ព័ត៌មានជាតិ
ឆ្នាំ២០២៥ កម្ពុជានឹងកាន់តែជិតបង្កើយទៅទ្វីបអឺរ៉ុប ដោយការតភ្ជាប់ជើងហោះហើរទៅប្រទេសតួកគី
ក្នុងជំនួបពិភាក្សាការងារជាមួយលោកជំទាវ ÜLKÜ KOCAEFE ឯកអគ្គរដ្ឋទូតវិសាមញ្ញ និងពេញសមត្ថភាពរបស់សាធារណរដ្ឋតួកគីយ៉េប្រចាំកម្ពុជា រដ្ឋមន្រ្តីក្រសួងទេសចរណ៍កម្ពុជា បានធ្វើការផ្លាស់ប្តូរយោបល់សម្រាប់ការចាប់ផ្តើមជើងហោះហើរត្រង់ និងផ្ទាល់លើកដំបូងពីទីក្រុងអ៊ីស្តាន់ប៊ុលនៅទ្វីបអឺរ៉ុបមកកាន់កម្ពុជានៅពេលខាងមុខ ដែលនឹងជួយជំរុញដល់ការធ្វើដំណើររបស់ប្រជាជន និងការបំពេញតម្រូវការតភ្ជាប់ភ្ញៀវទេសចររវាងប្រទេសទាំងពីរ។
រដ្ឋមន្រ្តីក្រសួងទេសចរណ៍កម្ពុជា លោក ហួត ហាក់ បានថ្លែងថា តាមរយៈការតភ្ជាប់ជើងហោះហើរដោយត្រង់ជាលើកដំបូងនេះ នឹងជួយទាក់ទាញទេសចរតួកគី និងអន្តរជាតិកាន់តែច្រើនមកទស្សនាប្រទេសកម្ពុជា ស្របពេលដែលប្រទេសកម្ពុជាកំពុងបង្កើនការផ្សព្វផ្សាយឱ្យទូលំទូលាយពីយុទ្ធនាការរដូវកាលបៃតង (Green Season) ដើម្បីទាក់ទាញទេសចរមកកម្សាន្តឲ្យបានច្រើននៅគ្រប់រដូវកាល។
ប្រទេសកម្ពុជានឹងមានការតភ្ជាប់ជើងហោះហើរត្រង់ពីទីក្រុងអ៊ីស្តាន់ប៊ុល ដែលស្ថិតនៅលើទ្វីបពីរគឺអឺរ៉ុប និងអាស៊ីមកកាន់ប្រទេសកម្ពុជាជាលើកដំបូងនៅថ្ងៃទី១០ ខែធ្នូ ឆ្នាំ២០២៥។
បើយោងតាមសេចក្តីប្រកាសព័ត៌មានរបស់ក្រុមហ៊ុនអាកាសចរណ៍ Turkish Airlines ការពង្រីកទិសដៅថ្មីមកកម្ពុជា នឹងធ្វើឲ្យកម្ពុជាក្លាយជាប្រទេសទី ៧ ក្នុងតំបន់អាស៊ីអាគ្នេយ៍ ហើយដែលទីក្រុងភ្នំពេញនឹងក្លាយជាទីក្រុងទី១១ ក្នុងតំបន់។ តាមរយៈក្រុមហ៊ុនអាកាសចរណ៍តួកគីដែលបើកជើងហោះហើរមកទីក្រុងភ្នំពេញ នឹងពង្រីកបណ្តាញគោលដៅរបស់ក្រុមហ៊ុនទៅកាន់ទីក្រុងចំនួន ២០ និងអាកាសយានដ្ឋានចំនួន ២១ នៅលើពិភពលោក៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ៦ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព