កីឡា
គ្រូបឹងកេតថា គ្មានការប្រកួតណាមានប្រៀប ព្រោះលទ្ធផលមុនៗ
លោក Conor Nester នឹងដឹកនាំក្រុមបឹងកេតទទួលក្រុមកំពូលតារាង ភ្នំពេញក្រោន វេលាម៉ោង៧យប់ ថ្ងៃសុក្រ ទី២៩ ខែវិច្ឆិកា ឆ្នាំ២០២៤ នៅពហុកីឡដ្ឋានជាតិ ក្នុងសប្តាហ៍ទី១៤ ខេមបូឌានព្រីមៀរលីគ។
ក្នុងនាមជាគ្រូបង្វឹកថ្មី លោក Conor Nester បានទទួលស្គាល់ភាពខ្លាំងរបស់ភ្នំពេញក្រោនទាំងកីឡាករ និងគ្រូបង្វឹកសុទ្ធតែមានសមត្ថភាពកម្រិតកំពូលនៅប្រទេសកម្ពុជា។ ជាពិសេសភ្នំពេញក្រោនមានកំណត់ត្រាល្អនៅពេលជួបបឹងកេតកន្លងមក ប៉ុន្តែលោកសង្កត់ធ្ងន់ថា រាល់ការប្រកួតថ្មីៗចាប់ផ្តើមឡើងពី ០-០ គឺគ្មានការប្រកួតណាចាប់ផ្តើមឡើងដោយមានប្រៀប ព្រោះតែកំណត់ត្រាចាស់ៗឡើយ។
ក្នុងសន្និសីទសារព័ត៌មានកាលពីថ្ងៃទី២៨ ខែវិច្ឆិកា ឆ្នាំ២០២៤ លោក Conor Nester បាននិយាយថា ៖«យើងពិតជារីករាយសម្រាប់ការប្រកួតដ៏ធំនៅក្នុងពិភពបាល់ទាត់កម្ពុជា។ ខ្ញុំមានកិត្តិយសដែលបានចូលរួមការប្រកួតក្នុងនាមជាគ្រូបង្គោលក្លិបបឹងកេត។ ក្រុមកីឡាករយើងបានត្រៀមខ្លួនយ៉ាងល្អ។ យើងកំពុងរង់ចាំការប្រកួតនេះឈានចូលមកដល់»។
លោកបានរៀបរាប់ថា ៖«វាពិតជាអស្ចារ្យនៅក្នុងបាល់ទាត់គឺ រាល់ការប្រកួតថ្មីចាប់ផ្តើម កំណត់ត្រាកើតមានទាល់តែចប់៩០នាទី។ ភ្នំពេញក្រោនជាក្រុមលំដាប់កំពូល កីឡាករលំដាប់កំពូលៗ គ្រូបង្វឹកកម្រិតកំពូល យើងខ្ញុំគោរពពួកគាត់ខ្លាំងណាស់។ នៅពេលការប្រកួតចាប់ផ្តើមគឺពី ០-០ ប៉ុណ្ណោះ ការប្រកួតចាប់ផ្តើមឡើង មិនមែនមានប្រៀបព្រោះតែកំណត់ត្រាចាស់ៗនោះទេ។ យើងចាប់ផ្តើមដោយ ០-០ ដូច្នេះយើងត្រូវធ្វើឲ្យបានល្អ តាមអ្វីដែលអាចធ្វើទៅបាន»។
កាលពីជើងទី១ ក្នុងរដូវកាលនេះ បឹងកេត បានចាញ់ ភ្នំពេញក្រោន ដោយលទ្ធផល ១-២ នៅទឹកដីរបស់ភ្នំពេញក្រោន។ ប្រវត្តិជួបគ្នា២៣លើក គឺបឹងកេតឈ្នះ១១ដង ភ្នំពេញក្រោនឈ្នះ១២ដង និង និងស្មើគ្នា៣ដង៕
អត្ថបទ៖ វីរបុត្រ
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា