សន្តិសុខសង្គម

អគ្គិភ័យឆាបឆេះទីតាំងលក់ម្ហូបឥណ្ឌាមួយកន្លែង យ៉ាងសន្ធោសន្ធៅ នៅខណ្ឌដូនពេញ

បានផុស

២ years មុន

នៅ

ថ្ងៃសៅរ៍ ២៦ តុលា ២០២៤

ដោយ

អគ្គិភ័យឆាបឆេះទីតាំងលក់ម្ហូបឥណ្ឌាមួយកន្លែង យ៉ាងសន្ធោសន្ធៅ ផ្សែងហុយខ្មួលខ្មាញ់ចេញមកក្រៅ បង្កឲ្យមានការភ្ញាក់ផ្អើលប្រជាពលរដ្ឋក្បែរខាងជួយទាក់ទងសមត្ថកិច្ចមូលដ្ឋានហៅរថយន្តពន្លត់អគ្គិភ័យបាញ់ពន្លត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កភ្ញាក់ផ្អើលកាលពីវេលាម៉ោង ០៦ និង ៤០ នាទីយប់ ថ្ងៃទី ២៥ ខែតុលា ឆ្នាំ ២០២៤ ត្រង់ចំណុចជាន់ទី ០១ នៃហាងលក់ម្ហូបឥណ្ឌាមួយកន្លែង ស្ថិតនៅតាមបណ្ដោយផ្លូវ ១៧២ ខាងក្រោយវត្តសារ៉ាវ័ន្ត ក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ។

បើតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគាត់បានឮសំឡេងផ្ទុះ ស្របពេលនោះគាត់បានរត់ចេញពីក្នុងផ្ទះមកមើល ក៏ស្រាប់តែឃើញមានផ្សែងហុយខ្មួលខ្មាញ់ចេញមកក្រៅលាយជាមួយភ្លើងបានឆាបឆេះយ៉ាងសន្ធោសន្ធៅចេញពីខាងក្នុងផ្ទះជាន់ទី ០១ នៃផ្ទះលក់ម្ហូបឥណ្ឌាទៅហើយ បង្កឲ្យមានការភ្ញាក់ផ្អើលដល់ប្រជាពលរដ្ឋក្បែរខាង រាយការណ៍ជូនសមត្ថកិច្ចមូលដ្ឋាន ដើម្បីទាក់ទងរថយន្តពន្លត់អគ្គិភ័យចេញអន្តរាគមន៍ភ្លាមៗ ដោយមិនរាលដល់ផ្ទះពលរដ្ឋក្បែរខាងនោះទេ។