កីឡា

សិស្សប្អូន ធន់ រិទ្ធី ជឿជាក់លើរៀមច្បងក្នុងការប្រកួតនៅសហរដ្ឋអាមេរិកថ្ងៃទី១៣ មេសា

បានផុស

១ year មុន

នៅ

ថ្ងៃពុធ ៩ មេសា ២០២៥

ដោយ

កីឡាករ ធន់ សាក់ស៊ីន ដែលជាសិស្សប្អូន ធន់ រិទ្ធី ថារូបគេជឿជាក់លើរៀមច្បងថានឹងធ្វើបានល្អនៅជំនួបមិត្តភាពលើទឹកដីសហរដ្ឋអាមេរិក នៅថ្ងៃទី១៣ ខែមេសា ឆ្នាំ២០២៥ ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ធន់ សាក់ស៊ីន

ធន់ សាក់ស៊ីន បានឲ្យដឹងថា ខ្លួនពិតជាមានជំនឿចិត្តខ្ពស់លើរៀមច្បង ធន់ រិទ្ធី នឹងធ្វើបានល្អក្នុងការប្រកួតនៅសហរដ្ឋអាមេរិកនេះ។ ដោយសារតែមើលឃើញពីការខំប្រឹងប្រែងហ្វឹកហាត់ទ្វេដង និងខុសប្លែកពីការត្រៀមខ្លួនមុនៗ។

លើកនេះរៀមច្បង ធន់ រិទ្ធី យកចិត្តទុកដាក់ និងផ្ដោតខ្លាំង ដូច្នេះហើយធ្វើឲ្យខ្លួនគិតថានឹងធ្វើបានល្អ ឬទទួលបានជ័យជម្នះក្នុងការប្រកួតដ៏សំខាន់លើទឹកដីសហរដ្ឋអាមេរិកដែលប្រជាជនកម្ពុជាកំពុងទន្ទឹងរង់ចាំពេលនោះមកដល់ឆាប់ៗ។

ធន់ រិទ្ធី ពេលនៅខ្មែរ

បញ្ជាក់ដែរថា នេះជាប្រវត្តិសាស្ត្រហើយសម្រាប់គុនខ្មែរដែលបានទៅប្រកួតលើទឹកដីសហរដ្ឋអាមេរិកដើម្បីបង្ហាញផ្សព្វផ្សាយដល់ប្រជាពលរដ្ឋនៅទីនោះ។ កន្លងទៅមានកីឡាករខ្មែរ ថ្នាក់ដឹកនាំ និងគ្រូគុនខ្មែរមួយចំនួនដែរទៅសហរដ្ឋអាមេរិក ប៉ុន្តែក្នុងនាមបង្ហាត់បង្ហាញ ឬធ្វើការផ្សព្វផ្សាយប៉ុណ្ណោះ។ លើកនេះកីឡាករគុនខ្មែរ ៣រូបរួមមាន រឿង សោភ័ណ្ឌ ធន់ រិទ្ធី ពេជ្រ សម្បត្តិ និងកីឡាការិនី អេ យ៉ានុត នឹងត្រូវប្រកួតនៅទីនោះ៕