ព័ត៌មានអន្ដរជាតិ
ចិន ថាមានឆន្ទៈចង់រាប់អានអាមេរិកធ្វើមិត្ត ដើម្បីប្រយោជន៍ពិភពលោក
លោក ស៊ី ជីនពីង មេដឹកនាំចិន បានប្រកាសនៅថ្ងៃទី១៦ខែតុលាថា ប្រទេសរបស់លោកមានឆន្ទៈក្នុងការធ្វើជាដៃគូ និងជាមិត្តជាមួយសហរដ្ឋអាមេរិក ដែលទំនាក់ទំនងនេះមិនត្រឹមតែជួយដល់ប្រទេសទាំងពីរនោះទេ ថែមទាំងពិភពលោកទាំងមូលផងដែរ។
លោក ស៊ី បាននិយាយថា ភាពជាដៃគូជោគជ័យរវាងចិន និងអាមេរិក គឺជាការបើកឱកាសសម្រាប់ការអភិវឌ្ឍ ជាជាងការបង្កើតនូវឧបសគ្គ។ លោកបានសង្កត់ធ្ងន់ថា ទំនាក់ទំនងនេះគឺជាសម្ព័ន្ធភាពទ្វេភាគីដ៏មានសារៈសំខាន់បំផុតនៅលើពិភពលោក ដែលអាចកំណត់អនាគត និងជោគវាសនានៃមនុស្សជាតិ។
ទំនាក់ទំនងប្រទេសទាំងពីរ មានភាពរកាំរកូសជាច្រើនលើកច្រើនសារ ពាក់ព័ន្ធនឹងក្ដីបារម្ភសន្តិសុខជាតិ ជម្លោះពាណិជ្ជកម្ម សកម្មភាពរបស់ក្រុងប៉េកាំងនៅលើសមុទ្រចិនខាងត្បូង និងការធ្វើសមយុទ្ធយោធាជុំវិញកោះតៃវ៉ាន់។
ទំនាក់ទំនងពាណិជ្ជកម្មរវាងចិន និងអាមេរិក បានធ្លាក់ចុះខ្លាំងកាលពីឆ្នាំមុន លើបញ្ហាជាច្រើន រួមទាំងការរឹតបន្តឹងលើយានយន្តអគ្គិសនី និងឧបករណ៍អេឡិចត្រូនិចទំនើបៗ។
លោក ស៊ី បានប្រាប់ថា៖ «ចិនតែងតែដោះស្រាយទំនាក់ទំនងចិន-អាមេរិក ស្របតាមគោលការណ៍នៃការគោរពគ្នាទៅវិញទៅមក ការរួមរស់ដោយសន្តិភាព និងកិច្ចសហប្រតិបត្តិការឈ្នះ-ឈ្នះ ហើយតែងតែជឿជាក់ថា ភាពជោគជ័យរបស់ចិន និងសហរដ្ឋអាមេរិក គឺជាឱកាសសម្រាប់គ្នាទៅវិញទៅមក»៕
ដោយ៖ ឈាង
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា