ព័ត៌មានអន្ដរជាតិ

ចិន ឆ្លើយតបរឿងដែលអ៊ុយក្រែនចាប់បានជនជាតិចិន២នាក់ដែលប្រយុទ្ធឲ្យរុស្ស៊ី

បានផុស

១ year មុន

នៅ

ថ្ងៃពុធ ៩ មេសា ២០២៥

ដោយ

Chheang

ប្រទេសចិន បានប្រកាសនៅថ្ងៃពុធទី៩ខែមេសានេះថា ខ្លួនកំពុងធ្វើការជាមួយអ៊ុយក្រែន ដើម្បីផ្ទៀងផ្ទាត់របាយការណ៍ដែលថា ពលរដ្ឋចិន២នាក់ត្រូវបានចាប់ខ្លួនលើសមរភូមិប្រយុទ្ធឲ្យកងទ័ពរុស្ស៊ីនៅក្នុងតំបន់ Donetsk។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការបរទេសចិន បានប្រាប់អ្នកយកព័ត៌មានថា៖ «ប្រទេសចិនកំពុងផ្ទៀងផ្ទាត់ព័ត៌មានជាមួយភាគីអ៊ុយក្រែន។ ខ្ញុំសូមសង្កត់ធ្ងន់ថា រដ្ឋាភិបាលចិនតែងតែស្នើជនជាតិចិននៅឲ្យឆ្ងាយពីតំបន់ជម្លោះប្រដាប់អាវុធ ជៀសវាងការពាក់ព័ន្ធក្នុងទម្រង់ណាមួយនៅក្នុងជម្លោះប្រដាប់អាវុធ និងជាពិសេសជៀសវាងការចូលរួមក្នុងប្រតិបត្តិការយោធារបស់ភាគីណាមួយ»។

កាលពីថ្ងៃអង្គារ ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បាននិយាយថា កងកម្លាំងរបស់លោកបានចាប់ខ្លួនបុរសជនជាតិចិនទាំង២នាក់ ហើយថា ទីក្រុងកៀវកំពុងស្វែងរកការពិតពីទីក្រុងប៉េកាំង។ លោក ហ្សេលេនស្គី បានបញ្ជាក់ថា ពលរដ្ឋចិនដែលត្រូវបានចាប់ខ្លួន ឥឡូវនេះកំពុងស្ថិតក្នុងមន្ទីរឃុំឃាំងរបស់ភ្នាក់ងារសន្តិសុខអ៊ុយក្រែន ខណៈសកម្មភាពស៊ើបអង្កេត និងប្រតិបត្តិការពាក់ព័ន្ធកំពុងបន្ត។

ចំណែកឯក្រសួងការបទេសអាមេរិក បានលើកឡើងថា ខ្លួនពិតជាមិនពេញចិត្តចំពោះរបាយការណ៍មួយនេះទេ ហើយបានហៅចិនថាជាអ្នកជួយដ៏ធំរបស់រុស្ស៊ីនៅក្នុងសង្គ្រាមលុកលុយអ៊ុយក្រែន៕

ដោយ៖ ឈាង

ចុចអាន៖ អ៊ុយក្រែន ចាប់បានជនជាតិចិន ២នាក់ ដែលប្រយុទ្ធឲ្យរុស្ស៊ី នៅ Donetsk

Related Topics:សង្គ្រាមរុស្ស៊ី-អ៊ុយក្រែន ប្រទេសចិន

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា