ព្រះ ហុក ឡុក សៀវ មិនមែនដាក់ឲ្យតែបាននោះទេ ប្រយ័ត្ននាំរឿងក្ដៅក្រហាយចូលផ្ទះ

បើតាមជំនឿជនជាតិចិន ឬខ្មែរស្រឡាយចិនមួយចំនួន តែងនិយមតាំងព្រះ ហុក ឡុក ស៊ីវ ក្នុងផ្ទះ ដែលជានិមិត្តរូប នៃលាភសំណាង និងសុភមង្គលពេញលេញក្នុងគ្រួសារ។

យ៉ាងណាមិញ ព្រះហុក ឡុក ស៊ីវ ក៏មិនមែនចេះតែដាក់ឲ្យបានតាមតែចិត្តចង់នោះទេ។ ប្រសិន​បើ​អ្នក​ដាក់​ព្រះចិនទាំង ៣ អង្គ មិនចំទិសដៅ នោះគ្រោះអាក្រក់​នឹង​ចូល​មក​ក្នុង​ផ្ទះ​ កាត់​លាភ​វិញ​អស់​មិន​ខាន។

ថ្ងៃ​នេះ​ គ្រូ ណុប សូមណែនាំ​​វិធី​ដាក់​​ព្រះ ហុក ឡុក ស៊ីវ ក្នុងផ្ទះ ដើម្បី​​នាំសំណាង សិរីមង្គល ជូនដល់សមាជិកគ្រួសារទាំងអស់គ្នា។

ទីតាំង​ដែល​ត្រូវ​​ដាក់ព្រះ ហុក ឡុក ស៊ីវ (Hok Lok Siu)

លំដាប់​ទី​តាំង៖ ហុក​នៅ​ កណ្ដាល ឡុក​នៅ​ ខាង​ឆ្វេង ហើយ​ស៊ីវ​នៅ​ ខាង​ស្ដាំ។ អាច​ដាក់​ក្នុង​សាល​ប្រជុំ ​កន្លែង​ការងារ​បាន បើដាក់ក្នុងបន្ទប់​ទទួល​ភ្ញៀវ ត្រូវឲ្យព្រះ​បែរមុខ​ចេញ​ក្រៅ​ ទ្វារផ្ទះ ឬ​ខាង​មុខ​ផ្ទះវិញ។

ហាម​ដាច់ខាត​កុំ​បំបែក​ព្រះហុក ឡុក ស៊ីវ ចេញ​ពី​គ្នា​ ប្រយ័ត្ន​នាំ​រឿង​ក្ដៅ ក្រហាយ​ ដាក់​សមាជិក​គ្រួសារ​ ឬ​កន្លែង​ការងារ។

ព្រះ​ទាំង​បី​ គួរ​តែ​ត្រូវ​បាន​រៀប​ចំ​យ៉ាង​ល្អ​ និង​សំអាត​ញឹកញាប់ ​នៅ ​ទី​អាសនៈ ​ចៀសវាង​កខ្វក់​ អាច​កាត់​លាភ​សំណាង​ចេញ​បាន។ ជា​ពិសេស​ មិន​គួរ​ដាក់​ក្នុង​បន្ទប់​គេង ដាក់​នៅ​ មុខ​បន្ទប់ទឹក និងផ្ទះ​បាយ​ទេ។

ប្រសិន​បើ​អ្នក​មានបំណងចង់តាំងព្រះ ហុក ឡុក ស៊ីវ​ ហើយ​បាន​ធ្វើ​តាម ​គ្រូ ណុប​ ប្រាប់​ នោះ​សមាជិក​គ្រួសារ ​ឬ​កន្លែង​ការងារ​ នឹង​មាន​តែ​រឿង​ល្អៗ​ សុភមង្គល​ចូល​មក​ក្នុង​ជីវិត​មិន​ខាន៕

គ្រូ ណុប

ចុចអាន៖វក ម្សាញ់ កុរ និង ខាល ២០២២ ឡាក់ឆុងមែនពិត តែបើធ្វើរឿងនេះ ជីវិតនឹងគេចផុតពីសំណាងអាក្រក់ពេញមួយឆ្នាំ

ចុចអាន៖​វក​ ម្សាញ់​ កុរ​ និង​ ខាល ឡាក់ឆុងឆ្នាំ ២០២២ ប្រញាប់កាត់គ្រោះសែនផ្តាច់ឆ្នាំ យកលាភសំណាងមកវិញ