ព័ត៌មានអន្ដរជាតិ
ត្រាំ គ្រោងប្រកាសពន្ធ ២៥ ភាគរយ លើដែកថែប និងអាល៊ុយមីញ៉ូមនាំចូលពីគ្រប់ប្រទេស
ប្រធានាធិបតីអាមេរិក លោក ដូណាល់ ត្រាំ បានឱ្យដឹងកាលពីថ្ងៃអាទិត្យថា លោកនឹងដាក់ចេញពន្ធថ្មី ២៥ ភាគរយ លើដែកថែប និងអាលុយមីញ៉ូមនាំចូលអាមេរិកពីគ្រប់ប្រទេស បន្ថែមពីលើពន្ធដែលមានស្រាប់ ក្នុងជំហានបង្កើនភាពតានតឹងពាណិជ្ជកម្មសកល។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
លោក ត្រាំ ថា លោកនឹងប្រកាសពន្ធនេះនៅថ្ងៃចន្ទ។ ទន្ទឹមនឹងនេះ លោកក៏បានអះអាងផងដែរថា លោកនឹងប្រកាស «ពន្ធសងសឹក» លើគ្រប់ប្រទេសនៅថ្ងៃអង្គារ ឬថ្ងៃពុធ ដោយនឹងដាក់វាក្នុងអត្រាពន្ធដែលគ្រប់ប្រទេសដាក់លើទំនិញសហរដ្ឋអាមេរិក។
ក្នុងចំណាត់ការពារវិធានការការពារនិយមរបស់ខ្លួន លោក ត្រាំ លើកឡើងថា៖ «ពន្ធគយនឹងធ្វើឱ្យមានការជោគជ័យជាខ្លាំងម្តងទៀត ហើយខ្ញុំគិតថាវាមានការគ្រប់គ្រងល្អ»។
គួរគូសបញ្ជាក់ថា ប្រទេសផ្គត់ផ្គង់ដែកថែម និងអាលុយមីញ៉ូមដ៏ធំបំផុតរបស់សហរដ្ឋអាមេរិក រួមមានកាណាដា ប្រេស៊ីល និងម៉ិកស៊ិក បន្ទាប់មកគឺកូរ៉េខាងត្បូង និងវៀតណាម។ នេះបើយោងតាមទិន្នន័យរបស់រដ្ឋាភិបាល និងវិទ្យាស្ថានដែក និងដែកអាមេរិក។
កាណាដាគឺជាប្រទេសផ្គត់ផ្គង់ដ៏ធំបំផុតនៃលោហៈអាលុយមីញ៉ូមសុទ្ធសម្រាប់សហរដ្ឋអាមេរិក ដែលស្មើនឹង ៧៩ ភាគរយ នៃការនាំចូលសរុបរបស់អាមេរិក ក្នុងរយៈពេល ១១ ខែដំបូង នៃឆ្នាំ ២០២៤។
ឆ្លើយតបនឹងបញ្ហានេះ រដ្ឋមន្រ្តីនវានុវត្តន៍កាណាដា លោក Francois-Philippe Champagne បានបង្ហោះនៅលើបណ្ដាញសង្គម X ថា៖ «ឧស្សាហកម្មគាំទ្រដែកថែប និងអាលុយមីញ៉ូមរបស់កាណាដា គាំទ្រវិស័យការពារជាតិ ការកសាងនាវា និងរថយន្តរបស់អាមេរិក។ យើងនឹងបន្តក្រោកឈរឡើងសម្រាប់ប្រទេសកាណាដា កម្មករ និងឧស្សាហកម្មរបស់យើង»។
គួររំឭកថា ក្នុងអាណត្តិទី១របស់ខ្លួន លោក ត្រាំ បានដាក់ពន្ធ ២៥ ភាគរយ លើដែកថែមនាំចូល និង ១០ ភាគរយ លើអាលុយមីញ៉ូម ប៉ុន្តែក្រោយមកបានផ្តល់ការលើកលែងពន្ធលើដៃគូពាណិជ្ជកម្មមួយចំនួន រួមទាំងកាណាដា ម៉ិកស៊ិក និងប្រេស៊ីល។ ម៉ិកស៊ិកគឺជាអ្នកផ្គត់ផ្គង់ដ៏ធំនៃសំណល់អេតចាយ និងអាលុយមីញ៉ូមអាលុយមីញ៉ូម៕
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ