ព័ត៌មានអន្ដរជាតិ
អេស្ប៉ាញដាក់ពង្រាយទ័ពជិត ២ ០០០នាក់ ខណៈភ្លើងឆេះព្រៃរាលដាលពាសពេញប្រទេស
អេស្ប៉ាញបានបញ្ជូនទាហាន ៥០០នាក់បន្ថែមទៀត ដើម្បីជួយប្រយុទ្ធប្រឆាំងនឹងភ្លើងឆេះព្រៃដែលនាំឲ្យចំនួនទាហានសរុបដែលបានដាក់ពង្រាយកើនដល់ ១ ៩០០នាក់។ ភ្លើងបានលេបត្របាក់ផ្ទៃដីចំនួន ១៥៨ ០០០ហិកតានៅឆ្នាំនេះ ហើយបានឆក់យកជីវិតមនុស្សបីនាក់កាលពីសប្តាហ៍មុន។
ភ្លើងឆេះព្រៃធំៗចំនួន២០ បច្ចុប្បន្នមិនទាន់រលត់នៅឡើយទេ ដូចជានៅតំបន់ភាគពាយ័ព្យនៃទីក្រុង Galicia ជាកន្លែងដែលភ្លើងខ្លះបានឆេះបន្តកន្ទុយគ្នាបង្កើតទៅហេតុការណ៍ភ្លើងព្រៃដ៏សន្ធោរសន្ធៅ បង្ខំឲ្យមានការបិទផ្លូវ និងរថភ្លើង។ ជំនួយអន្តរជាតិកំពុងទៅដល់ ដោយមានយន្តហោះទម្លាក់ទឹកពីហូឡង់ បារាំង និងអ៊ីតាលី ខណៈអ្នកពន្លត់អគ្គិភ័យបរទេសក៏ត្រូវបានគេរំពឹងថានឹងចូលជួយក្នុងពេលឆាប់ៗផងដែរ។
តំបន់អឺរ៉ុបខាងត្បូងកំពុងប្រឈមមុខនឹងរដូវកាលភ្លើងឆេះព្រៃដ៏អាក្រក់បំផុតរបស់ខ្លួនក្នុងរយៈពេល ២ទសវត្សរ៍កន្លងមកនេះ ដោយអេស្ប៉ាញស្ថិតក្នុងចំណោមប្រទេសដែលរងផលប៉ះពាល់ខ្លាំងជាងគេ។ អ្នកវិទ្យាសាស្ត្រអាកាសធាតុព្រមានថា ការកើនឡើងសីតុណ្ហភាពសកលកំពុងធ្វើឲ្យលក្ខខណ្ឌអាកាសធាតុកាន់តែធ្ងន់ធ្ងរ ភ្លើងកាន់តែអាក្រក់ គ្រោះរាំងស្ងួត និងរលកកម្ដៅ។
ប្រទេសជិតខាងអេស្ប៉ាញ ដូចជា ក្រិក ប៊ុលហ្គារី ម៉ុងតេណេហ្គ្រោ និងអាល់បានី ក៏បានស្នើសុំជំនួយការពន្លត់អគ្គិភ័យរបស់សហភាពអឺរ៉ុបផងដែរ។
សីតុណ្ហភាពនៅក្នុងប្រទេសអេស្ប៉ាញ ត្រូវបានគេព្យាករថានឹងឡើងដល់ ៤៥អង្សាសេនៅក្នុងតំបន់មួយចំនួន ដែលអាចបង្កើនហានិភ័យខ្លាំងថែមទៀតនាប៉ុន្មានថ្ងៃខាងមុខ៕
ដោយ៖ ឈាង
-
ព័ត៌មានអន្ដរជាតិ២២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ