ព័ត៌មានអន្ដរជាតិ

ទីក្រុង Yangon ប្រទេសមីយ៉ាន់ម៉ាលុបចោលការប្រារព្ធពិធីបុណ្យចូលឆ្នាំថ្មី ក្រោយរងគ្រោះរញ្ជួយដី

បានផុស

១ year មុន

នៅ

ថ្ងៃពុធ ៩ មេសា ២០២៥

ដោយ

ទីក្រុង Yangon នៃប្រទេសមីយ៉ាន់ម៉ាសម្រេចលុបចោលការប្រារព្ធពិធីបុណ្យចូលឆ្នាំថ្មី ដើម្បីរៀបចំការកាន់ទុក្ខជាតិចំពោះជនរងគ្រោះដោយសាររញ្ជួយដីដ៏ធ្ងន់ធ្ងរដែលបានវាយប្រហារកាលពីថ្ងៃទី២៨ខែមីនា។ នេះបើយោងតាមការចេញផ្សាយរបស់ Eleven Media Group កាលពីថ្ងៃទី០៨ខែមេសា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបានរុះរើរោងដែលត្រៀមរៀបចំពិធីបុណ្យចូលឆ្នាំថ្មី នៅមុខសាលាក្រុង Yangon និងតាមបណ្តោយសួនច្បារ Maha Bandula ដោយលុបចោលការប្រារព្ធពិធីជាសាធារណៈដែលបានគ្រោងទុកនៅទីតាំងទាំងនោះ ក្រោយប្រទេសជួបទុក្ខដោយសាររញ្ជួយដីដ៏អាក្រក់។

កាលពីថ្ងៃទី១ខែមេសា ក្រុមប្រឹក្សារដ្ឋបាលរដ្ឋ (SAC) បានប្រកាសថា ពិធីបុណ្យចូលឆ្នាំថ្មី (Thingyan Festival) ឆ្នាំនេះ នឹងប្រព្រឹត្តទៅដោយស្ងប់ស្ងាត់តាមទំនៀមទម្លាប់វប្បធម៌ប្រពៃណី ដោយមិនមានការច្រៀងរាំ ឬការកម្សាន្តសប្បាយឡើយ ដោយសារតែប្រទេសជាតិមានការកាន់ទុក្ខបន្ទាប់ពីគ្រោះរញ្ជួយដីដ៏មហន្តរាយ។ ទោះយ៉ាងណាប្រសិនបើប្រជាជនចង់លេងកម្សាន្តក្នុងពិធីនោះ ពួកគេអាចធ្វើបានជាលក្ខណៈឯកជន។

SAC បានកត់សម្គាល់ថា ការរញ្ជួយដីបានបណ្តាលឱ្យមានអ្នកស្លាប់និងការខូចខាតយ៉ាងធ្ងន់ធ្ងរនៅតំបន់ជាច្រើនដូចជាទីក្រុង Naypyidaw, Sagaing, Bago, Magway, Mandalay និងរដ្ឋ Shan។ យោងតាមសមាគមសំឡេងប្រជាធិបតេយ្យភូមា (DVB) ចំនួនអ្នកស្លាប់ក្នុងគ្រោះរញ្ជួយដីកម្រិត៧.៧រ៉ិចទ័របានកើនដល់លើស៤ពាន់នាក់ និងរាប់សិបនាក់ទៀតនៅតែបាត់ខ្លួនក្រោមគំនរបាក់បែក ខណៈប្រតិបត្តិការស្រង់សាកសពដែលមានការជួយពីក្រុមនជួយសង្គ្រោះមកពីប្រទេសផ្សេងៗនៅតែបន្តនៅឡើយ។

គួរបញ្ជាក់ថា ពិធីបុណ្យ Thingyan ហៅម្យ៉ាងទៀតថា ចូលឆ្នាំមីយ៉ានម៉ា គឺជាពិធីបុណ្យដែលតែងតែប្រារព្ធឡើងនៅពាក់កណ្តាលខែមេសាក្នុងរយៈពេលពី៤ទៅ៥ថ្ងៃ។ ពិធីបុណ្យនេះ ត្រូវបានគេចាត់ទុកជាថ្ងៃឈប់សម្រាកសាធារណៈនៅទូទាំងប្រទេសមីយ៉ាន់ម៉ា ហើយការប្រោះទឹកឬជះទឹកដាក់គ្នា គឺជាល្បែងដ៏សំខាន់មួយដែលគេលេងកម្សាន្ត និងជានិមិត្តរូបនៃការលាងជម្រះអំពើបាប និងសំណាងអាក្រក់ ដើម្បីទទួលស្វាគមន៍ឆ្នាំថ្មីដោយការចាប់ផ្តើមថ្មី៕

អត្ថបទ៖ ប៊ុន សុភាព

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា