ព័ត៌មានអន្ដរជាតិ
រុស្ស៊ី ព្រមានថា ពិភពលោក កំពុងស្ថិតនៅលើផ្លូវឆ្ពោះទៅរកសង្គ្រាមលោកលើកទី៣
ភាពតានតឹងរវាងរុស្ស៊ីនិងលោកខាងលិច បានឡើងដល់កម្រិតខ្ពស់បំផុត ដោយថ្មីៗ មេដឹកនាំវិមានក្រឹមឡាំងលោកវ្ល៉ាឌីមៀរ ពូទីន បានបញ្ជាឲ្យបាញ់មីស៊ីលល្បឿនលឿនជាងសំឡេងវាយប្រហារប្រទេសអ៊ុយក្រែន ឆ្លើយតបទៅលោក ចូ បៃដិន ដែលបើកដៃឲ្យរដ្ឋាភិបាលទីក្រុងកៀវ ប្រើមីស៊ីលអាមេរិក បាញ់ចូលដីរុស្ស៊ី ហើយពេលនេះឯកអគ្គរដ្ឋទូតរុស្ស៊ីប្រចាំចក្រភពអង់គ្លេសលោក Andrey Kelin ព្រមានថា ពិភពលោក កំពុងស្ថិតនៅលើផ្លូវឆ្ពោះទៅរកសង្គ្រាមលោកលើកទី៣ហើយ។
ថ្លែងប្រាប់ SKY NEWS កាលពីថ្ងៃសៅរ៍ទី២៣ខែវិច្ឆិកាឆ្នាំ២០២៤ លោក Kelin លើកឡើងថា រុស្ស៊ីកំពុងឈរលើផ្លូវផ្ទុះសង្គ្រាមជាមួយមហាអំណាចនុយក្លេអ៊ែរ ពាក់ព័ន្ធការគាំទ្រជាបន្តបន្ទាប់របស់អាមេរិក បារាំង និងអង់គ្លេស លើអ៊ុយក្រែន។ ពេលនេះ ចក្រភពអង់គ្លេសបាន ចូលរួមដោយផ្ទាល់នៅក្នុងសង្គ្រាមនៅអ៊ុយក្រែន ក្រោយមីស៊ីល Storm Shadow របស់ខ្លួន វាយប្រហារគោលដៅនៅក្នុងប្រទេសរុស្ស៊ី។
លោកសង្កត់ធ្ងន់ថា «ជាការពិត ចក្រភពអង់គ្លេស បានចូលរួមដោយផ្ទាល់នៅក្នុងសង្រ្គាមនេះ ព្រោះថា អ៊ុយក្រែន មិនអាចបាញ់មីស៊ីលនេះបានឡើយ បើគ្មានណាតូ ឬយោធាអង់គ្លេស ហើយសហរដ្ឋអាមេរិក ក៏អ៊ីចឹងដែរ ពួកគេបានសម្រេចចិត្តបើកការវាយប្រហារទាំងនេះ ដោយធ្វើឲ្យស្ថានការណ៍កាន់តែធ្ងន់ធ្ងរ ហើយវាអាចឈានដល់ប៉ះទង្គិចគ្នារវាងមហាអំណាចនុយក្លេអ៊ែរ»។
ការព្រមាននេះកើតឡើងមួយថ្ងៃបន្ទាប់ពី លោក វ្ល៉ាឌីមៀរ ពូទីន ប្រកាសថា ឃ្លាំងផ្ទុកមីស៊ីលបាលិស្ទិកល្បឿនលឿន «ដែលមិនអាចទប់ទល់បាន» របស់ទីក្រុងមូស្គូ គឺរួចរាល់អស់ហើយសម្រាប់ការប្រើប្រាស់។
នៅក្នុងសុន្ទរកថាតាមទូរទស្សន៍ជាតិកាលពីថ្ងៃសុក្រ លោក ពូទីន បានផ្ញើការព្រមានដ៏ខ្លាំងក្លាមួយទៅកាន់លោកខាងលិចថា «គ្មាននរណាម្នាក់នៅលើពិភពលោកមានអាវុធបែបនេះទេ» ហើយថា លោកនឹងចាប់ផ្តើមផលិតមីស៊ីល Oreshnik ក្នុងទ្រង់ទ្រាយធំ។
បុរសខ្លាំងរុស្ស៊ី បន្តថា «មិនយូរមិនឆាប់ប្រទេសឈានមុខគេផ្សេងទៀតក៏នឹងទទួលបានពួកវាផងដែរ យើងដឹងថាពួកវាកំពុងស្ថិតក្រោមការអភិវឌ្ឍ។ ឥឡូវយើងមានប្រព័ន្ធនេះ ហើយវាពិតជាសំខាន់ណាស់»។
លើសពីនេះ រុស្ស៊ី ក៏គំរាមវាយប្រហារទឹកដីប្រទេសប៉ូឡូញ ដែលជាសមាជិកអង្គការណាតូផងដែរ ព្រោះតែនៅទីនោះ អាមេរិក ទើបតែបើកមូលដ្ឋានទ័ពថ្មី ហើយទង្វើបែបនេះ កាន់តែធ្វើឲ្យមានហានិភ័យនៃសង្គ្រាមនុយក្លេអ៊ែរ៕
អត្ថបទ៖ សុខ សុវណ្ណ
ចុចអាន៖ រុស្ស៊ី ព្រមានផ្ទុះសង្គ្រាមលោក ក្រោយដឹងថា អាមេរិក ប្រុងបញ្ជូនមីស៊ីលរយៈចម្ងាយឆ្ងាយឲ្យអ៊ុយក្រែន
ជនបរទេស១៣នាក់ ត្រូវឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា នៅសៀមរាប
លោកសន្តិបណ្ឌិត ឆៃ ស៊ីណារិទ្ធ អនុញ្ញាតឱ្យ ឯកអគ្គរដ្ឋទូតឥណ្ឌូនេស៊ី ចូលជួបសម្តែងការគួរសម
ទីតាំងហាងកាហ្វេជាង៩០កន្លែង ត្រូវសមត្ថកិច្ចធ្វើសកម្មភាពចុះឆែកជាបន្តបន្ទាប់ក្នុងខេត្តកំពង់ចាម
មណ្ឌលប្រឡងភ្នំពេញ មានបេក្ខជនប្រឡងជាប់ឌីប្លូមជាង១ម៉ឺន៥ពាន់នាក់ ស្មើនឹងជាង៩០%
គណៈបញ្ជាការឯកភាពរដ្ឋបាលខេត្តមណ្ឌលគិរី ចុះបង្ក្រាបទីតាំងអនឡាញមួយកន្លែង ឃាត់ជនសង្ស័យ១៤៩នាក់
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
អ្នកស្លាប់ព្រោះភ្លៀងធ្លាក់ខ្លាំង៥ថ្ងៃជាប់គ្នានៅកូរ៉េខាងត្បូង កើនដល់ ១៤នាក់ និងបាត់ខ្លួន ១២នាក់
-
ព័ត៌មានអន្ដរជាតិ២ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ១៩ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ៧ ម៉ោង agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ