កីឡា

ក្ដីស្រឡាញ់ចំបាប់ខ្លាំង លោក ព្រិន ពៅ តស៊ូបង្ហាត់សិស្សឲ្យបន្តវេននៅស្រុមភូមិ

បានផុស

១ year មុន

នៅ

ថ្ងៃពុធ ៩ មេសា ២០២៥

ដោយ

គ្រូបង្ហាត់ចំបាប់ជើងចាស់មកពីខេត្តពោធិ៍សាត់ ព្រិន ពៅ ដែលចិត្តស្រឡាញ់ទើបជំរុញឲ្យលោកតែបន្តបង្ហាត់សិស្ស បណ្ដុះធនធាន ក្រៅពីការងារធ្វើស្រែចម្ការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ព្រិន ពៅ

លោក ព្រិន ពៅ បានឲ្យដឹងថា ចំពោះកីឡាចំបាប់នេះលោកស្រឡាញ់ចូលចិត្តខ្លាំង បើទោះជារវល់ការងារធ្វើស្រែចម្ការយ៉ាងណាក្ដី។ ប្រសិនបើលោកមិនឆ្លៀតបង្ហាត់ក្មេងៗជំនាន់ក្រោយទេ កីឡាចំបាប់នៅតំបន់លោកនោះអាចនឹងបាត់បង់ និងមិនមានធនធានសម្រាប់បន្ត។

ក្លឹបមកពីពោធិ៍សាត់

គ្រូបង្ហាត់ពោរពេញដោយបទពិសោធខាងលើបន្ថែមទៀតថា កីឡាចំបាប់នេះមានការពេញនិយមខ្លាំងនៅស្រុកកណ្ដៀង ពោលឲ្យតែមានបុណ្យទានពិសេស បុណ្យកឋិនទាន រាល់ឆ្នាំ ប្រជាពលរដ្ឋតែងតែប្រជុំគ្នាប្រកួតសាកល្បងសមត្ថភាពគ្នា។ ដូច្នេះហើយទើបលោកជាប់ចិត្ត និងជាទម្លាប់ប្រពៃណីមួយដែលអ្នកស្រុកភូមិតែងលេងកម្សាន្តជាប្រចាំ។

ទិដ្ឋភាពប្រកួត

លោក ព្រិន ពៅ ជាគ្រូបង្វឹកក្លឹបចំបាប់នៅក្លិបព្រះធាតុ និងក្លិបចំបាប់ឃ្លាំងមឿង ដែលក្លិបទាំងពីរនេះមកពីខេត្តពោធិ៍សាត់ហើយបានចូលរួមការប្រកួតជើងឯកយុវជន លើកទី២ ឆ្នាំ២០២៥ នៅរាជធានីភ្នំពេញ។ មិនធម្មតាឡើយក្លិបចំបាប់ព្រះធាតុ ជាប់លេខ១ ឈ្នះមេដាយមាសច្រើនជាងគេគឺ មាស៣ និងសំរឹទ្ធ១ ខណៈក្លិបមួយទៀតនោះគឺឈរលេខ៤ ដោយបានឈ្នះមាស១ និងប្រាក់២។ សរុបទាំងពីរក្លិបនេះខេត្តពោធិ៍សាត់ឈ្នះមេដាយសរុប ៧គ្រឿងគឺ មាស៤ ប្រាក់២ និងសំរិទ្ធ១៕

អត្ថបទដោយ៖ នួន ស៊ីណា

Related Topics:កីឡាចំបាប់