ក្រៅពីសង្ក្រាន្ត ខេត្តរតនគិរី នឹងមានកម្មវិធីរត់ប្រណាំងម៉ារ៉ាតុងដើម្បីអបអរពិធីបុណ្យចូលឆ្នាំខ្មែរ

រដ្ឋបាលខេត្តរតនគិរី មិនត្រឹមតែរៀបចំសង្គ្រាន្តឆ្នាំថ្មី ២០២៥ មន្ទីរវប្បធម៌ វិចិត្រសិល្បៈខេត្ត នោះទេ នោះទេ ក្នុងឱកាសពិធីបុណ្យចូលឆ្នាំខ្មែរខាងមុខ ក៏មានការរត់ប្រណាំងពាក់កណ្តាលម៉ារ៉ាតុង នៅត្រង់គ្រួសារដំរីផងដែរ។ ការរត់ម៉ាតុងនេះក៏ជាផ្នែកមួយក្នុងចំណោមការកម្សាន្តរបស់យុវជនខេត្តរតនគិរី ដើម្បីសុខភាពផង និងការសប្បាយរីករាយ នៅថ្ងៃបុណ្យដ៏រីករាយនេះ។

កម្មវិធីនេះ ផ្តួចផ្តើមឡើងដោយអនុគណៈកម្មការរៀបចំសិល្បៈ កីឡា ល្បែងប្រជាប្រិយ និងតាំងពិព័រណ៌ បានអំពាវនាវទៅដល់សាធារណជន ដែលមានបំណងចង់រត់លេងកម្សាន្តនេះ រួមចំណែកសកម្មភាព ដើម្បីអបអរសាទរក្នុង ពីធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងប្រព្រឹត្តទៅរយៈពេល ៣ថ្ងៃ គឺចាប់ពីថ្ងៃទី១៤ ទី១៥ និងទី១៦ ខែមេសា ខាងមុខនេះ ។

ដោយឡែកកម្មវិធីរត់ប្រណាំងពាក់កណ្តាលម៉ារ៉ាតុង គឺមានរយៈពេលតែមួយថ្ងៃគត់ ពីថ្ងៃទី១២ ខែមេសា ឆ្នាំ២០២៥ ចាប់ពីម៉ោង ៨៖០០ព្រឹក តទៅ ដែលមានទីតាំងចាប់ផ្តើមនៅចំណុច រូបសំណាក់គ្រួសារដំរី ស្ថិតនៅមាត់បឹងកន្សែង សង្កាត់បឹងកន្សែង ក្រុងបានលុង ខេត្តរតនគិរី។

ភ្ញៀវជាតិនិងអន្តរជាតិចង់ចូលរួមចុះឈ្មោះ នៅមុនពេលថ្ងៃរត់ប្រណាំងមកដល់ អាចទៅស្វែងរកពាក្យសុំចុះឈ្មោះ ចូលរួមរត់ប្រណាំងពាក់កណ្តាលម៉ារ៉ាតុង នៅ Page Facebook ផ្លូវការ រដ្ឋបាលរដ្ឋបាលខេត្តរតនគិរី៕

អត្ថបទ៖ ខៀវ ចាប