ព័ត៌មានជាតិ
រដ្ឋបាលខណ្ឌឫស្សីកែវ បន្តចុះរៀបចំសណ្ដាប់ធ្នាប់ និងចាត់វិធានការរដ្ឋបាល ចំពោះអ្នកមិនគោរពការណែនាំ
កាលពីព្រឹកថ្ងៃទី ២៦ ខែឧសភា ឆ្នាំ ២០២៥ នេះ កម្លាំងសណ្ដាប់ធ្នាប់ខណ្ឌឫស្សីកែវ ដោយមានការអនុញ្ញាតពី លោក ជិន ប៊ុនធឿន ដឹកនាំដោយ លោក នុត វី ប្រធានសណ្ដាប់ធ្នាប់រដ្ឋបាលខណ្ឌឫស្សីកែវ បានបន្តដឹកនាំកម្លាំងចុះរៀបចំសណ្ដាប់ធ្នាប់ អនាម័យបរិស្ថាន របៀបរៀបរយ តាមបណ្ដោយផ្លូវសាធារណៈក្នុងមូលដ្ឋាន។
លោក នុត វី ប្រធានសណ្ដាប់ធ្នាប់ខណ្ឌ បានឱ្យដឹងថា ការចុះរៀបចំសណ្ដាប់ធ្នាប់នេះ ស្ថិតនៅតាមបណ្តោយផ្លូវជាតិ ៥ សង្កាត់ច្រាំងចំរេះ គីឡូម៉ែត្រលេខ ៩ តំបន់ យឿត្រី។ ក្រុមការងារបានណែនាំដល់ប្រជាពលរដ្ឋ អាជីវករលក់ដូរ ហាលត្រីងៀត ការដាក់តាំងស្លាកយីហោ កន្លែងចតរថយន្ត ម៉ូតូសណ្តោងរ៉ឺម៉ក ឱ្យបញ្ឈប់ការយកចិញ្ចើមផ្លូវសាធារណៈមកធ្វើជាប្រយោជន៍ផ្ទាល់ខ្លួន។ ការមានសណ្ដាប់ធ្នាប់ របៀបរៀបរយ លុះត្រាតែយើងម្នាក់ចូលរួមសហការជាមួយអាជ្ញាធរ ស្តាប់ការណែនាំ គឺជាការបំពេញភារកិច្ចដើម្បីឱ្យសោភ័ណភាព នៃទីក្រុង និងសុវត្ថិភាពសាធារណៈ។ ហើយកម្លាំងនឹងបន្តចាត់វិធានការយ៉ាងតឹងរ៉ឹងចំពោះអ្នកមិនគោរពនូវបទបញ្ញត្តិ និងការណែនាំពីអាជ្ញាធរ។
អ្នកស្រី ហាស់ ណូហ្សាយ៉ា ជនជាតិខ្មែរ-ឥស្លាម ជាអាជីវកលក់ត្រីងៀតហាល បានឱ្យដឹងថា អ្នកស្រីនឹងចូលរួមសហការជាមួយអាជ្ញាធរ ហើយក៏សូមអរគុណដល់អាជ្ញាធរ ដែលបានចុះណែនាំដល់អ្នកលក់ដូរ ដើម្បីឱ្យចូលអនុវត្តស្មើៗ គ្នា។
តាងនាមរដ្ឋបាលខណ្ឌ សូមស្នើឱ្យប្រជាពលរដ្ឋទាំងអស់ ចូលរួមសហការជាមួយអាជ្ញាធរ ដោយមិនត្រូវដាក់តាំងរបស់របរលក់ដូរ ឬយកផ្លូវសាធារណៈមកធ្វើជាប្រយោជន៍ផ្ទាល់ខ្លួនតទៅទៀតឡើយ។ ក្នុងករណីមិនចូលរួមសហការ ហើយនៅតែបន្តយកផ្លូវសាធារណៈមកដាក់តាំងលក់របស់របរដោយគ្មានសណ្ដាប់ធ្នាប់ រដ្ឋបាលខណ្ឌ នឹងអនុវត្តវិធានការរដ្ឋបាល៕
អត្ថបទ ៖ សំណាង
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា