ព័ត៌មានអន្ដរជាតិ
ថ្ងៃ៩ខែកក្កដា! ផែនដីវិលលឿន ធ្វើឲ្យថ្ងៃខ្លីបំផុតជាប្រវត្តិសាស្រ្ត
ក្រុមអ្នកវិទ្យាសាស្រ្តរកឃើញថា នៅថ្ងៃពុធទី៩ខែកក្កដាឆ្នាំ២០២៥ ផែនដីវិលលឿនជាងធម្មតា ដែលធ្វើឲ្យថ្ងៃនេះ ក្លាយជាថ្ងៃខ្លីបំផុតមិនធ្លាប់មានសោះ។

ជាធម្មតាផែនដីចំណាយពេល២៤ម៉ោង ឬ ៨៦ ៤០០វិនាទី ដើម្បីបញ្ចប់ការរង្វិលមួយជុំ។ យ៉ាងណា នៅថ្ងៃទី៩ខែកក្កដា ផែនដីនឹងរង្វិលលឿនជាងមុន ធ្វើឲ្យថ្ងៃនេះ ខ្លីជាងថ្ងៃធម្មតាប្រមាណ ១.៣០ មិល្លីវិនាទី មិនធ្លាប់មានសោះក្នុងប្រវត្តិសាស្រ្ត។
ទោះបីជាយ៉ាងណាក៏ដោយ អ្នកវិទ្យាសាស្រ្តនៅតែមិនទាន់ដឹងពីមូលហេតុពិតនៅពីក្រោយរឿងនេះ ព្រោះវាមានអាថ៌កំបាំងខ្លាំងណាស់ ប៉ុន្តែអ្នកជំនាញបានទាញទ្រឹស្តីមួយចំនួនពាក់ព័ន្ធកត្តារួមចំណែកដូចជា៖ ទីតាំងព្រះច័ន្ទដែលប៉ះពាល់ដល់កម្លាំងទំនាញរបស់ផែនដី បម្រែបម្រួលនៅក្នុងដែនម៉ាញ៉េទិចរបស់ផែនដី ការផ្លាស់ប្តូរម៉ាសរបស់ភពផែនដី (ប្រហែលជាដោយសារការរលាយនៃផ្ទាំងទឹកកកនិងការផ្លាស់ប្តូរចរន្តមហាសមុទ្រ) និងចុងក្រោយគឺចលនាដែលកើតឡើងនៅក្នុងស្នូលផែនដី។

លោក Duncan Agnew អ្នកភូគព្ភវិទូនៅវិទ្យាស្ថានមហាសមុទ្រ Scripps នៃសាកលវិទ្យាល័យកាលីហ្វ័រញ៉ាសាន់ឌីហ្គោ បាននិយាយថា «នេះគឺជាស្ថានភាពដែលមិនធ្លាប់មានពីមុនមកនិងជារឿងដ៏ធំមួយ។ យ៉ាងណា ការផ្លាស់ប្តូរដ៏ធំនៅក្នុងការបង្វិលរបស់ផែនដី នឹងមិននាំទៅរកគ្រោះមហន្តរាយឬអ្វីនោះទេ ប៉ុន្តែវាគឺជារឿងដែលគួរឲ្យកត់សម្គាល់»។
បន្ទាប់ពីថ្ងៃ៩ខែកក្កដា នៅមាន២ថ្ងៃទៀតក្នុងឆ្នាំនេះ ដែលផែនដីនឹងវិលលឿនជាងធម្មតា ធ្វើឲ្យថ្ងៃខ្លី៖
- ថ្ងៃទី ២២ ខែកក្កដា៖ ថ្ងៃនឹងខ្លីជាងថ្ងៃធម្មតាប្រមាណ ១.៣៨ មិល្លីវិនាទី
- ថ្ងៃទី ៥ ខែសីហា៖ ថ្ងៃនឹងខ្លីជាងថ្ងៃធម្មតាប្រមាណ ១.៥១ មិល្លីវិនាទី
សូមជម្រាបថា ថ្ងៃដែលខ្លីបំផុតក្នុងកំណត់ត្រាចាស់គឺកាលពីឆ្នាំមុន ពោលគឺនៅថ្ងៃទី៥ខែកក្កដា នៅពេលដែលផែនដីវិលលឿនជាងធម្មតា ១.៦៦មិល្លីវិនាទី៕
អត្ថបទ៖ សុខ សុវណ្ណ
ចុចអាន៖ មកដឹងពីមូលហេតុដែលផែនដីកើនកម្ដៅខ្លាំងខុសធម្មតានៅថ្ងៃនេះ

-
ព័ត៌មានអន្ដរជាតិ៥ ថ្ងៃ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ១ សប្តាហ៍ ago
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ៣ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៣ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ១ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ ago
សមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៦ ថ្ងៃ ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៣ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ