សេដ្ឋកិច្ច
កម្ពុជាជាប់លេខ២ ជាប្រទេសផលិតស្វាយចន្ទីច្រើនបំផុតលើពិភពលោក
គិតត្រឹមឆ្នាំ ២០២៥ កម្ពុជា ជាប្រទេសផលិតគ្រាប់ស្វាយចន្ទីឆៅជាប់លេខ ២ ច្រើនបំផុតនៅលើពិភពលោក ដែលមានទំហំប្រមាណ ៨០ ម៉ឺន តោនជាមធ្យមក្នុងមួយឆ្នាំ បន្ទាប់ពីប្រទេសប្រទេសកូឌីវ័រ ដែលមានទិន្នផល ១,១ លានតោន ជាមធ្យមក្នុងមួយឆ្នាំ។
លោក ស៊ុយ កុកធាន អនុប្រធានសមាគមស្វាយចន្ទីកម្ពុជាមានប្រសាសន៍ថា ទិន្នផលគ្រាប់ស្វាយចន្ទីនៅកម្ពុជានឹងកើនឡើងដល់ជាង ១ លានតោន នៅរយៈពេល ៥ ឆ្នាំខាងមុខ ខណៈផ្ទៃដីដាំដុះបានកើនឡើងជារៀងរាល់ឆ្នាំ។
កម្ពុជាបានក្លាយជាអធិរាជស្វាយចន្ទីរួចទៅហើយខាងគុណភាព ពីព្រោះស្វាយចន្ទីខ្មែរ នៅលើពិភពលោក គ្មានស្វាយចន្ទីណាមានគុណភាពដូចងទេ គ្រាប់ធំ រសជាតិឆ្ងាញ់ ហើយមានសារធាតុចិញ្ចឹមច្រើន។
លោក ស៊ុយ កុកធាន បានបញ្ជាក់ថា៖ «បរិមាណ ក្នុងការផលិតនៅកម្ពុជាគឺយើងជាប់លេខ២ រួចហើយ បន្ទាប់ពីប្រទេសកូតឌីវ័រ ខ្ញុំជឿជាក់ថា ក្នុងរយៈពេល ៥ ឆ្នាំក្រោយ បើគ្មានអ្វីប្រែប្រួលទេ បរិមាណនៃការផលិតស្វាយចន្ទីកម្ពុជានឹងលើសពី ១ លានតោន អញ្ចឹងវាអាចប្រកួតប្រជែង នឹងអាចក្លាយទៅជាអ្នកដែលឈរលំដាប់លេខ ១ ហើយមានស្ថិរភាពនៅក្នុងពិភពលោក»។
លោកបានថ្លែងបន្តថា ប្រសិនបើការកែច្នៃហើយនាំចេញផលិតផលកែច្នៃ កម្ពុជាត្រូវការពេលវេលា ពីព្រោះការប្រកួតប្រជែង ដូចជាវៀតណាមគេក្លាយទៅជាប្រទេសដែលនាំចេញ ចន្ទីកែច្នៃលេខ១ នៅលើពិភពលោក នៅក្នុងអនុវិស័យមួយនេះ ស្ទើរតែ ២០ ឆ្នាំ ហើយ យើងទើបតែចាប់ផ្ដើមទេ អញ្ចឹងយើងត្រូវការពេលវេលា។
កាលពីឆ្នាំ ២០២១ កម្ពុជាធ្លាប់ជាប្រទេសលេខ១ លើពិភពលោក កម្ពុជាផលិតបានជាង ១ លានតោន ព្រោះដោយសារនៅពេលនោះ អាកាសធាតុល្អ អំណោយផល ធ្វើឱ្យទិន្នផលស្វាយចន្ទីកម្ពុជាកើនឡើង។
លោក តូច ប៊ុនហួរ រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ បានអះអាងថា កម្ពុជានឹងក្លាយជាប្រទេសដែលនាំចេញគ្រាប់ស្វាយចន្ទីច្រើនជាងគេលើពិភពលោកនៅក្នុងឆ្នាំ ២០៣០។
លោក តូច ប៊ុនហួរ បានបញ្ជាក់ថា ប្រសិនបើទីផ្សារល្អ មិនមានឧបសគ្គអ្វី មិនយូរទេ យើងអាចឈានទៅរកអធិរាជស្វាយចន្ទីពិតប្រាកដ ដោយសារថា យើងប្រៀបធៀបនឹងប្រទេស ដែលមានដំណាំស្វាយន្ទីច្រើនជាងគេ គឺប្រទេស កូតឌីវ័រ មានដល់ជាង ១ លានហិកតា ហើយបន្ទាប់មកប្រទេសឥណ្ឌា ប៉ុន្តែបើនិយាយពីរសជាតិ និងគ្រាប់ គឺស្វាយចន្ទីយើងល្អលើសគេ ចំណុចនេះហើយដែលយើងអាចក្លាយទៅជាអធិរាជស្វាយចន្ទីបាន។
ប្រទេសផលិតស្វាយចន្ទីខាងក្រោម៖
១. ប្រទេសកូឌីវ័រ (Côte d’Ivoire) ប្រមូលផល ពីខែមករា ដល់ មិថុនា (ផលជាមធ្យម ១.១០ លានតោនក្នុងមួយឆ្នាំ)
២. នីហ្សេរីយ៉ា (Nigeria) ប្រមូលផល ពីខែកុម្ភៈ ដល់ ឧសភា (ផលជាមធ្យម ៣០ ម៉ឺនតោនក្នុងមួយឆ្នាំ)
៣. បឺនីន (Benin) ប្រមូលផល ពីខែកុម្ភៈ ដល់ មេសា (ផលជាមធ្យម ២០ ម៉ឺនតោនក្នុងមួយឆ្នាំ)
៤. បួរគីណាហ្វាសូ (Burkina Faso) ប្រមូលផល ពីខែមិនា ដល់ ឧសភា (ផលជាមធ្យម ២០ ម៉ឺនតោនក្នុងមួយឆ្នាំ)។
៥. គីណេប៊ីសូ (Guinea-Bissau & Guinea) ប្រមូលផល ពីខែឧសភា ដល់ សីហា (ផលជាមធ្យម ២០ ម៉ឺនតោនក្នុងមួយឆ្នាំ)។
៦. តាន់ហ្សានី (Tanzania) អាហ្វ្រិកខាងកើត ប្រមូលផល ពីខែតុលា ដល់ មករា (ផលជាមធ្យម ៤០ ម៉ឺនតោនក្នុងមួយឆ្នាំ)។
៧. ឥណ្ឌូនេស៊ី (អាស៊ីអាគ្នេយ៍) ប្រមូលផល ពីខែតុលា ដល់ មករា (ផលជាមធ្យម ២០ ម៉ឺនតោនក្នុងមួយឆ្នាំ)។
៨. កម្ពុជា (អាស៊ីអាគ្នេយ៍) ប្រមូលផល ពីខែកុម្ភៈ ដល់ មិថុនា (ផលជាមធ្យម ៨០ ម៉ឺនតោនក្នុងមួយឆ្នាំ)។
៩. វៀតណាម (អាស៊ីអាគ្នេយ៍) ប្រមូលផល ពីខែមិនា ដល់ ឧសភា (ផលជាមធ្យម ៣០ ម៉ឺនតោនក្នុងមួយឆ្នាំ)
១០. ថៃ និង ឡាវ (អាស៊ីអាគ្នេយ៍) ប្រមូលផល ពីខែមិនា ដល់ ឧសភា (ផលជាមធ្យម ១០ ម៉ឺនតោនក្នុងមួយឆ្នាំ)
១១. ឥណ្ឌា (អាស៊ីខាងត្បូង) ប្រមូលផល ពីខែកុម្ភៈ ដល់ ឧសភា (ផលជាមធ្យម ៧០ ម៉ឺនតោនក្នុងមួយឆ្នាំ)៕
អត្ថបទ៖ ឡេង ដេត
ត្រាំ ថា បើថៃ និងកម្ពុជាមិនបញ្ចប់ការបាញ់គ្នាទេ លោកនឹងបន្តដាក់ពន្ធខ្ពស់ ៣៦%
ពលរដ្ឋជាច្រើនក្នុងខេត្តបាត់ដំបង បន្តដឹកអំណោយចូលរួមដើម្បីជួយដល់កងទ័ពនៅសមរភូមិមុខ
យោធាថៃបន្តបាញ់ផ្លោងលើកម្ពុជា ទោះថ្នាក់ដឹកនាំប្រទេសទាំងពីរ នឹងមានជំនួបចរចានៅម៉ាឡេស៊ី ថ្ងៃនេះក៏ដោយ
ខ្សែផ្លូវនៅខេត្តជាប់ព្រំដែនកម្ពុជា-ថៃ មិនមានខូចខាតធ្ងន់ធ្ងរ ឬកាត់ផ្ដាច់នោះទេ
នាយកដ្ឋានប្រឆាំងបទល្មើសបច្ចេកវិទ្យា អំពាវនាវកុំឱ្យចែករំលែក ឬបង្ហោះទីតាំងឈរជើងរបស់កងទ័ព
ថៃ កំពុងបំបាក់មុខលោក ត្រាំ និងមិនឲ្យតម្លៃប្រទេសមហាអំណាចផុតលេខ អាមេរិក
តើការចរចាគ្នានឹងទទួលបានលទ្ធផលទេ បើថៃនៅតែប្រកាន់ជំហរ ប្រើប្រាស់ផែនទីគូសដោយខ្លួនឯង?
ថៃ បន្តប្រព្រឹត្តឧក្រិដកម្មសង្គ្រាមតាមរយៈការទម្លាក់អាវុធគីមី លើកម្ពុជា
កំសួលប្រឆាំងការឈ្លានពានរបស់ថៃមកលើកម្ពុជាបានផ្ទុះឡើង ធ្វើឱ្យពលរដ្ឋខ្មែររាប់ម៉ឺននាក់នៅកូរ៉េ ចេញធ្វើបាតុកម្មទាមទារបញ្ឈប់ការឈ្លានពាន និងលើកទឹកចិត្តវីរកងទ័ពនៅសមរភូមិមុខ
ព្យុះទី៨អស់ឥទ្ធិពល តែព្យុះទី៩នៅតែបន្តជះឥទ្ធិពលលើកម្ពុជា ដល់ថ្ងៃទី៣០កក្កដា
-
ព័ត៌មានអន្ដរជាតិ២ ថ្ងៃ agoពលរដ្ធថៃ រត់ប្រសាចគ្នា ក្រោយបាក់ទំនប់បាវខ្សាច់ លិចក្រុងសុខោទ័យភ្លាមៗ
-
ព័ត៌មានអន្ដរជាតិ១ សប្តាហ៍ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៤ ថ្ងៃ agoថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ១ ថ្ងៃ agoចិន ច្រានចោលព័ត៌មានក្លែងក្លាយរបស់ថៃ ដែលថាខ្លួនផ្តល់អាវុធថ្មីដល់កម្ពុជា
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
បច្ចេកវិទ្យា១ សប្តាហ៍ agoជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានអន្ដរជាតិ៣ ថ្ងៃ agoអាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
-
ព័ត៌មានអន្ដរជាតិ៤ ថ្ងៃ agoអត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ