ព័ត៌មានអន្ដរជាតិ
ម៉ាឡេស៊ីជំរុញឱ្យក្រុមហ៊ុនចិន កុំប្រើប្រទេសខ្លួន ដើម្បីគេចពន្ធរបស់អាមេរិក
អនុរដ្ឋមន្ត្រីពាណិជ្ជកម្មម៉ាឡេស៊ី បាននិយាយនៅថ្ងៃចន្ទនេះថា ម៉ាឡេស៊ីបានជំរុញក្រុមហ៊ុនចិនឱ្យឈប់ប្រើប្រាស់ប្រទេសរបស់ខ្លួនដើម្បីជាមូលដ្ឋាន «ប្ដូរស្លាកសញ្ញា» ផលិតផល ក្នុងគោលបំណងគេចវិធានការដំឡើងពន្ធរបស់សហរដ្ឋអាមេរិក ខណៈមានក្ដីបារម្ភថាជម្លោះពាណិជ្ជកម្មអាមេរិក-ចិននឹងកាន់តែតានតឹង។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
លោករដ្ឋមន្រ្តី Liew Chin Tong បានប្រាប់វេទិកាមួយថា៖ «ប៉ុន្មានឆ្នាំមកនេះ… ខ្ញុំបានផ្តល់ដំបូន្មានដល់អាជីវកម្មជាច្រើនមកពីប្រទេសចិនកុំឱ្យវិនិយោគនៅម៉ាឡេស៊ី ប្រសិនបើពួកគេគ្រាន់តែគិតចង់ប្ដូរស្លាកសញ្ញារបស់ខ្លួនឡើងវិញតាមរយៈម៉ាឡេស៊ី ដើម្បីចៀសវាងការយកពន្ធរបស់សហរដ្ឋអាមេរិក»។
លោកមិនបានបញ្ជាក់ថាថា អាជីវកម្មទាំងនោះជាអាជីវកម្មប្រភេទណានោះទេ។
ទោះជាយ៉ាងណាក៏ដោយ ការជំរុញនេះ ធ្វើឡើងចំពេលមានសេចក្ដីរាយការណ៍ថា ទីក្រុងវ៉ាស៊ីនតោននឹងបន្ថែមការទប់ស្កាត់លើការនាំចេញទៅកាន់ក្រុមហ៊ុនផលិតឧបករណ៍ផលិតបន្ទះឈីបរបស់ចិន និងការលក់ឧបករណ៍ផលិតបន្ទះឈីបមួយចំនួន រួមទាំងឧបករណ៍ដែលផលិតនៅម៉ាឡេស៊ី សិង្ហបុរី និងតៃវ៉ាន់។
ម៉ាឡេស៊ីដើរតួយ៉ាងសំខាន់ក្នុងឧស្សាហកម្មបន្ទះឈីប ដោយរួមចំណែកប្រមាណ ១៣ ភាគរយ លើការធ្វើតេស្ត និងការវេចខ្ចប់បន្ទះឈីប ជាសកល។ កន្លងមក ម៉ាឡេស៊ីក៏បានប្ដេជ្ញាជំរុញបន្ថែមលើវិស័យនេះផងដែរ ចំពេលដែលបណ្ដាក្រុមហ៊ុនចិនធ្វើពិពិធកម្មរោងចក្រផលិតកម្មរបស់ខ្លួនទៅក្រៅប្រទេស។
លោក Liew បានបន្តថា ទោះបីជាសហរដ្ឋអាមេរិកមានរដ្ឋបាលពីគណបក្សប្រជាធិបតេយ្យ ឬសាធារណរដ្ឋក៏ដោយ អាមេរិកនឹងនៅតែបន្តដាក់ពន្ធ ដូចដែលអាមេរិកបានដាក់នៅលើបន្ទះស្រូបពន្លឺព្រះអាទិត្យ។
គួរគូសបញ្ជាក់ថា កន្លងមក អាមេរិកបានដាក់ពន្ធលើការនាំចេញបន្ទះស្រូបពន្លឺព្រះអាទិត្យពីប្រទេសវៀតណាម ថៃ ម៉ាឡេស៊ី និងកម្ពុជា ដែលភាគច្រើនទទួលបានការវិនិយោគពីក្រុមហ៊ុនចិន៕
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ