ព័ត៌មានអន្ដរជាតិ
ហេសបូឡា ប្រកាសថា សង្គ្រាមជាមួយអ៊ីស្រាអែលឈានដល់ដំណាក់កាលថ្មី ក្រោយការស្លាប់លោក Sinwar
ក្រុមសកម្មប្រយុទ្ធហេសបូឡានៅប្រទេសលីបង់ បានប្រកាសនៅថ្ងៃសុក្រនេះថា ខ្លួនកំពុងឈានដល់ដំណាក់កាលថ្មី និងកាន់តែតានតឹងក្នុងសង្គ្រាមប្រឆាំងនឹងអ៊ីស្រាអែល។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters នៅថ្ងៃទី១៨ខែតុលា។
ការប្រកាសរបស់ក្រុមហេសបូឡា ធ្វើឡើងបន្ទាប់ពីលោក Yahya Sinwar ដែលជាមេខ្លោងនៃការវាយប្រហារថ្ងៃទី៧ខែតុលាឆ្នាំ២០២៣ ដែលបង្កឲ្យមានសង្រ្គាមផ្ទុះឡើងនៅតំបន់ហ្គាហ្សា ត្រូវបានសម្លាប់ក្នុងអំឡុងប្រតិបត្តិការដោយទាហានអ៊ីស្រាអែលកាលពីថ្ងៃពុធ ដែលជាព្រឹត្តិការណ៍សំខាន់មួយនៅក្នុងជម្លោះរយៈពេល១ឆ្នាំមកនេះ។
ទន្ទឹមនឹងការប្រកាសរបស់ក្រុមហេសបូឡា អ៊ីរ៉ង់ក៏បាននិយាយដែរថា «ស្មារតីនៃការតស៊ូ នឹងត្រូវបានពង្រឹង» ប្រឆាំងនឹងអ៊ីស្រាអែល។
មេដឹកនាំលោកខាងលិច បានប្រាប់ថា ការស្លាប់របស់លោក Sinwar បានផ្តល់ឱកាសឲ្យមានការបញ្ចប់ជម្លោះ ប៉ុន្តែនាយករដ្ឋមន្ត្រីអ៊ីស្រាអែល លោក Benjamin Netanyahu បានបញ្ជាក់ថា សង្រ្គាមនឹងបន្តរហូតដល់ចំណាប់ខ្មាំងដែលចាប់បានដោយពួកសកម្មប្រយុទ្ធហាម៉ាស ត្រូវបានដោះលែងឲ្យត្រឡប់មកវិញ។ ចំណែក កងកម្លាំង IDF របស់អ៊ីស្រាអែល បានប្រកាសថា ខ្លួនកំពុងនៅតាមប្រមាញ់បងប្អូនប្រុសរបស់លោក Sinwar និងកម្ចាត់ចោលមេបញ្ជាការផ្សេងៗទៀតទាំងអស់របស់ក្រុមហាម៉ាស ដើម្បីបញ្ចប់សង្គ្រាម។
លោក Sinwar ដែលបានក្លាយជាមេដឹកនាំរបស់ក្រុមហាម៉ាសបន្ទាប់ពីការធ្វើឃាតលោក Ismail Haniyeh ក្នុងទីក្រុងតេហេរ៉ង់ កាលពីខែកក្កដា ត្រូវបានគេជឿថាបានលាក់ខ្លួននៅក្នុងរូងក្រោមដីដែលក្រុមហាម៉ាសបានសាងសង់នៅតំបន់ហ្គាហ្សាក្នុងរយៈពេល២ទសវត្សរ៍កន្លងមកនេះ។ លោកត្រូវបានគេដឹងថាជាអ្នករៀបចំការវាយប្រហារដ៏គួរឲ្យភ្ញាក់ផ្អើលកាលពីឆ្នាំមុន ទៅលើភាគខាងត្បូងអ៊ីស្រាអែល ដែលបណ្ដាលឲ្យមនុស្ស ១ ២០០នាក់បានស្លាប់ និងមានការចាប់ចំណាប់ខ្មាំងប្រហែល ២៥០នាក់៕
ដោយ៖ ឈាង
ចុចអាន៖ លោក Netanyhau៖ សង្គ្រាមហ្គាហ្សានៅតែបន្ត ត្បិតការស្លាប់របស់ Sinwar
-
ព័ត៌មានអន្ដរជាតិ១៦ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ