ជនសង្ស័យ​ម្នាក់​ ហ៊ាន​ប្រើកណ្តាប់​​​ដៃ​វាយម្តាយ​រហូត​សន្លប់​ធំ​

ជនសង្ស័យម្នាក់ត្រូវបានសមត្ថកិច្ចប៉ូលីសខណ្ឌទួលគោក ធ្វើការឃាត់ខ្លួន ក្រោយពេលដែលជននេះបាន ប្រើកណ្តាប់ជើងវាយទាត់ធាក់លើម្តាយរហូតសន្លប់ធំនោះ។ ហេតុការណ៍នេះកើត​ឡើង​នៅ​ព្រឹកថ្ងៃទី០៦ ខែមីនា ឆ្នាំ២០២១ វេលាម៉ោងប្រហែល ០៨:១០នាទី នៅចំណុចផ្ទះលេខ០៧ ផ្លូវរថភ្លើង ក្រុមទី៥៩ ភូមិ១៦ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ចំណុចផ្ទះលេខ០៧ ផ្លូវរថភ្លើង ក្រុមទី៥៩ ភូមិ១៦ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ កាលពីថ្ងៃទី០១ ខែ មីនា ឆ្នាំ២០២១ វេលាម៉ោងប្រហែល ១៤:០០នាទី។

មន្ត្រីប៉ូលីសខណ្ឌទួលគោកបានឱ្យ​ដឹងថា​ ព្រឹកថ្ងៃទី០៦ ខែមីនា ឆ្នាំ២០២១ វេលាម៉ោងប្រហែល ០៨:១០នាទីព្រឹក កម្លាំងរបស់ប៉ុស្តិ៍នគរបាលរដ្ឋបាលទឹកល្អក់ទី១ នៃអធិការដ្ឋាននគរបាលខណ្ឌទួលគោក បានធ្វើការឃាត់ខ្លួនជនសង្ស័យ០១នាក់ពី បទហិង្សា ដោយចេតនាក្នុងសហព័ទ្ធ (កូនប្រុសយកជើងជាន់ និងធាក់ទៅលើម្ដាយបង្កើតបណ្ដាល​រងរបួសលើដើមទ្រូង ក្រោមបំពង់កបណ្ដាលសន្លប់បាត់ស្មារតី)។

ជនសង្ស័យដែលត្រូវជាកូន ឈ្មោះ ស៊ុំ សុផល ហៅ ហើម ភេទប្រុស អាយុ៣០ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះលេខ០៧ ផ្លូវរថភ្លើង ក្រុមទី៥៩ ភូមិ១៦ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។ ជនរងគ្រោះជាម្ដាយ ឈ្មោះ សាន់ យ៉ានី ភេទស្រី អាយុ៦៤ឆ្នាំ ជនជាតិខ្មែរ មុខរបរ នៅផ្ទះ ស្នាក់នៅផ្ទះលេខ០៧ ផ្លូវរថភ្លើង ក្រុមទី៥៩ ភូមិ១៦ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។

ជនរងគ្រោះជាម្ដាយរងរបួស ស្នាមជាំនៅលើដើមទ្រូងក្រោមបំពង់ក (ដោយសារជនសង្ស័យឈ្មោះ ស៊ុំ សុផល ហៅ ហើម ជាកូនយកជើងធាក់ជាន់បណ្ដាលឲ្យរងរបួសជាំ)។​ក្រោយពីឃាត់ខ្លួនជនសង្ស័យខាងលើ សមត្ថកិច្ចបានយកទឹកនោមជនសង្ស័យរូបនេះមកធ្វើតេស្តិ៍ស្វែងរកសារធាតុញៀនក្នុងទឹកនោមជាលទ្ធផល មានភាពវិជ្ជមាន (មានសារធាតុញៀន)។

បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះអាសន្ន នៅអធិការដ្ឋាននគរបាលខណ្ឌទួលគោក ដើម្បីធ្វើការសារសួរ និង បញ្ជូនសំណុំរឿងទៅ អយ្យការអមសាលាដំបូងរាជធានីភ្នំពេញ ចាត់ការតាមនីតិវិធីច្បាប់៕

អត្ថបទ៖ ស្រីរ័ត្ន