ព័ត៌មានអន្ដរជាតិ

វៀតណាមនឹងលក់បញ្ចុះតម្លៃទំនិញរហូតដល់១០០ភាគរយ រហូតដល់ចុងឆ្នាំ

បានផុស

២ years មុន

នៅ

ថ្ងៃអង្គារ ៣ ធ្នូ ២០២៤

ដោយ

ក្រសួងឧស្សាហកម្ម និងពាណិជ្ជកម្មវៀតណាម បានដាក់ឱ្យដំណើរការជាផ្លូវការនូវយុទ្ធនាការ «Vietnam Grand Sale 2024» ដែលជាយុទ្ធនាការផ្សព្វផ្សាយផលិតផលថ្នាក់ជាតិ រហូតដល់ថ្ងៃទី ៣១ ធ្នូ ២០២៤ ដើម្បីជាផ្នែកមួយនៃយន្តការជំរុញការប្រើប្រាស់ក្នុងស្រុក។ នេះបើតាមការចុះផ្សាយរបស់កាសែត Viet Nam News។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោមយុទ្ធនាការនេះ ទីភ្នាក់ងារជំរុញពាណិជ្ជកម្មវៀតណាម (VIETRADE) បានសម្របសម្រួលភ្នាក់ងារពាក់ព័ន្ធ មន្ទីរឧស្សាហកម្ម និងពាណិជ្ជកម្មខេត្ត និងក្រុង សមាគម និងអាជីវកម្មផ្សេងៗ។

មន្រ្តីរបស់ VIETRADE បាននិយាយថា យុទ្ធនាការដដែល បង្កើត «រដូវកាលពិសេស» ដែលអាជីវកម្មនៅទូទាំងឧស្សាហកម្មទាំងអស់ អាចរចនា និងអនុវត្តយុទ្ធនាការផ្សព្វផ្សាយផលិតផលផ្ទាល់ខ្លួនរបស់ពួកគេដោយឯករាជ្យ។ តាមរយៈនេះ ពួកគេអាចបញ្ចុះតម្លៃទំនិញ និងសេវាកម្មជាអតិបរមា រហូតដល់ ១០០ ភាគរយ ខណៈការកំណត់លើកមុនមានត្រឹម ៥០ ភាគរយ ប៉ុណ្ណោះ។ ជាមួយគ្នានោះ សហគ្រាសវៀតណាម ក៏មិនចាំបាច់ឆ្លងកាត់ដំណើរការជ្រើសរើស ឬអនុម័តណាមួយ ពីអាជ្ញាធររដ្ឋដើម្បីចូលរួមនោះដែរ។

ចំណែកឯមន្រ្តីក្រសួងឧស្សាហកម្ម និងពាណិជ្ជកម្មវៀតណាម វិញ បានឱ្យដឹងថា យុទ្ធនាការ «Vietnam Grand Sale 2024» មិនត្រឹមតែមានគោលបំណងលើកកម្ពស់ពាណិជ្ជកម្ម និងកសាងម៉ាកយីហោវៀតណាមប៉ុណ្ណោះទេ ប៉ុន្តែវាក៏បង្កើតឡើងដើម្បីជំរុញការចំណាយរបស់អ្នកប្រើប្រាស់ ធ្វើពិពិធកម្មការទិញទំនិញ និងជំរុញផលិតកម្មអាជីវកម្ម ព្រមទាំងរួមចំណែកដល់ការស្តារ និងអភិវឌ្ឍន៍សេដ្ឋកិច្ចជារួមផងដែរ។

គួរគូសបញ្ជាក់ថា ក្នុងរយៈពេលជាង ៤ ឆ្នាំនៃការអនុវត្តយុទ្ធនាការផ្សព្វផ្សាយផលិតផល វៀតណាមទទួលបានលទ្ធផលវិជ្ជមានជាច្រើន ដែលឆ្លុះបញ្ជាំងឱ្យឃើញតាមរយៈចំណាប់អារម្មណ៍ និងការគាំទ្រយ៉ាងខ្លាំងពីក្រុមហ៊ុន និងអ្នកប្រើប្រាស់។ នៅឆ្នាំ ២០២៣ សកម្មភាពផ្សព្វផ្សាយជិត ៧៥ ០០០ កន្លែង ត្រូវបានរៀបចំឡើង ដែលរួមចំណែកខ្លាំងដល់ការជំរុញការលក់រាយ និងកំណើនប្រាក់ចំណូលពីសេវាកម្មអតិថិជននៅខែធ្នូ ២០២៣ ប្រមាណ ៥៦៥,៨ ទ្រីលានដុង (២២,២ ប៊ីលានដុល្លារ)៕

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា