្រើននៅលើឆាក។

វីដេអូ​របស់បុរសវ័យ៧៣ឆ្នាំ សម្តែង​ក្នុង​ក្លឹប​រាត្រី​មួយ​បាន​ល្បី​ល្បាញលើបណ្ដាញសង្គមចិន Weibo ដោយ​មាន​រូប​ថត​ដ៏​ធំ​មួយ​របស់​គាត់​នៅ​លើ​ឆាក ខណៈដែលទស្សនិកជនក្មេងៗបានសម្រុកទាញទូរស័ព្ទមកថតពីសម្មភាពរបស់គាត់ដោយស្រែកឮៗថា Ma Baoguo គឺជាមោទនភាពរបស់ប្រជាជនចិន ។

អ្នកមានឥទ្ធិពលផ្នែកហិរញ្ញវត្ថុចិនដ៏ល្បីម្នាក់ម្នាក់បានចង្អុលបង្ហាញថា ការចំណាយរបស់ Ma Baoguo សម្រាប់ការសម្តែងគឺខ្ពស់រហូតដល់ ៣០០,០០០ យន់ ហើយក្លឹបរាត្រីជាច្រើនកំពុងតម្រង់ជួរដើម្បីអញ្ជើញគាត់ឲ្យចូលរួមសម្តែង។

ទោះបីជាយ៉ាងណា​នេះក៏ដោយ អ្នក​​លេង​អ៊ីនធឺណិត​មួយចំនួនទៀតបាន​បញ្ចេញ​មតិ​ផ្សេងៗពីគ្នា។ មនុស្ស​មួយ​ចំនួន​ភ្ញាក់​ផ្អើល​ដែលគាត់អាចរកលុយ​តាម​វិធី​នេះ ចំណែកឯអ្នក​ផ្សេង​ទៀត​ខ្មាស​ចំពោះ​អាកប្បកិរិយា​ដ៏​យ៉ាប់យ៉ឺន​។​ ប៉ុន្តែយ៉ាងណា គ្រប់គ្នានៅតែសរសើរគាត់ថា​ ជាតារាល្បីនៅលើអ៊ីនធឺណិតតែមួយគត់ដែលទទួលបានជោគជ័យ ក្រោយបរាជ័យលើសង្វៀន ហើយក៏គ្មានអ្វីខុសទេក្នុងការរកលុយតាមជំនាញគាត់។ ពេលនេះគាត់​បានក្លាយជាមនុស្សល្បី​ ដែលចាំបាច់ត្រូវ​អៀន​ខ្មាស​ តែ​ត្រូវមាន​មោទនភាព​ ក្នុងពេលសព្វ​ថ្ងៃ​គេកម្រ​បាន​ឃើញ​ទិដ្ឋភាពបែប​នេះណាស់ ស្របពេលសង្គម​ចិន​សម័យ​ទំនើប​កាន់តែមិនខ្វល់ខ្វាយពីក្បាច់គុណបុរាណថែមទៀត៕

សូមជម្រាបជូនថា Ma Baoguo ដែលបានសន្យាការពារកិត្តិយសនៃក្បាច់គុនកុងហ្វូរបស់ចិន ត្រូវបានផ្តួលឲ្យដួលសន្លប់​នៅ​កណ្តាល​សង្វៀនចំនួនបីដងក្នុងរយៈពេល ៣០ វិនាទី ​ដោយអ្នកប្រដាល់ស្ម័គ្រចិត្ត Wang Qingmin ក្នុងឆ្នាំ ២០២០ ។ ចាប់ពីពេលនោះមក កេរ្តិ៍​ឈ្មោះ​ដែល​លោក​បាន​ប្រមូល​ទុក​ក្នុង​នាម​ជា​មេតៃជី ​ស្ទើរ​តែ​បាត់​ចេញពីពីភពក្បាច់គុណចិនទៅ​ហើយ។ ក្រោយមកស្រាប់តែលោកបែរជាវិលមកចាប់អាជីពក្នុងក្លឹបរាត្រី ក្នុងនាមជាអ្នកបង្ហាញក្បាច់គុណតៃជីដល់ទស្សនិកជន៕

អត្ថបទ៖ សាង ស្រីល័ក្ខ

ចុចអាន៖ដ្បិតថាជាស្រីស្អាតនៅចិន តែ Liu Yifei ធ្លាប់អន់ជាងតារាកូរ៉េស្រីមួយរូបទៀត