កីឡា

ជើងឯកបាល់ទះនារីពិភពលោក Volleyball Nations League ចាប់ផ្តើមថ្ងៃនេះ

បានផុស

៤៤ នាទីutes មុន

នៅ

ថ្ងៃពុធ ៤ មិថុនា ២០២៥

ដោយ

ការប្រកួតកីឡាបាល់ទះនារី ជើងឯកពិភពលោក Volleyball Nations League ឆ្នាំ២០២៥ ចាប់ផ្តើមនៅថ្ងៃទី៤ ខែមិថុនានេះ ដោយមានក្រុមទាំងអស់ចំនួន១៨ដែលសុទ្ធតែជ្រើសរើសក្រុមជម្រើសជាតិនារីខ្លាំងៗមកពីទូទាំងពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតមាន២ដំណាក់កាលគឺ ទី១ ការប្រកួតវិលជុំសន្សំពិន្ទុដែលមាន៩សប្តាហ៍ គិតចាប់ពីថ្ងៃទី៤ ខែមិថុនា ដល់ថ្ងៃទី១៣ ខែកក្កដា ឆ្នាំ២០២៥។ ក្រុមដែលមានពិន្ទុខ្ពស់ជាងគេចំនួន៧ និងម្ចាស់ផ្ទះ ប៉ូឡូញ បានឡើងទៅជុំចុងក្រោយដែលជាដំណាក់កាលទី២។ បើទោះជា ប៉ូឡូញ មិនជាប់ក្នុងចំណោមក្រុមលំដាប់កំពូលទាំង៧ ក៏នៅតែឡើងទៅជុំចុងក្រោយ ក្នុងនាមជាម្ចាស់ផ្ទះ។

ការប្រកួតវគ្គ៨ក្រុមចុងក្រោយ ពោលគឺក្រុមឈ្នះឡើង ខណៈក្រុមចាញ់ធ្លាក់ ចាប់ពីថ្ងៃទី២៣ ដល់ទី២៧ ខែកក្កដា ឆ្នាំ២០២៥។

ជ័យលាភីសម្រាប់ឆ្នាំ២០២៥ មានម្ចាស់មេដាយមាស ម្ចាស់មេដាយប្រាក់ និងម្ចាស់មេដាយសំរិទ្ធ ព្រមទាំងជ័យលាភីឯកត្តជនចំនួន៦ផ្សេងទៀតគឺ កីឡាការិនីល្អប្រចាំព្រឹត្តិការណ៍ អ្នកប៉ះសេឆ្នើម លីប៊ើរ៉ូឆ្នើម អ្នកបិទបាំងកណ្តាលឆ្នើម អ្នកវាយផ្តាច់ស្តាំឆ្នើម និងអ្នកវាយផ្តាច់ឆ្វេងឆ្នើម។

ក្រុមជើងឯកទទួលបានប្រាក់រង្វាន់១លានដុល្លារ លេខ២ទទួលបាន៥០ម៉ឺនដុល្លារ លេខ៣ទទួលបាន៣០ម៉ឺនដុល្លារ ហើយចាប់ពីលេខ៤ ដល់៨ក៏ទទួលបានប្រាក់រង្វាន់ពី១៨ម៉ឺនដុល្លារ ដល់៤ម៉ឺនដុល្លារអាមេរិក។

គូប្រកួតនៅថ្ងៃទី៤ ខែមិថុនា មាន៖