កីឡា

លោក កែវ រ៉េមី បណ្ដុះស្មារតីយុវជនឲ្យស្រឡាញ់កីឡា និងជៀសឲ្យផុតពីបងតូច-បងធំ

បានផុស

១៩ នាទីutes មុន

នៅ

ថ្ងៃចន្ទ ៩ មិថុនា ២០២៥

ដោយ

ប្រធានសហព័ន្ធតេក្វាន់ដូ ITF បណ្ដុះស្មារតីយុវជនដែលមកចូលរួមបិទការប្រកួតជើងឯកកីឡាមធ្យមសិក្សាថ្ងៃមិញនេះឲ្យឆ្លៀតហ្វឹកហាត់កីឡាដើម្បីមានសុខភាពល្អ និងជៀសឲ្យផុតពីការដើរលេងបងតូច-បងធំ បង្ហោះម៉ូតូជាដាច់ខាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កែវ រ៉េមី

លោក កែវ រ៉េមី បានលើកឡើងទៅកាន់យុវជនដែលមកចូលរួមក្នុងពិធីខាងលើកាលពីថ្ងៃមិញនេះថា កីឡាធ្វើឲ្យម្នាក់ៗមានសុខភាព រាងកាយមាំមួន ប្រាជ្ញាឈ្លាសវៃ។ កីឡាធ្វើឲ្យម្នាក់ៗមានវិន័យ និងចេះសាមគ្គីគ្នា ដូច្នេះគ្រប់គ្នាគួរចាប់ហ្វឹកហាត់កីឡាដែលខ្លួនស្រឡាញ់ ឬហ្វឹកហាត់តេក្វាន់ដូ ITF ដូចអ្នកដែលប្រកួតនេះរឹតតែល្អ។

ទិដ្ឋភាពបិទការប្រកួត

ហាត់កីឡាធ្វើឲ្យមានកិត្តិយស និងជៀសវាងការដើរលេងអត់ប្រយោជន៍បង្កចលាចលបងតូច-បងធំនាំឲ្យដល់ការប៉ះពាល់ដល់សង្គមជាតិ។ ហេតុដូចនេះហើយយុវជនទាំងអស់ត្រូវធ្វើខ្លួនជាពលរដ្ឋល្អ និងចាប់ហាត់កីឡាទាំងអស់គ្នា។

ទិដ្ឋភាពបិទការប្រកួត

បញ្ជាក់ដែរថា ការប្រកួតជើងឯកកីឡាសិស្សមធម្យសិក្សាឆ្នាំ២០២៥ ដំណើរការចាប់ពីថ្ងៃទី៦ ដល់ ១៤ ខែមិថុនា នៅរាជធានីភ្នំពេញ។ ការប្រកួតនេះមាន១៤ប្រភេទកីឡាត្រូវប្រកួតប្រជែង។ កីឡាតេក្វាន់ដូ ITF ក៏បានដាក់ឲ្យប្រកួតប្រជែងផងដែរចាប់ពីថ្ងៃទី៦ ដល់ ៩ ខែមិថុនា ឆ្នាំ២០២៥។ សហព័ន្ធបានធ្វើពិធីបិទបញ្ចប់ទៅហើយកាលពីរសៀលថ្ងៃមិញនេះក្រោមអធិបតីភាពលោក កែវ រ៉េមី ប្រធានសហព័ន្ធ និងថ្នាក់ដឹកនាំ សិស្សានុសិស្សជាច្រើននាក់៕