សេដ្ឋកិច្ច

ក្រុមហ៊ុនសិង្ហបុរី ស្វែរកកិច្ចសហការ វិនិយោគលើការកែច្នៃគ្រាប់ស្វាយចន្ទីនៅកម្ពុជា

បានផុស

១ ខែ មុន

នៅ

ថ្ងៃព្រហស្បតិ៍ ៤ មិថុនា ២០២៦

ដោយ

លោក តូច ប៊ុនហួរ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី ០៣ មិថុនា ២០២៦ បានជួបពិភាក្សាការងារជាមួយលោក Dipen Joshi តំណាងក្រុមហ៊ុន Olam Food Ingredients របស់សិង្ហបុរី ដើម្បីស្វែងរកកិច្ចសហប្រតិបត្តិការ វិនិយោគ ការកែច្នៃគ្រាប់ ស្វាយចន្ទីនៅកម្ពុជា សម្រាប់នាំចេញទៅកាន់ទីផ្សារអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំនួបនេះដែលធ្វើឡើងនៅទីស្តីការក្រសួងកសិកម្ម តបទៅតាមការស្នើសុំរបស់ភាគីក្រុមហ៊ុន ដែលជាក្រុមហ៊ុនអន្តរជាតិ មានការិយាល័យកណ្តាលនៅទីក្រុងសិង្ហបុរី ដើម្បីពិនិត្យរួមគ្នាដោះស្រាយបញ្ហាប្រឈមសំខាន់ៗ របស់កសិករ និងសហគមន៍កសិកម្ម សំដៅអាចឱ្យក្រុមហ៊ុនទិញបាននូវគ្រាប់ស្វាយចន្ទី ដែលមានបរិមាណច្រើន និងមានគុណភាពសមស្រប។

អង្គប្រជុំយល់ស្របជំរុញការតភ្ជាប់ខ្សែច្រវាក់តម្លៃស្វាយចន្ទីសម្រាប់គ្រប់តួអង្គពាក់ព័ន្ធ ជាពិសេសគឺរួមចំណែកសម្រេចបាននូវគោលនយោបាយជាតិ ហើយថានឹងបន្តធ្វើការជាមួយគ្នា ដើម្បីកំណត់នូវសកម្មភាពជាក់លាក់ ដែលភាគីក្រុមហ៊ុន និងក្រសួងកសិកម្មត្រូវធ្វើជាបន្តទៀត។

យោងតាមរបាយការណ៍ក្រៅផ្លូវការរបស់សមាគមស្វាយចន្ទី នៅក្នុងរយៈពេល ៤ ខែ (មករា-មេសា) ២០២៦ កម្ពុជាបាននាំចេញគ្រាប់ស្វាយចន្ទីឆៅសរុបជាង ៨៣ ម៉ឺនតោន ទៅកាន់ប្រទេសវៀតណាម ដោយបង្កើតប្រាក់ចំណូលប្រមាណ ១,៤៤ ពាន់លានដុល្លារ កើនឡើង ២៤.១៧% ធៀបនឹងរយៈពេលដូចគ្នាកាលពីឆ្នាំមុន៕