Viettel នាំមក​ជូន​នូវ​ដំណោះស្រាយ​ត្រួសត្រាយ​ជាច្រើន ជាពិសេស​ក្នុងការ​ផ្លាស់ប្តូរ​ឌីជីថល​ក្នុង​ពិព័រណ៍​ពាណិជ្ជកម្ម ផលិតផល​សេដ្ឋកិច្ច ការពារជាតិ​វៀតណាម – កម្ពុជា 2023

​ក្រុមហ៊ុន Viettel Group ដែលជា​សហគ្រាស​ទូរគមនាគមន៍​ធំជាងគេ​នៅ​វៀតណាម​នឹងដាក់​តាំង​បង្ហាញ​ផលិតផល​ត្រួសត្រាយ​ផ្លូវ​ចំនួន 32 និង​ដំណោះស្រាយ​បច្ចេកវិទ្យា​សម្រាប់​វិស័យ​ផ្សេងៗ រួមទាំង​ការផ្លាស់ប្តូរ​ឌីជីថល និង​ឧស្សាហកម្ម​បច្ចេកវិទ្យា​ខ្ពស់​នៅឯ​ពិព័រណ៍​ពាណិជ្ជកម្ម ផលិតផល​សេដ្ឋកិច្ច ការពារជាតិ​វៀតណាម – កម្ពុជា 2023

​ពិព័រណ៍​ពាណិជ្ជកម្ម ផលិតផល​សេដ្ឋកិច្ច ការពារជាតិ​វៀតណាម – កម្ពុជា​ឆ្នាំ 2023

​ប្រារព្ធ​ឡើង​ក្នុងឱកាស​រំលឹក​ខួប​លើក​ទី 70 នៃ​ទិវា​ជាតិ​កម្ពុជា និង​ការបង្កើត​កងយោធពល​ខេមរភូមិន្ទ (9 វិច្ឆិកា 1953 – 9 វិច្ឆិកា 2023) ក្នុង​គោលបំណង​ពង្រឹង​កិច្ចសហប្រតិបត្តិការ​លើ​វិស័យ​ការពារជាតិ​រវាង​វៀតណាម និង​កម្ពុជា​។ ពិព័រណ៍​នេះ​នឹង​ប្រព្រឹត្តទៅ​ចាប់ពី​ថ្ងៃទី 25 ដល់ 29 ខែតុលា នៅ​មជ្ឈមណ្ឌល​សន្និបាត និង​ពិព័រណ៍​កោះ​ពេជ្រ រាជធានី​ភ្នំពេញ​។​

​ក្រោម​ពាក្យស្លោក “Technology with Heart” ការចូលរួម​របស់ Viettel ក្នុងការ​តាំងពិព័រណ៍​នេះ មាន​គោលបំណង​ផ្គូផ្គង​នឹង​ចក្ខុវិស័យ​ក្នុងការ​បម្រើ​សហគមន៍​ឱ្យ​កាន់តែ​ប្រសើរឡើង បង្ហាញ​ពី​បំណងប្រាថ្នា​ដើម្បី​ធ្វើជា​ម្ចាស់​នៃ​បច្ចេកវិទ្យា និង​ការបង្កើត​ពិភពលោក​ប្រកបដោយ​និរន្តរភាព និង​ស្រស់ស្អាត​ជាង​មុន​។ ស្តង់​តាំង​ពិ​ព័រ​ណ៌​របស់ Viettel នឹង​ក្លាយជា​កន្លែង​សម្រាប់​អតិថិជន​ទទួលបាន​បទពិសោធន៍ និង​ទំនាក់ទំនង​ជាមួយ​ផលិតផល សេវាកម្ម និង​ដំណោះស្រាយ​បច្ចេកវិទ្យា​ថ្មីៗ ដែល​ឆ្លុះបញ្ចាំង​ពី​ការប្តេជ្ញាចិត្ត​របស់ Viettel ចំពោះ​ប្រជាជន និង​ប្រទេស​កម្ពុជា​នាពេល​បច្ចុប្បន្ន និង​អនាគត​។​

​ដំណោះស្រាយ​បំលាស់ប្តូរ​ឌីជីថល​ដែល​នាំមក​ដោយ Viettel ក្នុងការ​តាំង​ពិ​ពណ៌​នេះ​រួមមាន​សសរស្តម្ភ​សំខាន់ៗ​ដូចជា រដ្ឋាភិបាល​អេឡិចត្រូនិក សេដ្ឋកិច្ច​ឌីជីថល សង្គម​ឌីជីថល និង​សន្តិសុខ​តាម​អ៊ីនធឺណិត​។ គួរ​កត់សម្គាល់ថា ប្រព័ន្ធ​អេកូ​ឌីជីថល​របស់ Viettel នៅ​កម្ពុជា (​ក្រោម​ម៉ាក​សញ្ញា Metfone) នឹង​បង្ហាញ​ផលិតផល​ផងដែរ​ដូចជា Super app CamID ប្រព័ន្ធ​អេកូ​ហិរញ្ញវត្ថុ​ឌីជីថល eMoney ប្រព័ន្ធ​រក្សាទុក​រូបភាព និង​ប្រព័ន្ធ​ទំនាក់ទំនង (PACS) សម្រាប់​ការថែទាំ​សុខភាព​ឌីជីថល និង​ប្រព័ន្ធគ្រប់គ្រង​ព័ត៌មាន​សាលារៀន (SIS) សម្រាប់​ការគ្រប់គ្រង​វិស័យ​អប់រំ​។​

​តាំងពី​ដើមដំបូង​មក​កម្ពុជា មិត្ត​ហ្វូ​ន ដែលជា​ម៉ាក​យីហោ​របស់ Viettel Group តែងតែ​សង្កត់ធ្ងន់ថា ការវិនិយោគ​របស់ខ្លួន​នៅ​កម្ពុជា​មិន​ត្រឹមតែ​បម្រើ​គោលបំណង​សេដ្ឋកិច្ច​ប៉ុណ្ណោះ​ទេ តែ​ថែមទាំង​ជា​ស្ពាន​ត​ភ្ជាប់​ទំនាក់ទំនង​ដ៏​រឹងមាំ​រវាង​វៀតណាម និង​កម្ពុជា​។ ក្នុងនាម​ជា​អ្នក​កសាង​សង្គម​នៅ​កម្ពុជា មិត្ត​ហ្វូ​ន​បន្ត​វិនិយោគ​លើ​វេទិកា​ថ្មីៗ និង​សេវាកម្ម 4.0 ដើម្បី​ធានាថា​ប្រជាពលរដ្ឋ​កម្ពុជា​គ្រប់រូប​អាច​ទទួលបាន​បច្ចេកវិទ្យា​ទំនើបៗ និង​មិន​ត្រូវបាន​បោះបង់​ឡើយ​។ ចក្ខុ​វិស័យនេះ​ត្រូវបាន​ឆ្លុះបញ្ចាំង​យ៉ាងខ្លាំង​តាមរយៈ​ផលិតផល​ដែល Viettel បានដាក់​តាំង​បង្ហាញ​នៅក្នុង​ពិព័រណ៍​នេះ​។​

“Technology with Heart” សំដៅលើ​ការប្រើប្រាស់​បច្ចេកវិទ្យា​ដោយ​ស្មារតី​ដើម្បី​នាំមក​នូវ​តម្លៃ និង​បង្កើត​ផលប៉ះពាល់​ជា​វិជ្ជមាន​ដល់​សហគមន៍ និង​ពិភពលោក​។ វា​ក៏​ជា​ទស្សនវិជ្ជា​ធុរកិច្ច​ដែល Viettel នៅ​កម្ពុជា​បាន​ប្រកាន់ខ្ជាប់​យ៉ាង​ខ្ជាប់ខ្ជួន​អស់​រយៈពេល​ជាច្រើន​ឆ្នាំ ហើយនឹង​បន្ត​គាំទ្រ​នាពេលខាងមុខ​។ ទស្សនវិជ្ជា​នេះ​មាន​គោលបំណង​កែលម្អ​ជីវភាព​រស់នៅ​របស់​ប្រជាជន បង្កើត​ពិភពលោក​ឱ្យ​កាន់តែ​ប្រសើរឡើង លើកកម្ពស់​ការអភិវឌ្ឍ​ប្រកបដោយ​ចីរភាព គាំទ្រ​សហគមន៍​មូលដ្ឋាន និង​ជា​ស្ពាន​បែងចែក​ឌីជីថល និង​ទីបំផុត​បម្រើប្រជាជន និង​ប្រទេសជាតិ​កម្ពុជា​ទាំងមូល​៕