ព័ត៌មានអន្ដរជាតិ
កាណាដា ត្រៀមប្រកាសទទួលស្គាល់រដ្ឋប៉ាឡេស្ទីននៅខែកញ្ញា ដូច បារាំង និងអង់គ្លេស ដែរ
កាណាដា កំពុងរៀបចំទទួលស្គាល់ជាផ្លូវការនូវរដ្ឋប៉ាឡេស្ទីននាខែកញ្ញាខាងមុខ ស្របតាមវិធានការការទូតស្រដៀងគ្នា ដែលធ្វើឡើងដោយប្រទេសបារាំង និងចក្រភពអង់គ្លេស។ នេះបើយោងតាមការប្រកាសរបស់របស់លោក Mark Carney នាយករដ្ឋមន្ត្រីកាណាដា កាលពីថ្ងៃទី៣០ខែកក្កដាឆ្នាំ២០២៥។
វាគឺជាជំហានដ៏សំខាន់មួយនៅក្នុងគោលនយោបាយមជ្ឈិមបូព៌ាដ៏យូរអង្វែងរបស់ប្រទេសកាណាដា និងបន្ថែមសម្ពាធអន្តរជាតិដែលកំពុងកើនឡើងលើអ៊ីស្រាអែល ចំពេលមានសង្រ្គាមដែលកំពុងបន្តនៅតំបន់ហ្គាហ្សា។
លោក Carney បាននិយាយថា «កាណាដាបានប្តេជ្ញាចិត្តជាយូរមកហើយចំពោះដំណោះស្រាយរដ្ឋពីរ ដែលជារដ្ឋប៉ាឡេស្ទីនឯករាជ្យ ឋិតថេរ និងអធិបតេយ្យភាព ដែលរស់នៅក្បែររដ្ឋអ៊ីស្រាអែល ក្នុងសន្តិភាព និងសន្តិសុខ»។
មេដឹកនាំកាណាដា បានបន្ថែមថា «កាណាដាមានបំណងទទួលស្គាល់រដ្ឋប៉ាឡេស្ទីននៅឯមហាសន្និបាតអង្គការសហប្រជាជាតិលើកទី៨០។ យើងមានបំណងធ្វើដូច្នេះ ដោយសារតែអាជ្ញាធរប៉ាឡេស្ទីនបានប្តេជ្ញាដឹកនាំកំណែទម្រង់ចាំបាច់ជាច្រើន»។
លោក Carney បានសង្កត់ធ្ងន់ថា ប្រធានាធិបតីប៉ាឡេស្ទីន លោក Mahmoud Abbas បានធានាថា រដ្ឋបាលរបស់គាត់នឹងរៀបចំការបោះឆ្នោតដែលពន្យារពេលជាយូរណាស់មកហើយនៅឆ្នាំ២០២៦ ហើយក្រុមសកម្មប្រយុទ្ធហាម៉ាសនឹងមិនមានវត្តមាននោះឡើយ។
ការទទួលស្គាល់របស់កាណាដា នឹងធ្វើតាមប្រទេសជាង ១៤០ផ្សេងទៀតដែលទទួលស្គាល់ប៉ាឡេស្ទីនជារដ្ឋរួចមកហើយ បើទោះបីជាសហរដ្ឋអាមេរិក និងសម្ព័ន្ធមិត្តសំខាន់ៗមួយចំនួនមិនទាន់បានធ្វើតាមក៏ដោយ។
សូមរឭកថា នៅមហាសន្និបាតអង្គការសហប្រជាជាតិនាខែកញ្ញាឆ្នាំ២០២៥នេះ ប្រទេសបារាំង និងចក្រភពអង់គ្លេស ក៏បានឲ្យដឹងដែរថា ពួកគេត្រៀមខ្លួនប្រកាសទទួលស្គាល់រដ្ឋប៉ាឡេស្ទីនជាផ្លូវការ។ យ៉ាងណាមិញ មន្ត្រីអ៊ីស្រាអែលបានថ្កោលទោសភ្លាមៗចំពោះជំហរបែបនេះ ដោយហៅវាថាជា«រង្វាន់ដ៏គ្រោះថ្នាក់សម្រាប់អំពើភេរវកម្ម»។ ក្រសួងការបរទេសអ៊ីស្រាអែល បានថ្លែងថា ទង្វើនេះនឹងធ្វើឲ្យខូចដល់កិច្ចខិតខំប្រឹងប្រែងដើម្បីដោះលែងចំណាប់ខ្មាំង និងទទួលបានបទឈប់បាញ់យូរអង្វែង។ ចំណែកឯប្រធានាធិបតីអាមេរិក លោក ដូណាល់ ត្រាំ ក៏បានរិះគន់ការសម្រេចចិត្តនេះផងដែរ ដោយព្រមានថា វាអាចពង្រឹងសមត្ថភាពក្រុមហាម៉ាស និងធ្វើឲ្យមានអស្ថិរភាពក្នុងតំបន់បន្ថែមទៀត៕
ដោយ៖ ឈាង
ចុចអាន៖ អង់គ្លេស នឹងទទួលស្គាល់រដ្ឋប៉ាឡេស្ទីន បើអ៊ីស្រាអែលមិនយល់ព្រមបទឈប់បាញ់នៅហ្គាហ្សា
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ