ព័ត៌មានជាតិ
កម្លាំងគណៈបញ្ជាការឯកភាពខណ្ឌទួលគោក រៀបចំសណ្ដាប់ធ្នាប់លើកំណាត់ផ្លូវ ២៣០ និងមិនអនុញ្ញាតឲ្យក្រុមអាជីវករលក់ដូររំលោភចំណីផ្លូវ
កម្លាំងគណៈបញ្ជាការឯកភាពខណ្ឌទួលគោក បានចុះចាត់វិធានការក្ដៅចំពោះក្រុមអ្នកលក់ដូរលើផ្លូវ លេខ ២៣០ ដែលរំលោភយកផ្លូវប្រកបអាជីវកម្មស្ទើរទាំងស្រុង បង្កការកកស្ទះដល់អ្នកធ្វើដំណើរ និងបាត់បង់សណ្ដាប់ធ្នាប់។
ដោយមានការណែនាំពី លោក ឃួង ស្រេង អភិបាលរាជធានីភ្នំពេញ កម្លាំងគណៈបញ្ជាការឯកភាពខណ្ឌទួលគោក ដឹកនាំផ្ទាល់ដោយ លោក ស៊ឹប សុផង់ អភិបាលរងទទួលបន្ទុកបរិស្ថានអនាម័យសណ្ដាប់ធ្នាប់សាធារណៈ នៃគណៈអភិបាលខណ្ឌទួលគោក ចុះអនុវត្តវិធានការរដ្ឋបាល មិនអនុញ្ញាតឲ្យមានការលក់ដូរនៅតាមបណ្ដោយផ្លូវលេខ ២៣០ មូលដ្ឋានសង្កាត់ផ្សារដើមគ ខណ្ឌទួលគោក រាជធានីភ្នំពេញ ដែលធ្វើឡើងកាលពីយប់រំលងអធ្រាត្រ ឈានចូលថ្ងៃទី ១៥ ខែធ្នូ ឆ្នាំ ២០២៤។
លោក ស៊ឹប សុផង់ អភិបាលរងទទួលបន្ទុកបរិស្ថានអនាម័យសណ្ដាប់ធ្នាប់សាធារណៈ នៃគណៈអភិបាលខណ្ឌទួលគោក បានឲ្យដឹងថា ពាក់ព័ន្ធនឹងបញ្ហាសណ្ដាប់ធ្នាប់នៅកំណាត់ផ្លូវលេខ ២៣០ នេះ កន្លងទៅ អាជ្ញាធរ បានចុះអប់រំណែនាំ និងចេញសេចក្ដីជូនដំណឹងជាច្រើនលើកច្រើនសាមកហើយ ប៉ុន្តែទោះជាយ៉ាងណា ក្រុមអ្នកលក់ដូរនៅផ្លូវលេខ ២៣០ មិនបានចូលរួមសហការជាមួយអាជ្ញាធរ និងមិនស្ដាប់ការណែនាំនោះឡើយ នៅតែបន្តលក់ដូររំលោភលើផ្លូវ បិទផ្លូវ ធ្វើឲ្យប៉ះពាល់បរិស្ថានអនាម័យសណ្ដាប់ធ្នាប់ជាខ្លាំង។
លោកអភិបាលរង បន្តឲ្យដឹងទៀតថា ការចុះរៀបចំកាលពីម្សិលមិញនេះ អាជ្ញាធរចុះដោយបង្ខំចិត្ត ព្រោះថាពេលអាជ្ញាធរយោគយល់ឲ្យលក់បណ្ដោះអាសន្ន ដោយរក្សាសណ្ដាប់ធ្នាប់អាចធ្វើដំណើរបាន តែក្រុមអាជីវករបែរជាលែងស្ដាប់គ្នា តាំងទំនិញលក់បិទផ្លូវតែម្ដង។ ដូច្នេះចុះរៀបចំនេះ គឺចុះចាត់វិធានការរដ្ឋបាល ដកហូតសម្ភារៈតាំងលក់លើផ្លូវ និងមិនអនុញ្ញាតឲ្យអាជីវករអ្នកប្រកបអាជីវកម្មលក់ដូរតាមបណ្ដោយផ្លូវលេខ ២៣០ នេះ បន្តលក់លើផ្លូវទៀតនោះទេ។ ករណីដែលក្រុមពួកគាត់នៅតែបន្តលក់នោះ អាជ្ញាធរ នឹងចាត់វិធានការតាមច្បាប់។
គួរបញ្ជាក់ផងដែរថា កន្លងទៅ កម្លាំងគណៈបញ្ជាការឯកភាពខណ្ឌទួលគោក បានអនុញ្ញាតឲ្យក្រុមអាជីវករដែលលក់ដូរនៅកំណាត់ផ្លូវលេខ ២៣០ លក់នាពេលយប់ ជាបណ្ដោះអាសន្ន ហើយនៅវេលាម៉ោង ៦ ព្រឹក បរិស្ថានអនាម័យ ត្រូវតែស្អាត ប៉ុន្តែពួកគាត់មិនស្ដាប់អាជ្ញាធរទេ គឺតាំងលក់ទាំងយប់ទាំងថ្ងៃ បិទផ្លូវស្ទើរទាំងស្រុងតែម្ដង៕
អត្ថបទ ៖ ម៉េង
រដ្ឋបាលខេត្តតាកែវ ចាប់ផ្តើមផ្តល់ពាក្យ និងទទួលពាក្យស្នើសុំប្រឡងចូលក្របខ័ណ្ឌមន្រ្តីពន្ធនាគារ
ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ
កីឡាការិនី យ៉ុន យ៉ើន បង្កើតប្រវត្តិផ្ទាល់ខ្លួនទៅលេងប្រទេសទី៣ក្នុងអាជីព
ជាស្រ្តីមេមាយ ចាប់អាជីពរត់ទូកដរដើម្បីរកថវិកាផ្គត់ផ្គង់ម្តាយចាស់ជរា និងកូនឱ្យបានរៀនខ្ពស់
ជម្លោះព្រំដែន៖ រដ្ឋមន្ត្រីព័ត៌មានកម្ពុជា ឱ្យសារព័ត៌មានថៃគោរពក្រមសីលធម៌ កុំបំប៉ោងព័ត៌មាន កុំធ្វើយុទ្ធសាស្ត្រទុច្ចរិត
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
ថៃ ក្រពុលមុខ រឿងចៅអធិការវត្តនិងស្រីស្នេហ៍ ទើបពន្លឿនការស៊ើបអង្កេត កុំឲ្យកាន់តែអាម៉ាស់
អ្នកស្លាប់ព្រោះភ្លៀងធ្លាក់ខ្លាំង៥ថ្ងៃជាប់គ្នានៅកូរ៉េខាងត្បូង កើនដល់ ១៤នាក់ និងបាត់ខ្លួន ១២នាក់
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៨ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ