ព័ត៌មានអន្ដរជាតិ
វៀតណាមគ្រោងចាក់ទុនទៅធនាគាររដ្ឋធំបំផុត ដើម្បីគាំទ្រគោលនយោបាយសេដ្ឋកិច្ច
មន្រ្តីជាន់ខ្ពស់នៃរដ្ឋាភិបាលវៀតណាមបានឱ្យដឹងថា វៀតណាមគ្រោងនឹងចាក់បញ្ជូលមូលធនប្រមាណ ២០,៦៩ ទ្រីលានដុង (៨១៥ លានដុល្លារ) ទៅក្នុងធនាគារពាណិជ្ជរដ្ឋសម្រាប់ផ្តល់ប្រាក់កម្ចី Vietcombank ដែលជាធនាគារដ៏ធំបំផុតរបស់ប្រទេស ដើម្បីជួយជំរុញគោលនយោបាយសេដ្ឋកិច្ចរបស់រដ្ឋាភិបាល។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
វិធានការនេះធ្វើឡើងដោយស្របតាមផែនការអភិវឌ្ឍន៍ឧស្សាហកម្មធនាគារសម្រាប់ឆ្នាំ ២០២៥ ក៏ដូចជាផែនការរៀបចំរចនាសម្ព័ន្ធឡើងវិញ និងដោះស្រាយបំណុលពិបាកទារឆ្នាំ ២០២១-២០២៥។ នេះបើតាមការប្រាប់សភា របស់ឧបនាយករដ្ឋមន្ត្រី និងរដ្ឋមន្ត្រីហិរញ្ញវត្ថុវៀតណាម លោក Ho Duc Phoc នាថ្ងៃពុធនេះ។
លោក Phoc បាននិយាយថា៖ «វាមានសារៈសំខាន់ណាស់សម្រាប់ធនាគារ Vietcombank មានធនធានគ្រប់គ្រាន់ដើម្បីគាំទ្រគោលនយោបាយរបស់រដ្ឋាភិបាល មានការរៀបចំរចនាសម្ព័ន្ធឡើងវិញនៃស្ថាប័នទន់ខ្សោយ និងរួមចំណែកដល់ស្ថិរភាពនៃវិស័យធនាគារ និងសេដ្ឋកិច្ច»។
លោកបានបន្ថែមថា៖ «មូលធនបន្ថែមនេះក៏នឹងជួយ Vietcombank បង្កើនសមត្ថភាពហិរញ្ញវត្ថុ ដើម្បីពង្រីកវិសាលភាពអន្តរជាតិរបស់ខ្លួន និងក្លាយជាធនាគារដ៏ធំបំផុតមួយនៅអាស៊ី»។
យោងតាមទិន្នន័យរបស់ LSEG ធនាគាររដ្ឋវៀតណាម (SBV) ដែលជាធនាគារកណ្តាលរបស់ប្រទេស មានភាគហ៊ុន ៧៤,៨ ភាគរយ នៅធនាគារ Vietcombank ។
បើតាមរ៉យទ័រ សភាវៀតណាម រំពឹងថានឹងអនុម័តផែនការនេះនៅឯការបោះឆ្នោតនៅថ្ងៃទី ៣០ ខែវិច្ឆិកា៕
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា