ព័ត៌មានអន្ដរជាតិ
អាជីវកម្មម៉ាឡេស៊ីខ្វល់ពីផលប៉ះពាល់ពន្ធ ត្រាំ ខណៈការពន្យារជិតផុតកំណត់
ខណៈការពន្យារពេលអនុវត្តពន្ធបដិការនឹងផុតកំណត់នៅក្នុងរយៈពេល ១ ខែទៀត ក្រុមហ៊ុនអាជីវកម្មសម្រាប់ការនាំចេញរបស់ម៉ាឡេស៊ី បានសម្ដែងការព្រួយបារម្ភថា ពួកគេនឹងរងផលប៉ះពាល់យ៉ាងអវិជ្ជមាន ប្រសិនបើរដ្ឋាភិបាលខ្លួនបរាជ័យក្នុងការចរចាទម្លាក់ពន្ធ ២៤ ភាគរយ លើទំនិញម៉ាឡេស៊ី។ នេះបើតាមការចុះផ្សាយរបស់កាសែតក្នុងស្រុក The Star។
ប្រធានសហព័ន្ធក្រុមហ៊ុនផលិតម៉ាឡេស៊ី (FMM) លោក Tan Sri Soh Thian Lai បានព្រមានថា សម្ពាធពន្ធ អាចបង្ខំក្រុមហ៊ុនមួយចំនួន ជាពិសេសក្រុមហ៊ុននៅក្នុងវិស័យដែលងាយរងគ្រោះដោយបម្រែបម្រួលនៃការចំណាយ និងពាក់ព័ន្ធផលិតកម្មសម្រាប់ការនាំចេញទៅសហរដ្ឋអាមេរិក ឱ្យកាត់បន្ថយប្រតិបត្តិការរបស់ខ្លួន។
លោកបានបន្តថា ឥទ្ធិពលរួមគ្នានៃការកាត់បន្ថយការបញ្ជាទិញ ការធ្លាក់ចុះនៃប្រាក់ចំណេញ និងសម្ពាធចំណាយដែលបន្តអូសបន្លាយ អាចមានផលប៉ះពាល់យ៉ាងធ្ងន់ធ្ងរសម្រាប់ឧស្សាហកម្មដែលពឹងផ្អែកលើការនាំចេញរបស់ម៉ាឡេស៊ី។
សមាជិកជាន់ខ្ពស់ក្រុមប្រឹក្សាសកម្មភាពសេដ្ឋកិច្ចម៉ាឡេ លោក Ahmad Yazid Othman បាននិយាយថា ជាគោលការណ៍ ជំហររបស់ក្រុមប្រឹក្សានេះគឺថា ម៉ាឡេស៊ីត្រូវតែទទួលយកពន្ធគយ ដែលនឹងត្រូវអនុវត្ត។ លោកបានបន្តថា៖ «យើងសង្ឃឹមថារដ្ឋាភិបាលនឹងចាត់វិធានការបន្ថែមទៀត ដើម្បីជំរុញការប្រើប្រាស់ក្នុងស្រុក ហើយត្រូវត្រៀមខ្លួនថា ពន្ធនឹងកើនឡើង»៕
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ