ព័ត៌មានអន្ដរជាតិ
ណេតាន់យ៉ាហ៊ូ ផ្ដាំទៅអន្តរជាតិថា បើអាណិតប៉ាឡេស្ទីន គួរបើកព្រំដែនទទួលយកពួកគេ
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានធ្វើការស្តីបន្ទោសយ៉ាងខ្លាំងទៅកាន់សហគមន៍អន្តរជាតិកាលពីថ្ងៃពុធទី១៣ខែសីហាឆ្នាំ២០២៥ ដោយនិយាយថា រាល់ប្រទេសណាដែលព្រួយបារម្ភអំពីប៉ាឡេស្ទីនគួរតែទទួលយកជនភៀសខ្លួនទៅ ជាជាងរិះគន់យុទ្ធនាការយោធារបស់អ៊ីស្រាអែលនៅក្នុងតំបន់ហ្គាហ្សា។
លោក ណេតាន់យ៉ាហ៊ូ បានប្រាប់សារព័ត៌មាន i24NEWS ថា «រាល់គ្នាដែលព្រួយបារម្ភចំពោះប៉ាឡេស្ទីន ហើយនិយាយថា ពួកគេចង់ជួយប៉ាឡេស្ទីន គួរតែបើកទ្វាររបស់ពួកគេ ហើយឈប់បង្រៀនយើង»។ លោកបន្ថែមថា ពលរដ្ឋប៉ាឡេស្ទីនគួរតែស្ម័គ្រចិត្តចាកចេញដោយខ្លួនឯងចេញពីតំបន់ហ្គាហ្សា។
ការលើកឡើងរបស់លោក ណេតាន់យ៉ាហ៊ូ ធ្វើឡើងបន្ទាប់ពីកងកម្លាំងអ៊ីស្រាអែលបានសម្លាប់ជនជាតិប៉ាឡេស្ទីនចំនួន ១២៣នាក់ក្នុងរយៈពេលត្រឹមតែ ២៤ម៉ោងចុងក្រោយ។ នេះបើយោងតាមរបាយការណ៍របស់ក្រសួងសុខាភិបាលហ្គាហ្សា។
សុន្ទរកថារបស់មេដឹកនាំអ៊ីស្រាអែល បានទាក់ទាញការថ្កោលទោសភ្លាមៗពីមេដឹកនាំអារ៉ាប់ និងអង្គការមនុស្សធម៌ ខណៈប្រទេសចំនួន២៤ បានចេញសេចក្តីថ្លែងការណ៍រួមមួយ ថ្កោលទោសវិបត្តិមនុស្សធម៌នៅហ្គាហ្សា។
យ៉ាងណាមិញ ការិយាល័យនាយករដ្ឋមន្ដ្រីអ៊ីស្រាអែល ក្រោយមកបានចេញមកបំភ្លឺថា លោក ណេតាន់យ៉ាហ៊ូ មិនគាំទ្រការបណ្តេញចេញដោយបង្ខំនោះទេ ពោលគឺដោយការស្ម័គ្រចិត្ត ប៉ុន្តែបានសង្កត់ធ្ងន់ថា អ៊ីស្រាអែលមាន «សិទ្ធិការពារខ្លួន» បន្ទាប់ពីការវាយប្រហារនៅខែតុលាឆ្នាំ២០២៣របស់ក្រុមសកម្មប្រយុទ្ធប៉ាឡេស្ទីនហាម៉ាស៕
ដោយ៖ ឈាង
ចុចអាន៖ ណេតាន់យ៉ាហ៊ូ រងការរិះគន់ជុំទិសនៅក្រុមប្រឹក្សាសន្តិសុខ UN អំពីផែនការវាយយកហ្គាហ្សា
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត