ព័ត៌មានអន្ដរជាតិ

EU ប្រកាសសងសឹក ក្រោយពន្ធ ត្រាំ លើដែកថែប និងអាលុយមីញ៉ូម ចូលជាធរមាន

បានផុស

១ year មុន

នៅ

ថ្ងៃពុធ ១២ មីនា ២០២៥

ដោយ

សហភាពអឺរ៉ុបបានប្រកាសពន្ធសងសឹកលើទំនិញនាំចូលពីសហរដ្ឋអាមេរិក ក្រោយពេលវិធានការពន្ធ ២៥ ភាគរយ លើដែកថែប និងអាលុយមីញ៉ូមនាំចូលរបស់ប្រធានាធិបតីសហរដ្ឋអាមេរិក ដូណាល់ ត្រាំ ចូលជាធរមានជាផ្លូវការនៅថ្ងៃពុធនេះ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវិវត្តចុងក្រោយនេះ បង្ហាញពីភាពកាន់តែតានតឹងនៃសង្រ្គាមពាណិជ្ជកម្មពិភពលោក ក្រោមវិធានការពន្ធ ដែលបំផ្ទុះឡើងដោយលោក ត្រាំ ដែលកំណត់ពន្ធផលិតផលដែកថែប និងអាលុយមីញ៉ូម នាំចូលពីគ្រប់ប្រទេសទាំងអស់ រួមទាំងសម្ព័ន្តមិត្តកាណាដា សហភាពអឺរ៉ុប និងអូស្រ្តាលី ជាដើម។

សហភាពអឺរ៉ុបបានឆ្លើយតបភ្លាមៗ ដោយប្រកាសថា ខ្លួននឹងដាក់ពន្ធប្រឆាំងលើទំនិញអាមេរិកចំនួន ២៦ ប៊ីលានអឺរ៉ូ (២៨,៣៣ ប៊ីលានដុល្លារ) ដោយចូលជាធរមាននៅខែមេសា។

គណៈកម្មការអឺរ៉ុប បាននិយាយក្នុងសេចក្តីថ្លែងការណ៍ថា វិធានការសងសឹករបស់ប្លុក ត្រូវបានរៀបចំឡើងដើម្បី «ការពារអាជីវកម្មអឺរ៉ុប កម្មករ និងអ្នកប្រើប្រាស់ពីផលប៉ះពាល់នៃការរឹតបន្តឹងពាណិជ្ជកម្មដែលមិនសមហេតុផលទាំងនេះ»។

ប្រទេសកាណាដា អង់គ្លេស និងអូស្ត្រាលី ក៏បានរិះគន់វិធានការពន្ធលើទំនិញលោហៈធាតុដដែលនេះផងដែរ ដោយកាណាដាកំពុងពិចារណាពន្ធឆ្លើយតប ខណៈរដ្ឋមន្ត្រីជំនួញ និងពាណិជ្ជកម្មអង់គ្លេស លោក Jonathan Reynolds បាននិយាយថា អង់គ្លេសកំពុងគិតគូរពីជម្រើសទាំងអស់ដែលខ្លួនមាន ដើម្បីឆ្លើយតបជាប្រយោជន៍ជាតិ។

ចំណែកឯនាយករដ្ឋមន្ត្រីអូស្ត្រាលី លោក Anthony Albanese វិញ បាននិយាយថា ការដាក់ពន្ធរបស់ ត្រាំ គឺជា ទង្វើ «អយុត្តិធម៌ទាំងស្រុង និងប្រឆាំងនឹងស្មារតីនៃមិត្តភាពដ៏យូរអង្វែងរបស់ប្រទេសទាំង២»។ យ៉ាងណាមិញ លោកបញ្ជាក់ថា អូស្រ្តាលីនឹងមិនដាក់ពន្ធឆ្លើយតបនោះទេ។

លោក Albanese បានប្រាប់អ្នកយកព័ត៌មានថា៖ «ពន្ធគយ និងកំណើននៃភាពតានតឹងពាណិជ្ជកម្ម គឺជាទម្រង់នៃការប៉ះពាល់ដល់សេដ្ឋកិច្ចខ្លួនឯង និងជារូបមន្តសម្រាប់កំណើនសេដ្ឋកិច្ចយឺតយ៉ាវ និងអតិផរណាខ្ពស់។ អ្នកប្រើប្រាស់ជាអ្នកចំណាយលើបញ្ហានេះ»។

គេមើលឃើញថា កាណាដា ដែលជាប្រទេសផ្គត់ផ្គង់ដែកថែប និងអាលុយមីញ៉ូមដ៏ធំបំផុតសម្រាប់អាមេរិក នឹងទទួលរងផលប៉ះពាល់ខ្លាំងជាងគេ ហើយបន្ទាប់មកគឺប្រេស៊ីល ម៉ិកស៊ិក កូរ៉េខាងត្បូង និងវៀតណាម ជាដើម។ ចិន ដែលជាប្រភពផ្គត់ផ្គង់អាលុយមីញ៉ូម និងផលិតអាលុយមីញ៉ូម ធំបំផុតទី២ របស់អាមេរិក ក៏រំពឹងពីផលប៉ះពាល់ផងដែរ ក៏ប៉ុន្តែ ប្រទេសនេះបានទទួលរងនូវវិធានការពន្ធពីមុនរួចមកហើយ៕

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា